default_image

3 years ago

June 15, 2022

विश्व वरियतामा दीपेन्द्र नेपालको हालसम्मकै उत्कृष्ट स्थानमा

178 views

0 Bookmark

काठमाडौं (हाम्रो खेलकुद) – नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरी अन्तर्राष्ट्रिय क्रिकेट परिषद्(आइसिसी) को नयाँ टि२० आई वरियता अलराउन्डरतर्फ नवौ स्थानमा रहेका छन् । आइसिसीले बुधबार सार्वजनिक गरेको नयाँ वरियतामा दीपेन्द्र नेपालको इतिहासकै उच्च स्थानमा छन् ।

अलराउन्डरतर्फ दीपेन्द्र १ सय ५२ रेटिङ अंकका साथ नवौ स्थानमा छन् । यसअघि १० औं स्थानमा थिए । अफगानिस्तानका मोहम्मद नाबी टि२० को अलराउन्डरतर्फ शीर्ष स्थानमा छन् । बंगलादेशका सकिब अल हसन दोस्रो, इंग्ल्यान्डका मोईन अली तेस्रो, अष्ट्रेलिया ग्लेन म्याक्सवेल चौथो र इंग्ल्यान्डका लियाम लिभिङस्टोन पाँचौं स्थानमा छन् ।

युएईका रोहन मुस्तफा छैटौं, नामिबियाका जेजे स्मित सातौं र ओमानका कप्तान जिशन मकसुद आठौं स्थानमा छन् । दीपेन्द्रपछि श्रीलंकाका वानिन्दु हसरंगा दशौं र दक्षिण अफ्रिकाका एडेन माक्ररम ११ औं स्थानमा छन् ।

टि२० आईको ब्याटिङतर्फ कुशल भुर्तेल ३९ औं, दीपेन्द्र ४३ औं र आसिफ शेख ९७ स्थानमा छन् । भुर्तेल एक स्थान सुधार गर्दा दीपेन्द्र यथावत रहेका हुन् । पाकिस्तानका बाबर आजम शीर्ष र मोहम्मद रिजवान दोस्रो स्थानमा छन् ।

टि२० आईको बलिङतर्फ नेपालका सन्दीप लामिछाने ३९ औं र अभिनाश बोहरा ९० औं स्थानमा छन् । अभिनाशले एक स्थान सुधार गर्दा सन्दीप यथावत रहेका हुन् ।

ओडिआईतर्फ भने उपकप्तान रोहित पौडेल एक स्थान सुधार गर्दै ८२ औं स्थानमा छन् । पाकिस्तानका बाबर आजम ओडिआईमा पनि शीर्षस्थानमा छन् । ओडिआईको बलिङतर्फ सन्दीपले एक स्थान सुधार गर्दै ४३ औं स्थानमा छन् ।
न्युजिल्यान्डका ट्रेन्ट बोल्ट शीर्षस्थानमा छन् । नेपाल नयाँ वरियतामा टि२० आईमा १३ औं र ओडिआईमा १९ औं स्थानमा यथावत छ ।

March 26, 2025

महिला ओडिआई विश्वकप – फाइनल खेल मुल्लापुरमा हुने

एजेन्सी – महिला ओडिआई विश्वकप २०२५ को फाइनल खेल पञ्जाबको मुल्लानपुरस्थित महाराजा यादविन्द्र सिंह अन्तर्राष्ट्रिय रङ्गशालामा हुने भएको छ । ओडिआई महिला विश्वकप यसै वर्षको सेप्टेम्बर २९ देखि अक्टोबर २६ सम्म भारतमा आयोजना हुनेछ । विशाखापट्टनम, तिरुवनंतपुरम, रायपुर र इन्दौरमा विश्व कपका खेलहरु आयोजना हुनेछ । विशाखापट्टनमबाहेक अन्य कुनै पनि स्थानमा अहिलेसम्म महिला अन्तर्राष्ट्रिय प्रतियोगिता […]

March 26, 2025

परागको घरेलु मैदानमा राजस्थान र कोलकाता भिड्दै

एजेन्सी – इण्डियन प्रिमियर लिग(आइपिएल) मा आज राजस्थान रोयल्स र कोलकाता नाइटराइडर्स खेल्दैछन् । राजस्थानको दोस्रो घरेलु मैदान गुवाहाटीमा नेपाली समय अनुसार राति ७ः४५ बजे खेल सुरु हुनेछ । गुवाहाटी सन् २०२३ देखि राजस्थानको लागि कहिलेकाहीं घरेलु मैदानको रुपमा प्रयोगमा आउने गरेको छ । गुवाहाटीको यो मैदान राजस्थानका कप्तान रहेका रियान परागको घरेलु मैदान समेत […]

March 26, 2025

पञ्जाबको विजयी सुरुवात

एजेन्सी – पञ्जाब किंग्सले इण्डियन प्रिमियर लिग(आइपिएल) मा विजयी सुरुवात गरेको छ। श्रेयस अय्यरको कप्तानी इनिङमा पञ्जाबले गुजरात टाइटन्सलाई ११ रनले हराउँदै सफल सुरुवात गरेको छ ।२ सय ४४ रनको लक्ष्य पछ्याएको गुजरात ५ विकेटको नोक्सानीमा २ सय ३२ रन बनाउन सक्यो । टप अडरले सुरुवात राम्रो दिलाए पनि मध्यक्रमले त्यसलाई अघि बढाउन सकेन। साई सुदर्शन […]

Success

Thank you for your time.