ह्युस्टन (हाम्रो खेलकुद) – नेपाली राष्ट्रिय क्रिकेट टोलीका युवा ओपनर तथा विकेटकिपर आसिफ शेखले आइसिसी विश्वकप लिग–२ मा घरेलु टोली अमेरिकाविरुद्ध शतकको प्रयास गर्ने बताएका छन् । लगातार दुई अर्धशतकपछि आसिफले त्यसलाई अव शतकमा बदल्न प्रयास गर्ने बताएका छन् ।

ओमानलाई ७ विकेटले हराउन आसिफले ६२ रनको इनिङ खेले । त्यसपछि अमेरिकाविरुद्ध खेल टाई हुँदा आसिफले ६१ रनको इनिङ खेलेका थिए । आसिफ घुँडामा चोटका बाबजुद खेल्दै दुई लगातार अर्धशतक प्रहार गरे । आसिफ आफ्नो खुट्टाको चोटको अवस्था ठिक रहेको बताउँछन् ।

‘नेपालमा गएर त्यसको उपचार के हुन्छ गर्ने हो । अहिले खेल्ने कन्डिसनमै छु । अमेरिकासँग अन्तिम खेल हो । सकेसम्म राम्रो फिनिस गरेर जित्ने प्रयास गर्ने छौं’, आसिफले भने ।

आसिफ चोटका कारण ओमानविरुद्ध पहिलो खेल गुमाएका थिए । आसिफ बाहिर बन्दा एकदमै खेल्न मन लाग्ने बताउँछन् । ‘पहिलो खेल मैले खेलिन । तर बाहिर बसेर मलाई एकदमै खेल्न मन लागेको थियो । मलाई ठिक गराउन फिजियो र ट्रेनरको ठूलो हात छ । दुई खेल खेल्न पाउँदा खुसी लागेको छ’, आसिफले भने ।

आसिफले जोमिख मोलेर खेलेका छन् । घुँडाको चोट पछि गम्भीरनै हुनसक्ने बताइएको छ । आसिफले आफ्नो खुट्टाको जोमिम मोलेरनै खेलेका छन् । आसिफ जोखिम लिएको भने मान्दैनन् ।

‘रिक्स (जोखिम) भन्ने पनि हुँदैन । खेल्ने कन्डिनस मै भएर खेलि राखेको छु । यदि खेल्न नसक्ने भए खेल्दैन थिएन होला । किनभने म खेलेर शतप्रतिशत दिन सक्दैन भने खेलेर कुनै अर्थ छैन’, उनले भने । त्यसैमा थपे, ‘पहिला फिट हुने हो । पहिला देखिनै टिमलाई योगदान दिने सोच थियो । अव अमेरिकाविरुद्ध खेल छ । त्यसमा पनि आफ्नो राम्रो प्रदर्शन गरेर जिताउने प्रयास हुनेछ ।’

‘मेरो हरेक खेल महत्वपूर्ण छन् । हरेक खेलमा एकरुपता प्रदर्शन गर्न प्रयास गरेको हुन्छ । अहिले पनि म एक खेल हुँदै गएको छु । सकेसम्म प्रदर्शन गर्ने प्रयास गर्दछु’, आसिफले आफ्नो प्रदर्शन बारे भने ।

आसिफ पूर्ण रुपमा फिट छैनन् । त्यसमा पनि अमेरिकाको गर्मीमा ओपनिङ र विकेटकिपर दुबै गरेका छन् । ओडिआईमा ओपनरले विकेटकिपिङ सम्हाल्लेको कमै नै हुन्छ । ‘मलाई लाग्छ अहिले सम्म जतिपनि क्रिकेट खेलेका छौं सबै कन्डिसनमा खेलेका छौं । सबै कन्डिसनमा खेलेको हुँदा त्यति धेरै गाह्रो हुँदैन । ओमानमा पनि गर्मी उच्चनै थियो’, उनले भने ।

‘सुरुवात राम्रो भएको छ । अमेरिकाविरुद्ध राम्रो स्कोरमा लैजाने प्रयास गर्ने छौं । दुबै जनाले अर्धशतक बनाएका छौं । अर्धशतकलाई अमेरिकाविरुद्ध शतकमा बदल्न प्रयास गर्ने छौं’, आसिफले भने ।

आसिफ र कुशलले पहिलो विकेटका लागि १ सय १४ रनको शतकीय साझेदारी गरेका थिए । आसिफले अमेरिकासँग ६१ र ओमानसँग ६२ रनको इनिङ खेले । आसिफ शतक बनाउन चुकेका छन् । ‘एक पटक शतक भएपछि त्यो रुट थाहा हुन्छ । हामीले रुटको लागि खोजि राखेको हो । एक पटक शतकपछि त्यो निरन्तर हुन्छ जस्तो लाग्छ मलाई’, उनले भने ।

२०१६ मा आसिफले एभरेष्ट प्रिमियर लिग (इपिएल) मा पञ्चकन्या तेजबाट कलर्स एक्सफ्याक्टर्सविरुद्ध आसिफले १६ वर्षकै उमेरमा १ सय ११ रनको शतकीय इनिङ खेलेका थिए । त्यस आसिफमा अहिले र पहिलामा के फरक छ भन्नेमा उनले भने, ‘खेलमा केहि फरक छैन । अनुभव आउँछ । सुरुवात पाएपछि कसरी खेल्ने भन्ने बुझेको छु । त्यो अनुभवले पनि धेरै फरक पार्छ ।’

जितको लागि १ सय ६४ रनको मध्यम विजयी लक्ष्य पछ्याएको नेपालले ३३.१ ओभरमा ३ विकेट गुमाउँदै पूरा गर्यो । नेपालको जितमा आसिफ शेखले ८६ बलमा ७ चौका र १ छक्कासहित सर्वाधिक ६२ रनको योगदान दिए । कुशल भुर्तेल ७५ बलमा ५ चौकासहित ५६ रनमा क्याच आउट भए । रोहित पौडेल २१ र दीपेन्द्रसिंह ऐरी ६ रनमा अविजित रहे ।

त्यसअघि ह्युस्टनस्थित मुसा क्रिकेट स्टेडियममा टस जितेर पहिला ब्याटिङ थालेको ओमान ४६.५ ओभरमा १ सय ६३ रनमा अल आउट भयो । ओमानका कप्तान जिशान मकसुदले १ सय बलमा ३ चौकासहित सर्वाधिक ५२ रन बनाए । करण केसीले ९ ओभरमा ३३ रन खर्चेर ५ विकेट लिए । सन्दीप लामिछानेले १० ओभरमा ४७ रन खर्चेर ३ विकेट लिए ।

आसिफको क्रिकेट जीवनी : शेख दाजुभाइ – घरको छतदेखि राष्ट्रिय टोलीसम्म सँगै