एजेन्सी – इन्डियन प्रिमियर लिग (आइपिएल) २०२२ मा राजस्थान रोयल्सका ओपनर जस बटलरले ओरेन्ज क्याप जित्ने भएका छन् । राजस्थानले आज राती फाइनलमा गुजरात टाइटन्ससँग प्रतिस्पर्धा गर्दैछ । तर बटलरले फाइनल अघि नै आरेन्ज क्याप पाउने पक्का भएको छ ।

बटलरले यस सिजनमा १६ खेलमा ४ शतक र ४ अर्धशतक सहित कुल ८ सय २४ रनका साथ शीर्षस्थानमा छन् । उनीपछि लखनऊ सुपर जायन्ट्सका लोकेश राहुलले १५ खेलमा २ मा शतक र ४ मा अर्धशतक सहित ६ सय १६ रन बनाएका छन् । लखनऊका क्विन्टन डि ककले समान खेलमा १ शतक र ३ मा अर्धशतक सहित ५ सय ८ रन बनाएका छन् ।

फाइनल खेल्ने विपक्षी टोलीबाट हार्दिक पान्ड्याले १४ खेलमा ४ मा अर्धशतक सहित ४ सय ५३ रन बनाएका छन् । बटलरले यस सिजनमा मुम्बई इन्डियन्सविरुद्ध १ सय, कोलकाता नाइट राइडर्सविरुद्ध १ सय ३, दिल्ली क्यापिटल्सविरुद्ध १ सय १५ र रोयल च्यालेन्जर्स बेंगलोरविरुद्ध १ सय ६ रनको सानदार शतकीय इनिङ खेलेका थिए । बटलर राजस्थान रोयल्स र इंग्ल्यान्डका ओरेन्ज क्याप जित्ने पहिलो खेलाडी हुन् ।

यसअघिका १४ संस्करण मध्य ६ ओरेन्ज क्याप अष्ट्रेलियाका खेलाडीले जितेका छन् । अष्ट्रेलियाबाट डेविड वार्नरले मात्र तीन आरेन्ज क्याप २०१५, २०१७ र २०१९ मा जितेका थिए । भारतीय खेलाडीले पाँच, वेस्टइन्डिजकाले दुई र न्युजिल्यान्डबाट एक ओरेन्ज क्याप जितेका छन् ।

सर्वाधिक ओरेन्ज क्याप वार्नरपछि वेस्टइन्डिजका क्रिस गेलले २०११ र २०१२ को सिजनमा लगातार जितेका थिए । वार्नर र गेल बाहेक अन्य खेलाडीले दुई पटक ओरेन्ज क्याप जित्न सकेका छैनन् ।