2 years ago
June 7, 2022
काठमाडौं (हाम्रो खेलकुद) – मलेसियामा जारी आइसिसी यू–१९ महिला टि२० विश्वकप छनोटमा नेपालले आज बलियो थाईल्यान्डसँग खेल्दैछ । खेल नेपाली समय अनुसार बिहान ११ बजे युकेएम एसडी क्रिकेट ओभल बांगीमा सुरु हुनेछ ।
नेपाललाई शीर्ष स्थानमा रहँदै आगमी वर्ष दक्षिण अफ्रिकामा हुने यू–१९ महिला टि२० विश्पकप खेल्न अंक गणीतिय झिनो आशा कायमै राख्न अविश्वसनिय फराकिलो जित निकाल्नुपर्ने हुन्छ । अविश्वसनिय जितसँगै युएईले कम्तिमा एक खेलमा त्यतिनै फराकिलो अन्तरले हार्नुपर्छ ।
आजको खेलमा पराजित भएमा नेपालको विश्वकप सपना समाप्त हुनेछ । नेपालले पहिलो खेलमा कतारलाई ७९ रनले हराउँदा युएईसँग १० विकेटले पराजित भएको थियो । नेपाल युएईसँग ८ रनमै अल आउट भएको थियो ।
तेस्रो खेलमा नेपालले भुटानलाई ४ विकेटले हराउँदै झिनो आशा जीवित पारेको थियो । यता थाईल्यान्ड लगातार चौथो जित निकाल्ने सोचमा छ । युएई थाईल्यान्डभन्दा नेटरनरेटमा माथि हुँदा फराकिलो जित निकाल्न चाहन्छ । थाईल्यान्डलाई नेटरनरेटको दबाब हुनेछ ।
थाईल्यान्डले मलेसियालाई ८५ रन, भुटानलाई १ सय ३० रन, कतारलाई ६९ रनले हराएको थियो । थाईल्यान्डकी ओपनर बंथिदा लीफथाना, मध्यक्रमकी फनिता माया र नानथिता बूनसुखाम प्रमुख खेलाडी हुन् ।
भुटानलाई हराउन नेपालकी सनु राजवंशीले ३० रन जोडेकी थिइन् । सनुसँगै साना प्रविन, सृष्टि जैशी र मनिषा उपाध्य नेपालका प्रमुख हतियार हुन् । पहिलो पटक सिनियर टोलीको बन्द प्रशिक्षणमा बोलाएकी स्पिनर मनिषाको प्रदर्शन महत्वपूर्ण हुनेछ ।
६ देश सहभागी प्रतियोगितामा शीर्षस्थानमा रहने टोलीले पहिलो पटक आगमी वर्ष दक्षिण अफ्रिकामा हुने यू–१९ महिला टि२० विश्वकप खेल्न पाउनेछन् । युएईसँगको लज्जास्पद १० विकेटको हारले नेपालको अघिल्लो चरण लगभग सकिएको छ ।
अंक तालिका :
युएई ३ खेलमा ६ अंकका साथ नेटरनरेट ८.३५२ को साथ शीर्षस्थानमा छ । थाईल्यान्ड ३ खेलमा ६ अंकका साथ नेटरनरेट ४.७३३ को साथ दोस्रो स्थानमा छ । नेपाल ३ खेलमा २ मा जित र १ मा हारका साथ तेस्रो स्थानमा छ । मलेसिया ३ खेलमा १ मा जितका साथ चौथो स्थानमा छ । समान खेलका साथ कतार र भुटान अंक विहीन हुँदै पुछारमा छन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]