एजेन्सी – युवा अलराउन्डर रियान परागको अर्धशतकमा राजस्थान रोयल्सले इन्डियन प्रिमियर लिग (आइपिएल) २०२२ को ३९ औं खेलमा रोयल च्यालेन्जर्स बेंगलोरलाई १ सय ४५ रनको मध्यम लक्ष्य दिएको छ ।

महाराष्ट क्रिकेट एसोसियसन स्टेडियम पुणेमा टस हारेर ब्याटिङ थालेको राजस्थानले निर्धारित २० ओभरमा ८ विकेट गुमाउँदै १ सय ४४ रन बनायो । राजस्थानका रियान पराग ३१ बलमा ३ चौका र ४ छक्कासहित सर्वाधिक ५६ रनमा अविजित रहे । तीव्र गतिका बलर मोहम्मद शिराजको दोस्रो ओभरको चौथो बलमा देवदत्त पाडिक्कललाई ७ रनमा एलबीडब्लू आउट गरे ।

शिराजको चौथो ओभरको अन्तिम बलमा टप एज लागेर रविचन्द्रन आश्विन १७ रनमा कट एण्ड बोल्ड भए । उनले ९ बलमा ४ चौका प्रहार गरे । लगत्तै जोश हेजलवुडको पाँचौं ओभरको पहिलो बलमा जस बटलर मिडअनमा ८ रनमा क्याच भएपछि राजस्थान समस्यामा गरेको थियो ।
यसअघि लगातार दुई शतक प्रहार बटलर आउट भएपछि राजस्थान समस्यामा परेको थियो ।

दशौं ओभरको चौथो बलमा कप्तान सन्जु स्यामसनलाई २७ रनमा स्पिनर वानिन्दु हसरंगाले बोल्ड गरेपछि समस्यामा परेको थियो । स्यामसनले २१ बलमा १ चौका र ३ छक्का प्रहार गरे । २४ बल खेलेका ड्र्याल मिचेलले १६ रन बनाए । बेंगलोरका जोश हेजलवुडले ४ ओभरमा १ मेडनसहित १९ रन खर्चेर २ विकेट लिए ।

स्पिनर वानिन्दु हसरंगाले ४ ओभरमा २३ रन खर्चेर २ विकेट लिए । मोहम्मद शिराजले ४ ओभरमा ३० रन खर्चेर २ विकेट लिए । हर्षल पटेलले १ विकेट लिए ।