default_image

2 years ago

May 12, 2022

मार्शको सानदार अलराउन्ड प्रदर्शनमा दिल्लीको प्लेअफ सम्भावना कायमै

एजेन्सी – अलराउन्डर मिचेल मार्शको सानदार अलराउन्ड प्रदर्शनमा दिल्ली क्यापिटल्सले इन्डियन प्रिमियर लिग (आइपिएल) २०२२ मा प्लेअफ सम्भावना कायमै राखेको छ । दिल्लीले बुधबार राती राजस्थान रोयल्सलाई ८ विकेटले हराउँदै प्लेअफको सम्भावना कायमै राखेको हो । जितको लागि १ सय ६१ रनको विजयी लक्ष्य पछ्याएको दिल्लीले १८.१ ओभरमा २ विकेट गुमाउँदै पूरा गर्यो । दिल्लीको […]

60 views

0 Bookmark

एजेन्सी – अलराउन्डर मिचेल मार्शको सानदार अलराउन्ड प्रदर्शनमा दिल्ली क्यापिटल्सले इन्डियन प्रिमियर लिग (आइपिएल) २०२२ मा प्लेअफ सम्भावना कायमै राखेको छ । दिल्लीले बुधबार राती राजस्थान रोयल्सलाई ८ विकेटले हराउँदै प्लेअफको सम्भावना कायमै राखेको हो ।

जितको लागि १ सय ६१ रनको विजयी लक्ष्य पछ्याएको दिल्लीले १८.१ ओभरमा २ विकेट गुमाउँदै पूरा गर्यो । दिल्लीको जितमा मिचेल मार्शले ६२ बलमा ५ चौका र ७ छक्कासहित ८९ रनको योगदान दिए । डेविड वार्नर ४१ बलमा ५ चौका र १ छक्कासहित ५२ रनमा अविजित रहे ।

दोस्रो विकेटका लागि वार्नर र मार्शले १ सय ४४ रनको शतकीय साझेदारीका साथ सहज जित दिलाएका थिए । ऋषभ पन्त ४ बलमा २ छक्कासहित १३ रनमा अविजित रहे । राजस्थानका ट्रेन्ट बोल्ट र युजभेन्द्र चहलले १–१ विकेट लिए ।

त्यसअघि डिवाइ पाटिल स्पोर्ट्स एकेडेमी मुम्बईमा टस हारेर ब्याटिङको निम्तो पाएको राजस्थानले निर्धारित २० ओभरमा ६ विकेट गुमाउँदै १ सय ६० रन बनाएको थियो । राजस्थानका रविचन्द्रन आश्विनले ३८ बलमा ४ चौका र २ छक्कासहित सर्वाधिक ५० रन बनाए । देवदत्त पाडिक्कलले ३० बलमा ६ चौका र २ छक्कासहित ४८ रनको योगदान दिए ।

यशस्वी जैसवाल १९, जस बटलर ७ र कप्तान सञ्जु स्यामसन ६ रनमा आउट भए । दिल्लीका मिचेल मार्शले ३ ओभरमा २५ रन खर्चेर २ विकेट लिए । एनरिच नोर्किया र चेतन सकारियाले २–२ विकेट लिए ।

दिल्ली १२ खेलमा ६ मा जित र ६ मा हार सहित पाँचौं स्थानमा छ । दिल्लीले बाँकी दुई खेल जितेको खण्डमा १६ अंक हुनेछ । नेटरनरेटमा उच्च रहेमा र अन्य टोलीको नजिता आफू अनुकुल आएमा अन्तिम चारमा रहेर प्लेअफ खेल्न सक्नेछ । दिल्लीले अव १६ मे मा पन्जाब र २१ मे मा मुम्बईसँग खेल्नेछ ।

राजस्थान भने १२ खेलमा ७ मा जित र ५ मा हार सहित तेस्रो स्थानमा छ । बाँकी दुई खेल जित्दा १८ अंकका साथ सोझैं प्लेअफमा पुग्नेछ । राजस्थानले १५ मे मा लखऊ सुपर जायन्ट्स र २० मे मा चेन्नई सुपर किंग्ससँग खेल्नेछ ।

अंक तालिका

गुजरात १२ खेलमा ९ मा जित र ३ मा हारका १८ अंक जोड्दै शीर्ष स्थानमम छ । गुजरात प्लेअफमा पुग्ने पहिलो टोली हो । लखनऊ १२ खेलमा ८ मा जित र ४ मा हार सहित १६ अंकका साथ दोस्रो स्थानमा छ । राजस्थान रोयल्स १२ खेलमा ७ मा जित र ५ मा हार सहित १४ अंकका साथ तेस्रो स्थानमा छ ।

बेंगलोर १२ खेलमा ७ मा जित र ५ मा हार सहित १४ अंकका साथ चौथो स्थानमा छ । दिल्ली १२ खेलमा ६ मा जित र ६ मा हार सहित पाँचौं स्थानमा छ । हैदराबाद ११ खेलमा ५ मा जित र ६ मा हार सहित छैटौं स्थानमा छ । कोलकाता नाइट राइडर्स १२ खेलमा ५ मा जित र ७ खेलमा हार सहित सातौं स्थानमा छ ।

पन्जाब ११ खेलमा ५ मा जित र ६ मा हार आठौं सहित स्थानमा छ । चेन्नई ११ खेलमा ४ मा जित र ७ मा हार सहित नवौं स्थानमा छ । मुम्बई ११ खेलमा २ मा जित र ९ मा हार सहित पुछारमा छ । मुम्बई भने बाहिरिने पहिलो टोली हो ।

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

March 27, 2024

चेन्नाईको लगातार दोस्रो जित

एजेन्सी – इंडियन प्रिमियर लिग (आईपिएल) को १७औं संस्करणमा साविक विजेता चेन्नाई सुपर किंग्सले लगातार दोस्रो जित दर्ता गरेको छ । दोस्रो जित दर्ता गर्ने क्रममा चेन्नाईले गुजरात टाईटन्स माथि ६३ रनको फराकिलो जित दर्ता गरेको हो । २०७ रनको विशाल लक्ष्य पछ्याएको गुजरातले निर्धारित २० ओभरमा ८ विकेट गुमाएर १४३ रन मात्र बनाउन सक्यो […]

Success

Thank you for your time.