एजेन्सी – इन्डियन प्रिमियर लिग (आइपिएल) २०२२ को १५ औं खेलमा दिल्ली क्यापिटल्सले लखनऊ सुपर जायन्ट्सविरुद्ध पहिला ब्याटिङ गर्ने भएको छ । डिवाई पाटिल स्र्पोट्स एकेडेमीमा लखनऊका कप्तान लोकेश राहुलले टस जितेर पहिला फिल्डिङ गर्ने निर्णय लिएका हुन् ।

लखनऊले आजको खेलमा एक परिवर्तन गरेको छ । मध्यक्रमका ब्याटर मनिष पाण्डे आजको खेलमा टोलीमा छैनन् । उनको स्थानमा कृष्णाप्पा गौथमलाई मैदान उतारेको छ । दिल्लीले आजको खेलमा तीन परिवर्तन गरेको छ । दिल्लीका ओपनर डेविड वार्नर र तीव्र गतिका बलर एनरिच नोर्कियाले यस सिजनको पहिलो खेल खेल्ने भएका छन् । दिल्लीले आज वार्नर, नोर्किया र शरफराज खानलाई प्लेइङ ११ मा मैदान उतारेको छ । खलिल अहमद, टिम सिफर्ट र मन्दीप सिंहलाई बेन्चमा राखेको छ ।

दिल्ली २ खेलमा १ मा जित र १ मा हार सहित सातौं स्थानमा छ । लखनऊ सुपर जायन्ट्स ३ खेलमा २ मा जित र १ मा हार सहित पाँचौं स्थानमा छ । वार्नर सनराजर्स हैदराबाद छोड्दै दिल्लीबाट खेल्न लागेका हुन् । विश्वका एक आक्रामक बायाँ हाते ओपनर वार्नर ठूला इनिङको लागि चिनिन्छन् । तीन पटकका ओरेन्ज क्याप विजेता वार्नर उच्च लयमा छन् ।

गत नोभेम्बरमा अष्ट्रेलिायालाई टि२० विश्वकप जिताउन वार्नर सर्वोत्कृष्ट खेलाडी चुनिएका थिए । उनको उपलब्धाताले दिल्लीको शीर्षस्थान मजबुत बन्नेछ ।

दिल्लीको प्लेइङ ११ :

पृथ्वी शा, डेविड वार्नर, शरफराज खान, ऋषभ पन्त (कप्तान तथा विकेटकिपर), अक्षर पटेल, एनरिच नोर्किया, ललित यादव, रोभम्यान पावेल, शार्दुल ठाकुर, कुलदीप यादव र मुस्ताफिजुर रहमान ।

लखनऊको प्लेइङ ११ :

लोकेश राहुल (कप्तान) क्विन्टन डि कक, (विकेटकिपर), कृष्णाप्पा गोथम, इविन लेविस, दीपक हुडा, आयुष बदोनी, क्रुनाल पान्ड्या, जेसन होल्डर, एन्ड्र टाइ, रवि विश्रोई र आवेश खान