default_image

4 years ago

April 12, 2022

बेंगलोरविरुद्ध पहिलो जितेको सोचमा चेन्नई

199 views

0 Bookmark

एजेन्सी – इन्डियन प्रिमियर लिग (आइपिएल) मा आज चेन्नई सुपर किंग्स र रोयल च्यालेन्जर्स बेंगलोरबीच प्रतिस्पर्धा हुँदैछ । खेल नेपाली समय अनुसार दिउँसो बेलुका ७ : ४५ मा डिवाई पाटिल स्पोर्ट्स एकेडेमी मुम्बईमा सुरु हुनेछ ।

बेंगलोर चौथो जितको साथ अंक तालिकामा शीर्ष स्थानमा उक्लिने सोचमा छ । बेंगलोर ४ खेलमा ३ मा जित र १ मा हार सहित ६ अंकका साथ तेस्रो स्थानमा छ । चेन्नई ४ खेलमा चार नै हारका साथ पुछारमा छ । चेन्नई बेंगलोरलाई हराउँदै जारी आइपिएलमा पहिलो जित निकाल्ने सोचमा हुनेछ ।

तर जारी सिजनमा चेन्नईको ब्याटिङ र बलिङ दुबै कमजोर देखिएको छ । महेन्द्रसिंह धोनीले कप्तान छोड्दै रविन्द्र जडेजालाई हस्तान्तरण गरेका थिए । चेन्नईका शीर्ष तीन ब्याटर रोविन उथप्पा, ऋतुराज गायकवाड र मोईन अलीलाई ठूलो इनिङका साथ उत्कृष्ट सुरुवात गर्न आवश्यक देखिन्छ । शिवम दुबेबाट चेन्नईले ठूलो अपेक्षा गरेको छ । तर प्रदर्शन अपेक्षा अनुसार भने छैन । धोनी र रविन्द्र जडेजा फिनिसर हुन् ।

तीव्र गतिका बलरमा क्रिस जोर्डन, मुकेश चौधरी र एडम मिल्नेलाई मैदान उतार्न सक्छ । मिल्नेलाई स्पिनर महेश थेक्सनाकोा स्थानमा मौका दिनसक्ने सम्भावना छ । स्पिनरमा मोईन अली र रविन्द्र जडेजा हुनेछन् । यता बेंगलोरमा आज तीव्र गतिका बलर जोश हेजलवुड उपलब्ध हुनेछन् ।

हेजलवुड उपलब्ध हुँदा बेंगलोरको तीव्र गतिको बलिङ आक्रामण मजबुत बन्नेछ । बेंगलोरले उनलाई डेविड विल्लीको स्थानमा खेलाउने छ । हेजलवुड, आकाश दीप र हर्षल पटेल तीव्र गतिका हतियार हुनेछन् । श्रीलंका स्पिनर वानिन्दु हसरंगाले उत्कृष्ट प्रदर्शन गर्दै आएका छन् । अघिल्लो खेलमा मुम्बईविरुद्ध ५१ रन खर्चिएका मोहम्मद शिराजको स्थानमा सिद्धार्थ कौललाई मौका दिनसक्छ ।


बेंगलोरका ब्याटर भने उच्च लयमा छन् । फाफ डु प्लेसिस, अनुज रावत, विराट कोहली र ग्लेन म्याक्सवेल शीर्ष चार ब्याटर हुन् । यी चारै ब्याटर राम्रो ब्याटिङको लागि चिनिन्छन् । स्पिन अलराउन्डर शहबाज अहमद र स्पिनर वानिन्दु हसरंगा पनि राम्रो ब्याटिङको क्षमता राख्छन् । ग्लेन म्याक्सवेल चेन्नईका ब्याटरलाई घातक बन्नसक्छन् ।


हेड टु हेड :

बेंगलोर चेन्नईबीच कुल २८ खेल भएका छन् । चेन्नई १८ र बेंगलोर ९ खेलमा विजयी भएको छन् । २०२१ का दुबै खेलमा चेन्नई विजयी भएको थियो । पछिल्ला पाँच खेलमा चेन्नईले ४ र बेंगलोरले १ खेल जितेका छन् ।

December 20, 2025

भारतलाई टि ट्वान्टी आई सिरिज

एजेन्सी – भारतले पाँचौँ टि ट्वान्टी आईमा दक्षिण अफ्रिकालाई ३० रनले पराजित गर्दै ५ खेलको सिरिज ३-१ ले आफ्नो पक्षमा पारेको छ। अहमदाबादस्थित नरेन्द्र मोदी अन्तर्राष्ट्रिय क्रिकेट रंगशालामा आज भारतले दक्षिण अफ्रिकालाई हराउँदै सिरिज जितको हो। पहिले ब्याटिङको निम्तो पाएको भारतले निर्धारित २० ओभरमा ५ विकेट गुमाउँदै विशाल २ सय ३१ रन बनायो। भारतको इनिङ्समा […]

December 19, 2025

भारत र पाकिस्तान यु १९ एसिया कपको फाइनलमा

एजेन्सी – भारत र पाकिस्तान युएईमा जारी यु १९ एसिया कपको फाइनलमा पुगेका छन्। दुबैले सेमिफाइनलमा प्रभावशाली प्रदर्शन गर्दै फाइनलको यात्रा तय गरेका हुन्। आज भारतले श्रीलंका र पाकिस्तानले बंगलादेशलाई समान ८ विकेटले हराउँदै एकअर्कासँगको भेट पक्का गरेका हुन्। आइतवार हुने फाइनलमा फेरि एकपटक भारत र पाकिस्तानबीच प्रतिस्पर्धा हुनेछ। एउटै समूहबाट भारत विजेता र पाकिस्तान […]

December 16, 2025

नेपाली क्रिकेटका नयाँ ‘शेर’

भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]

Success

Thank you for your time.