एजेन्सी – श्रीलंकाले दोस्रो तथा अन्तिम टेस्ट खेलमा घरेलु टोली बंगलादेशलाई तीन ओभरमै १० विकेटले पराजित गरेको छ । अन्तिम दिन जितको लागि २९ रनको विजयी लक्ष्य पाएको श्रीलंकाले तीन ओभरमा कुनै विकेट नगुमाई पूरा गर्यो । यो सँगै दुई टेस्ट खेलको सिरिज श्रीलंकाले १–० ले जितेको छ ।

श्रीलंकाका ओपनर ओशदा फर्नान्डो ९ बलमा ३ चौका र १ छक्कासहित २१ रन र दिमुथ करुणारत्ने ७ रनमा अविजित रहे । त्यसअघि बंगलादेश दोस्रो इनिङमा १ सय ६९ रनमा अल आउट भएपछि मात्र २८ रनको अग्रता लिएको थियो । पहिलो इनिङमा १ बंगलादेश १ सय ४१ रनले पछि परेको थियो ।

दोस्रो इनिङमा बंगलादेशका सकिब अल हसनले ७२ बलमा ७ चौकासहित सर्वाधिक ५८ रन बनाए । लिटन दासले १ सय ३५ बलमा ३ चौकासहित ५२ रनमा आउट भए । ५३–५ को अवस्थामा पुगेको बंगलादेशलाई छैटौं विकेटका लागि दास र सकिबले १ सय ३ रनको शतकीय साझेदारी गर्दै उकासेका थिए । तर अन्तिम १३ रन जोड्न पाँच विकेट गुमाउदा सस्तैमा अल आउट भयो । श्रीलंकाका असिथा फ्रेनान्डोले सर्वाधिक ६ विकेट लिए ।

श्रीलंकाले पहिलो इनिङमा ५ सय ६ रनमा अल आउट भएको थियो । श्रीलंका एन्जिलो म्याथ्युजले ३ सय ४२ बलमा १२ चौका र २ छक्कासहित १ सय ४५ रनमा अविजित रहे । पहिलो खेलमा म्याथ्युज १ सय ९९ रनमा अल आउट भएका थिए । म्याथ्युजनै खेलको प्लेयर अफ द सिरिज चुनिए ।

दीनेश चान्डिमल २ सय १९ बलमा ११ चौका र १ छक्कासहित १ सय २४ रनको शतकीय इनिङ खेले । कप्तान दिमुथ करुणारत्ने ८०, ओशदा फर्नान्डो ५७ र धनन्जय डि सिल्भा ५८ रनमा आउट भए । बंगलादेशका सकिब अल हसनले ५ र एबाडोट हुसैनले ४ विकेट लिए ।

त्यसअघि शेरे बंगला नेशनल स्टेडियम मिरपुरमा टस जितेर पहिला ब्याटिङ थालेको बंगलादेश ३ सय ६५ रनमा अल आउट भयो । बंगालदेशका अनुभवी ब्याटर मुश्फिकुर रहिमले ३ सय ५५ बलमा २१ चौकासहित १ सय ७५ रनको सानदार अविजित शतकीय इनिङ खेलेपनि टोलीको हार टार्न सकेनन् ।

लिटन दासले २ सय ४६ बलमा १६ चौका र १ छक्कासहित १ सय ४१ रनमा आउट भए । खराब सुरुवात गर्दै २४–५ को कमजोर अवस्थामा पुगेको बंगलादेशलाई मुश्फिकुर रहिम र लिटन दासले २ सय ७२ रनको दोहोरो शतकीय साझेदारी गर्दै टोलीलाई उत्कृष्ट पूनरागमन गराएका थिए ।

श्रीलंका कासुन रजिाथा र असिथा फ्र्रेनान्डोले ४ विकेट लिए । पहिलो टेष्ट भने म्याच ड्र भएको थियो ।