एजेन्सी – रोयल च्यालेन्जर्स बेंगलोरले इन्डियन प्रिमियर लिग (आइपिएल) २०२२ मा सनराइजर्स हैदराबादविरुद्ध लज्जास्पद ब्याटिङ गर्दै ६८ रनमा अल आउट भएको छ । तीव्र गतिका बलर टि नटराज र मार्को ज्यानसले उत्कृष्ट बलिङ गरेपछि हैदराबाद सामु बेंगलोर निरिह बनेको हो ।

ब्रेबोन स्टेडियम मुम्बईमा टस हारेर ब्याटिङको निम्तो पाएको बेंगलोर १६.१ ओभरमा ६८ रनमा अल आउट भयो । बेंगलोरका सर्वाधिक सुयश प्रभुदेशाईंले सर्वाधिक १५ रन बनाए । हैदराबाद सामु निरिह बन्दै लज्जास्पद ब्याटिङ गर्नेक्रममा बेंगलोरका ९ खेलाडीले दोहोरो अंकमा रन बनाउन सकेनन् ।

बेंगलोरले दोस्रो ओभरमै शीर्ष तीन ब्याटर गुमाएको थियो । तीव्र गतिका बलर मार्को ज्यानसनले दोस्रो ओभरको दोस्रो बलमा फाफ डु प्लेसिसलाई ५ रनमा बोल्ड आउट गरे । स्विङ बलमा फाफ डु प्लेसिस बोल्ड भएका थिए । लगत्तै अर्को बलमा विराट कोहली सेकेन्ड स्लिपमा एडेन माक्ररमबाट गोल्डेन डक भए । कोहली लगातार दोस्रो खेलमा गोल्डेन डक भएका हुन् ।

अन्तिम बलमा अनुज रावत माक्ररमबाट डक आउट हुँदा २ ओभरमा ८–३ को कमजोर अवस्थामा पुगेको थियो । ग्लेन म्याक्सवेललाई टि नटराजनले १२ रनमा मिडअफमा केन विलियम्सनबाट क्याच गराउँदा ४.२ ओभरमा २०–४ को अवस्थामा पुगेको थियो ।

पाँचौं विकेटका लागि सुयश प्रभुदेशाईं र शहबाज अहमदले २५ बलमा २७ रनको साझेदारी गरेका थिए । स्पिनर जगदीश सुचिथले प्रभुदेशाईंलाई १५ रनमा विकेटकिपर निकोलस पुरनबाट स्टम्पिङ आउट भए ।

उनले २० बलमा १ चौका प्रहार गरे । जुन समय बेंगलोर ८.२ ओभरमा ४७–५ को अवस्थामा पुगेको थियो । दुई बलपछि दीनेश कार्तिक डक आउट भए । अम्पायरले वाइड दिएपनि विकेटकिपर निकोलस पुरनको सेलेब्रेसनमा कप्तान केन विलियम्सनले रिभ्यु लिँदै पेभेलिएन फर्काए । उमरन मलिकले अहमदलाई ७ रनमा क्याच गराउँदा बेंगलोर ४९–७ को दयनीय अवस्थामा पुगेको थियो ।

टि नटराजनले हर्षल पटेललाई ४ रनमा बोल्ड गर्दा ५५–८ को अवस्थामा पुगेको थियो । हैदराबादका मार्को ज्यानसनले ४ ओभरमा २५ रन खर्चेर ३ विकेट लिए । टि नटराजनले ३ ओभरमा १० रन खर्चेर ३ विकेट लिए । जगदीश सुचिथले ३ ओभरमा १२ रन खर्चेर २ विकेट लिए । भुवनेश्वर कुमारले र उमरन मलिकले १–१ विकेट लिए ।