अमेरिकामा करण बने ‘प्लेयर अफ द सिरिज’

ह्युस्टन (हाम्रो खेलकुद) – तीव्र गतिका बलर करण केसीले घरेलु टोली अमेरिका, ओमान र नेपालबीच सम्पन्न आइसीसी विश्वकप लिग २ अन्तर्गत त्रिकोणात्मक सिरिजको प्लेयर अफ द सिरिजको उपाधि जितेका छन् ।

तीव्र गतिका बलर करणले ४ खेलमा १३ विकेटका साथ व्यक्तिगत उपाधि हात पारे । सिरिजमा नेपालले १ जित, १ टाई र २ हारको मिश्रित नतिजा निकाल्दा करणका लागि व्यक्तिगत रुपमा भने सफल भयो । उनले ओमानविरुद्ध भएको दुवै खेलमा ५ विकेट हासिल गरेका थिए ।

ब्याटबाट राम्रो प्रदर्शन गर्न नसकेपनि करणले ४ मध्यका तीन खेलमा राम्रो प्रदर्शन गरे । उनले अमेरिकाविरुद्ध पहिलो खेलमा भने विकेट लिन सकेका थिएनन् । करणले पहिलो खेलमा ओमानविरुद्ध ५-३८ र दोस्रोमा ५-३३ लिएका थिए । अमेरिकाविरुद्ध तेस्रो खेलमा करणले ३-६७ लिएका थिए ।