एजेन्सी – राजस्थान रोयल्सका ओपनर जस बटलर इन्डियन प्रिमियर लिग (आइपिएल) २०२२ को मोष्ट भ्यालुएबलसहित ६ अवार्ड एक्लै जितेका छन् । राजस्थानलाई फाइनल सम्म पुर्याउन सानदार ब्याटिङ प्रदर्शन गरेका बटलरले एकछत्र राज गर्दै मष्ट भ्यालुएबल, ओरेन्ज क्यापसहित ६ अवार्ड जितेका हुन् ।

बटलरले यस सिजनमा १७ खेलमा ४ शतक र ४ अर्धशतक सहित कुल ८ सय ६३ रनका साथ शीर्षस्थानमा रहे । बटलरले प्रतियोगिताभर ८३ चौका र ४५ छक्का प्रहार गरे । बटलरले यस सिजनमा मुम्बई इन्डियन्सविरुद्ध १ सय, कोलकाता नाइट राइडर्सविरुद्ध १ सय ३, दिल्ली क्यापिटल्सविरुद्ध १ सय १५ र रोयल च्यालेन्जर्स बेंगलोरविरुद्ध १ सय ६ रनको सानदार शतकीय इनिङ खेलेका थिए ।

बटलर फाइनलमा भने गुजरात टाइटन्सविरुद्ध ३९ रनमा आउट हुँदै ठूलो इनिङ खेल्नबाट चुकेका थिए । त्यसैको कारण राजस्थान सस्तैमा अल आउट भएको थियो । राजस्थान रोयल्सका स्पिनर युजभेन्द्र चहलले पर्पल क्याप जिते । चहलले १७ खेलमा ६८ ओभर बलिङ गर्दै ५ सय २७ रन खर्चेर २७ विकेटक साथ शीर्षस्थानमा रहे ।

सनराइजर्स हैदराबादका तीव्र गतिका बलर उमरान मलिक उदीयमान खेलाडी चुनिए । उनले १४ खेलमा २२ विकेट लिँदै सर्वाधिक विकेट लिने बलरमा चौथो स्थानमा रहे । मलिक तीव्र गतिको कारण निकै चर्चामा रहे । आइपिएल इतिहासमा एकै टोलीबाट ओरेन्ज क्याप र पर्पल क्याप पाएको यो तेस्रो पटक हो ।

यसअघि चेन्नई सुपर किंग्सबाट माइकल हसीले ओरेन्ज क्याप र ड्वेन ब्राभोले पर्पल क्याप जितेका थिए । २०१७ मा सनराइजर्स हैदराबादबाट वार्नरले ओरेन्ज क्याप र भुवनेश्वर कुमारले पर्पल क्याप पाएका थिए ।

आइतबार राती राजस्थानलाई ७ विकेटले हराउँदै गुजरात टाइटन्सले उपाधि जित्यो । विजेता गुजरातले २० करोड भारु र उपविजेता राजस्थानले १२ करोड ५० लाख भारु प्राप्त गरेका छन् । आइपिएल २०२२ मा का सम्पूर्ण अवार्ड र प्राप्त रकम यस प्रकार छ ।

कसलाई कुन अवार्ड र रकम ?

मष्ट भ्यालुएबल प्लेयर : जस बटलर – १० लाख भारु

क्याच अफ द सिजन : ओबेद म्याकोय (राजस्थान) – १० लाख भारु

ओरेन्ज क्याप : बटलर – १० लाख भारु

पर्पल क्याप : युजभेन्द्र चहल – १० लाख भारु

रुपे ओन द गो फोर अफ द सिजन : बटलर – १० लाख

फास्ट डेलीभरी अफ द सिजन : ल्योकी फर्गुसन (गुजरात ) – १० लाख ( १५७.३ प्रतिघण्टा किलोमिटर फाइनलमा)

पावर प्लेअफ द सिजन : बटलर – १० लाख भारु

ड्रिम गेम चेन्जर अफ द सिजन – बटलर १० लाख भारु

सुपर स्टाइकर्स – हार्दिक पान्ड्या

सिक्स अफ द सिजन – बटलर ( १० लाख भारु)

इमर्जिङ प्लेयर – उमरान मलिक (हैदराबाद २२ विकेट) : १० लाख भारु