एजेन्सी – कप्तान केन विलियम्सनको अर्धशतकमा सनराइजर्स हैदराबादले इन्डियन प्रिमियर लिग (आइपिएल) २०२२ मा गुजरात टाइटन्समाथि ८ विकेटको सानदार जित हात पारेको छ । स्टार अलराउन्डर हार्दिक पान्ड्याको कप्तानीमा रहेको गुजरातको आइपिएलमा पहिलो हार हो ।

१ सय ६३ रनको विजयी लक्ष्य पछ्याएको हैदराबादले १९.१ ओभरमा २ विकेट गुमाउँदै पूरा गर्यो । हैदराबादको जितमा केन विलियम्सनले ४६ बलमा २ चौका र ४ छक्कासहित ५७ रनको योगदान दिए । निकोलस पुरन १८ बलमा २ चौका र २ छक्कासहित ३४ रनमा अविजित रहे । पुरनले दर्शन नालकाण्डेलाई छक्का प्रहार गर्दै खेल सकाए ।

ओपनर अभिषेक शर्मा र विलियम्सनले पहिले विकेटका लागि ८.५ ओभरमा ६४ रनको साझेदारी गर्दै राम्रो सुरुवात दिलाए । अभिषेक स्पिनर राशिद खानको बलमा डिप मिडविकेटमा साई सुदर्शनबाट ४२ रनमा क्याच भए । उनले ३२ बलमा ६ चौका प्रहार गरे । एडेन माक्ररम १२ रनमा अविजित रहे ।

राहुल त्रिपाठी ११ बलमा १ चौका र १ छक्कासहित १७ रनमा रिटायर्ट आउट भए । गुजरातका हार्दिक पान्ड्या र राशिद खानले १–१ विकेट लिए ।

त्यसअघि डिवाई पाटिल स्पोर्ट्स एकेडेमी मुम्बईमा टस हारेर ब्याटिङको निम्तो पाएको गुजरातले निर्धारित २० ओभरमा ७ विकेट गुमाउँदै १ सय ६२ रन बनाएको थियो । हैदराबादका कप्तान हार्दिक पान्ड्याले ४२ बलमा ४ चौका र १ छक्कासहित ५० रनमा अविजित रहे ।

अभिनव मनोहरले २१ बलमा ५ चौका र १ छक्का सहित ३५ रनको इनिङ खेले । तीव्र गतिका बलर भुवनेश्वर कुमारले तेस्रो ओभरको दोस्रो बलमा ओपनर शुभमन गिललाई ७ रनमा राहुल त्रिपाठीबाट क्याच गराए ।

टि नटराजनले साई सुदर्शनलाई ११ र म्याथ्यु वेडलाई १९ रनमा आउट गरे । वेडले १९ बलमा ३ चौका प्रहार गरे । १५ बल खेलेका डेविड मिलरले १२ रन बनाए । राहुल टेवाटिया ६ रनमा आउट भए । पाँचौं विकेटका लागि हार्दिक र मनोहरले ५० रनको साझेदारी गरेका थिए ।

हैदराबादका भुवनेश्वर कुमारले ४ ओभरमा ३७ रन खर्चेर २ विकेट लिए । टि नटराजनले ४ ओभरमा ३४ रन खर्चेर २ विकेट लिए । मार्को ज्यासन र उमरन मलिकले १–१ विकेट लिए । हैदराबादले अव शुक्रबार कोलकाता नाइट राइडर्ससँग खेल्नेछ । नेपालले बिहीबार शीर्षस्थानको राजस्थान रोयल्ससँग खेल्नेछ ।

अंक तालिका

राजस्थान रोयल्स ४ खेलमा ३ मा जित र १ मा हार सहित ६ अंकका साथ नेटरनरेटमा माथि रहँदै शीर्ष स्थानमा छ । कोलकाता नाइट राइडर्स ५ खेलमा ३ मा जित र २ मा हार सहित ६ अंकका साथ दोस्रो स्थानमा छ । बेंगलोर ४ खेलमा ३ मा जित र १ मा हारसहित तेस्रो स्थानमा छ । लखनऊ ५ खेलमा ३ मा जित र २ मा हार सहित चौथो स्थानमा छ । गुजरात ४ खेलमा ३ मा जित र १ मा हार सहित पाँचौं स्थानमा पुगेको छ ।

दिल्ली ४ खेलमा २ मा जित र २ मा हार सहित छैटौं स्थानमा छ । पन्जाब ४ खेलमा २ मा जित र २ मा हार सहित सातौं स्थानमा छ । हैदराबाद ४ खेलमा २ मा जित र २ मा हार सहित आठौं स्थानमा छन् । समान ४ खेल जित विहीन मुम्बई नवौं र चेन्नई पुछारमा छन् ।