default_image

2 years ago

May 22, 2022

हैदराबादमाथि पन्जाबको सहज जित

एजेन्सी – पन्जाब किंग्सले इन्डियन प्रिमियर लिग (आइपिएल) २०२२ को लिगको अन्तिम खेलमा सनराइजर्स हैदराबादलाई ५ विकेटले हराएको छ । जितको लागि १ सय ५८ रनको विजयी लक्ष्य पछ्याएको पन्जाबले १५.१ ओभरमा ५ विकेट गुमाउँदै पूरा गर्यो । पन्जाबको जितमा लियाम लिभिङस्टोन २२ बलमा २ चौका र ५ छक्कासहित ४९ रनमा अविजित रहे । शिखर […]

107 views

0 Bookmark

एजेन्सी – पन्जाब किंग्सले इन्डियन प्रिमियर लिग (आइपिएल) २०२२ को लिगको अन्तिम खेलमा सनराइजर्स हैदराबादलाई ५ विकेटले हराएको छ ।

जितको लागि १ सय ५८ रनको विजयी लक्ष्य पछ्याएको पन्जाबले १५.१ ओभरमा ५ विकेट गुमाउँदै पूरा गर्यो । पन्जाबको जितमा लियाम लिभिङस्टोन २२ बलमा २ चौका र ५ छक्कासहित ४९ रनमा अविजित रहे । शिखर धवन ३२ बलमा २ चौका र २ छक्कासहित ३९ रनमा आउट भए ।

जोनी बेयरस्टो २३, शाहरुख खान १९ र मयंक अग्रवाल १ रनमा आउट भए । जितेश शर्मा ७ बलमा ३ चौका र १ छक्कासहित १९ रनमा आउट भए ।

हैदराबादका फजलहक फारुकीले ४ ओभरमा ३२ रन खर्चेर २ विकेट लिए । वासिन्टन सुन्दर, उमरान मलिक र जगदीश सुचिथले १–१ विकेट लिए ।

त्यसअघि वानखडे स्टेडियम मुम्बईमा टस जितेर पहिला ब्याटिङ रोजेको हैदराबादले निर्धारित २० ओभरमा ८ विकेट गुमाउँदै १ सय ५७ रन बनाएको थियो । हैदराबादका ओपनर अभिषेक शर्माले ३२ बलमा ५ चौका र २ छक्कासहित सर्वाधिक ४३ रन बनाए । राहुल त्रिपाठी २०, एडेन माक्ररम २१ र निकोलस पुरन ५ रनमा आउट भए ।

छैटौं विकेटका लागि रोमारियो शेफर्ड र वासिन्टन सुन्दरले ५८ रनको अविजित साझेदारी गर्दै मध्यम योगफलमा पुर्याएका थिए । शेफर्ड १५ बलमा २ चौका र २ छक्कासहित २६ रनमा अविजित रहे । सुन्दर १९ बलमा ३ चौका र १ छक्कासहित २५ रनमा आउट भए ।

पन्जाबका स्पिनर हरप्रीत ब्रारले ४ ओभरमा २६ रन खर्चेर ३ विकेट लिए । नाथन एलिसले ४ ओभरमा ४० रन खर्चेर ३ विकेट लिए । कागिसो रबाडाको नाममा १ विकेट रह्यो ।

प्लेअफमा गुजरात टाइटन्स, राजस्थान रोयल्यस, लखनऊ सुपर जायन्ट्स र रोयल च्यालेन्जर्स बेंगलोर पुगेका छन् । पहिलो क्वालिफायरमा मंगलबार शीर्षस्थानको गुजरात टाइटन्स र दोस्रो स्थानको राजस्थान रोयल्सबीच प्रतिस्पर्धा हुनेछ । बुधबार एलिमिनेटरमा बेंगलोर र लखनऊ सुपर जायन्ट्सबीच प्रतिस्पर्धा हुनेछ ।

पहिलो क्वालिफायरको विजेता टोली सोझै फाइनलमा पुग्नेछ । पराजित हुने टोलीले एलिमिनेटरको विजेतासँग दोस्रा क्वालिफायर खेल्नेछ । आइपिएलको दोस्रो क्वालिफायर २७ मे र फाइनल २९ मे मा अहमदाबादमा हुनेछ ।

अंक तालिका

गुजरात १४ खेलमा १० मा जित र ४ मा हारका २० अंक जोड्दै शीर्ष स्थानमा रहँदै अन्त्य गर्यो । राजस्थान रोयल्स १४ खेलमा ९ मा जित र ५ मा हार सहित १८ अंकका साथ दोस्रो स्थानमा अन्त्य गर्यो । लखनऊ १४ खेलमा ९ मा जित र ५ मा हार सहित १८ अंकका साथ तेस्रो स्थानमा छ ।

बेंगलोर १४ खेलमा ८ मा जित र ६ मा हार सहित १६ अंकका साथ चौथो स्थानमा छ । दिल्ली १४ खेलमा ७ मा जित र ७ मा हार सहित १४ अंक जोड्दै पाँचौं स्थानमा छ । पन्जाब १४ खेलमा ७ मा जित र ६ मा हार बेहोर्दै १४ अंक जोड्दै साथ छैटौं स्थानमा रहेर अन्त्य गर्यो । कोलकाता नाइट राइडर्स १४ खेलमा ६ मा जित र ८ खेलमा हार सहित सातौं स्थानमा रह्यो ।

हैदराबाद १४ खेलमा ६ मा जित र ८ मा हार सहित आठौं स्थानमा रहेर अन्त्य गर्यो । चेन्नई १४ खेलमा ४ मा जित र १० मा हार सहित नवौं स्थानमा रह्यो । मुम्बई १४ खेलमा ४ मा जित र १० मा हार सहित पुछारमा अन्त्य गर्यो ।

March 19, 2024

पहिलो कप्तान नेरीले क्रिकेटबाट सन्न्यास लिइन्

काठमाडौं (हाम्रो खेलकुद) – राष्ट्रिय महिला क्रिकेट टोलीकी पहिलो कप्तान नेरी थापाले अन्तर्राष्ट्रिय र घरेलु दुबै क्रिकेटबाट सन्न्यासको‌ घोषणा गरेकी छिन् । १७ वर्ष लामो क्रिकेट यात्रामा साथ दिने आफ्नो परिवारलाई विशेष धन्न्यावाद दिँदै नेरीले सोमबार सामाजिक सञ्जाल फेसबुक मार्फत सन्न्यास लिएको घोषणा गेकी हन्। ‘म आज राष्ट्रिय तथा अन्तर्राष्ट्रिय क्रिकेटबाट सन्न्यासको घोषणा गर्दैछु। क्रिकेट […]

March 18, 2024

कैलाली प्रिमियर लिग – शुक्लाफाँटाको जित

धनगढी (हाम्रो खेलकुद) – कैलाली प्रिमियर लिगमा शुक्लाफाँटा नगरपालिकाले विजयी सुरुवात गरेको छ । जिल्ला क्रिकेट संघ कैलालीको आयोजनामा सोमबार फाप्ला मैदानमा सुरु भएको कैलाली प्रिमियर लिगमा शुक्लाफाँटाले पर्शुराम नगरपालिकालाई ३५ रनले पराजित गरेको हो । टस जितेर पहिला ब्याटिङ गरेको शुक्लाफाँटाले निर्धारित २० ओभरमा ३ विकेट गुमाउँदै १ सय ८१ रन बनायो । टोलीका […]

March 15, 2024

जीतपुरसिमरा क्रिकेट कप सुरु हुँदै

सुनिल गाँउले, सिमरा प्रथम जीतपुरसिमरा क्रिकेट कप प्रतियोगिता शनिबारदेखि हुँदैछ । जीतपुरसिमरा उपमहानगरपालिका ४ स्थित सेज क्रिकेट मैदानमा सुरु हुने प्रतियोगिताको उद्घाटन खेलमा आयोजक जीतपुरसिमरा क्रिकेट क्लब र पर्सा क्रिकेट संघ भिड्दैछन् । राउण्ड रोबिनका आधारमा संचालन हुने प्रतियोगितामा ६ टोलीको सहभागिता रहेको छ । चैत १० गतेसम्म चल्ने प्रतियोगिताका ६ टोलीलाई दुई समूहमा विभाजन […]

Success

Thank you for your time.