2 years ago
April 7, 2022
एजेन्सी – ओपनर क्विन्टन डि ककको उत्कृष्ट ब्याटिङको सहयोगमा लखनऊ सुपर जायन्ट्सले इन्डियन प्रिमियर लिग (आइपिएल) २०२२ मा दिल्ली क्यापिटल्समाथि ६ विकेटको रोमान्चक जित हात पारेको छ । यो जितसँगै लखनऊ अंक तालिकामा दोस्रो स्थानमा उक्लिएको छ ।
१ सय ५० रनको विजयी लक्ष्य पछ्याएको लखनऊले १९.४ ओभरमा ४ विकेट गुमाउँदै पूरा गर्यो । लखनऊको जितमा क्विन्टन डि ककले ५२ बलमा ९ चौका र २ छक्कासहित ८० रनको इनिङ खेले । डि कक स्पिनर कुलदीप यादवको १६ औं ओभरको अन्तिम बलमा शरफराज खानबाट क्याच भए ।
अन्तिम ६ बलमा जितको लागि लखनऊलाई ५ रन चाहिँएको थियो । दीपक हुडा शार्दुल ठाकुरको पहिलो बलमा अक्षर पटेलबाट ११ रनमा क्याच आउट भए । दोस्रो बल आयुष बदोनीलाई डट राखे । तेस्रो बलमा बदोनीले चौका र चौथो बलमा एक्स्ट्रा कभरमा छक्का प्रहार गर्दै खेल सकाए ।
बदोनी ३ बलमा १ चौका र १ छक्कासहित १० रनमा अविजित रहे । क्रुनाल पान्ड्या १४ बलमा १ छक्कासहित १९ रनमा अविजित रहे ।
डि कक आउट हुँदा लखनऊलाई जितको लागि अन्तिम २४ बलमा २८ रन आवश्यक पर्दा ७ विकेट हातमा थियो ।
तर मुस्ताफिजुर रहमानले १७ औं ओभरमा ४ रन र शार्दुल ठाकुरले १८ औं ओभरमा ५ रन खर्चेपछि खेल रोचक बनेको थियो । १९ औं ओभरमा रहमानले एक छक्कासहित कुल १४ रन खर्चेका थिए । क्रुनाल पान्ड्याले तेस्रो बलमा छक्का र त्यसपछि तीन बलमा लगातार दुई रन जोड्दै जित नजिक पुर्याए ।
ओपनर तथा कप्तान लोकेश राहुल २५ बलमा १ चौका र १ छक्कासहित २४ रनमा आउट भए । ओपनर लोकेश राहुल र डि ककले ९.४ ओभरमा ७३ रनको साझेदारी गर्दै राम्रो सुरुवात गरेका थिए । दिल्लीका कुलदीप यादवले ३.४ ओभरमा ३१ रन खर्चेर २ विकेट लिए । शार्दुल ठाकुर र ललित यादवले १-१ विकेट लिए ।
त्यसअघि डिवाई पाटिल स्पोर्ट्स एकेडेमी मुम्बईमा टस हारेर पहिला ब्याटिङको निम्तो पाएको दिल्लीले निर्धारित २० ओभरमा ३ विकेट गुमाउँदै १ सय ४९ रन बनाएको थियो । दिल्लीका ओपनर पृथ्वी शाले ३४ बलमा ९ चौका र २ छक्कासहित सर्वाधिक ६१ रनको योगदान दिए । कप्तान ऋषभ पन्त ३६ बलमा ३ चौका र २ छक्कासहित ३९ रनमा अविजित रहे । शरफराज खान २८ बलमा ३ चौका ३६ रनमा अविजित रहे ।
सिजनको पहिलो खेल खेलेका ओपनर डेविड वार्नर १२ बलमा ४ रनमा आउट भए । वार्नर स्पिनर रवि विश्रोईको बलमा आयुष बदोनीबाट क्याच भए । विश्रोईले रोभम्यान पावेललाई ३ रनमा बोल्ड आउट गरे । दिल्लीलाई ओपनर पृथ्वी शा र वार्नरले पहिलो विकेटका लागि ७।३ ओभरमा ६७ रनको साझेदारी गर्दै राम्रो सुरुवात दिलाएका थिए ।
तर ७ रन जोड्न तीन विकेट गुमाएपछि समस्यामा परेको थियो । चौथो विकेटका लागि पन्त र शरफराज खानले ५७ बलमा ७५ रनको अविजित साझेदारी गरेका थिए । लखनऊका लेग स्पिनर रवि विश्रोईले ४ ओभरमा २२ रन खर्चेर २ विकेट लिए । स्पिनर कृष्णाप्पा गोथमले ४ ओभरमा १ मेडनसहित २३ रन खर्चेर १ विकेट लिए । दिल्लीले अव आइतबार कोलकाता नाइट राइडर्ससँग खेल्नेछ । लखनऊले शनिबार राजस्थान रोयल्ससँग खेल्नेछ ।
अंक तालिका
कोलकाता नाइट राइडर्स ४ खेलमा ३ मा जित र १ मा हार सहित ६ अंकका साथ नेटरनरेटको कारण शीर्षस्थानमा छ । लखनऊ ४ खेलमा ३ मा जित र १ मा हार सहित ६ अंकका साथ दोस्रो स्थानमा छ । राजस्थान रोयल्स ३ खेलमा २ मा जित र १ मा हार सहित तेस्रो स्थानमा छ ।
गुजरात राइटन्स दुई खेलमा २ मा नै जितका साथ चौथो स्थानमा छ । समान ४ अंकका साथ पन्जाब पाँचौं र बेंगलोर छैटौं स्थानमा छन् । दिल्ली ३ खेलमा १ मा जित र २ मा हार सहित सातौं स्थानमा छ । अंक विहीन चेन्नई सुपर किंग्स, मुम्बई इन्डियन्स र सनराइजर्स हैदराबाद क्रमश : आठौं, नवौं र १० औं स्थानमा छन् ।
May 7, 2024
काठमाडौं (हाम्रो खेलकुद)– एन्जल्स हार्ट स्कुलले जयकुमारनाथ शाह स्मृति यु १६ अन्तर स्कुल क्रिकेट प्रतियोगितामा मंगलबार केएमसीलाई हराएको छ । एन्जल्स हार्टले केएमसीलाई ६ विकेटले हराएको हो । १ सय ६३ लक्ष्य पछ्याएको एन्जल्स हार्टसले १९.३ ओभरमा ४ विकेटको क्षेतिमा जित हासिल गरेको थियो । टोलीका लागि युवराज खत्रीले ३६ बलमा ४९, जोय थापा २९ […]
May 7, 2024
एजेन्सी – सूर्यकुमार यादवको शतकको मद्दतमा मुम्बई इण्डियन्सले इन्डियन प्रिमियर लिग (आइपिएल) मा सोमबार सनराइजर्स हैदराबाद माथि सहज जित दर्ता गरेको छ । मुम्बईले हैदराबादलाई ७ विकेटले हराएको हो । हैदराबादले दिएको १ सय ७४ रनको लक्ष्य मुम्बईले १७.२ ओभरमै ३ विकेट मात्र गुमाएर भेट्टायो । मुम्बईका सूर्यकुमारले ५१ बलमा १२ चौका र ६ छक्का […]
May 6, 2024
काठमाडौं (हाम्रो खेलकुद)- राष्ट्रिय गौरवको आयोजनामा परेको मुलपानी क्रिकेट मैदानको डिजाइन आज युवा तथा खेलकुद मन्त्रालयमा प्रस्तुत गरिएको छ। युवा तथा खेलकुद मन्त्री बिराजभक्त श्रेष्ठ, राष्ट्रिय खेलकुद परिषदका सदस्य सचिव टंक लाल घिसिङ, मन्त्रालयका सचिव सुमनराज अर्याल लगायतको उपस्थितिमा मुलपानी मैदानको डिजाइन र संरचनाको बारेमा पुल्चोक इन्जिनियरिङ कलेजले डिजाइन प्रस्तुत गरेको हो। डिजाइन अनुसार हालको […]