एजेन्सी – ओपनर डेविड वार्नर र रोभम्यान पावेलको सानदार ब्याटिङमा दिल्ली क्यापिटल्सले इन्डियन प्रिमियर लिग (आइपिएल) २०२२ को ५० औं खेलमा सनराइजर्स हैदराबादलाई २ सय ८ रनको विशाल लक्ष्य दिएको छ ।
ब्रेबोन स्टेडियम मुम्बईमा टस हारेर ब्याटिङ थालेको दिल्लीले निर्धारित २० ओभरमा ३ विकेट गुमाउँदै २ सय ८ रन बनायो । दिल्लीका डेविड वार्नर ५८ बलमा १२ चौका र ३ छक्कासहित ९२ रनमा अविजित रहे ।
रोभम्यान पावेलले ३५ बलमा ३ चौका र ६ छक्कासहित ६७ रनको अविजित आक्रामक इनिङ खेले । चौथो विकेटका लागि पावेल र वार्नरले ६६ बलमा १ सय २२ रनको अविजित साझेदारी गर्दै विशाल योगफलमा पुर्याए ।
ओपनर पृथ्वी शा घाइत हुँदा उनको स्थानमा आएका मन्दीपसिंह भुवनेश्वर कुमारको बलमा शून्यमा क्याच भए । मिचेल मार्श १० र ऋषभ पन्त २६ रनमा आउट भए । पन्तले १६ बलमा १ चौका र ३ छक्का प्रहार गरे ।
हैदराबादका भुवनेश्वर कुमार, शेन एबोट र श्रेयस गोपालले १–१ विकेट लिए ।
