default_image

2 years ago

June 22, 2022

अष्ट्रेलियामाथि रोमान्चक जितसँगै श्रीलंकालाई तीन दशकपछि उपाधि

एजेन्सी – श्रीलंकाले चौथो ओडिआई खेलमा अष्ट्रेलियालाई चार रनले पराजित गर्दै एक खेल अगावै सिरिज ३–१ ले जितेको छ । योसँगै श्रीलंकाले सन् १९९२ पछि पहिलो पटक अष्ट्रेलियासँग घरेलु मैदानमा द्विपक्षीय ओडिआई सिरिज उपाधि जित्न सफल भएको छ । जितको लागि २ सय ५९ रनको विजयी लक्ष्य पछ्याएको अष्ट्रेलिया ५० ओभरमा २ सय ५४ रनमा […]

80 views

0 Bookmark

एजेन्सी – श्रीलंकाले चौथो ओडिआई खेलमा अष्ट्रेलियालाई चार रनले पराजित गर्दै एक खेल अगावै सिरिज ३–१ ले जितेको छ । योसँगै श्रीलंकाले सन् १९९२ पछि पहिलो पटक अष्ट्रेलियासँग घरेलु मैदानमा द्विपक्षीय ओडिआई सिरिज उपाधि जित्न सफल भएको छ ।

जितको लागि २ सय ५९ रनको विजयी लक्ष्य पछ्याएको अष्ट्रेलिया ५० ओभरमा २ सय ५४ रनमा अल आउट भयो । अष्ट्रेलियाका ओपनर डेविड वार्नर १ सय १२ बलमा १२ चौकासहित ९९ रनमा आउट भए । अष्ट्रेलियालाई जितको लागि अन्तिम ६ बलमा १९ रन चाहिँएको थियो ।

म्याथ्यु कुहनेमानले कप्तान दसुन शनकालाई दोस्रो, चौथो र पाँचौं बलमा चौका प्रहार गरेपछि खेल थप रोचक बनेको थियो । अन्तिम बलमा जितको लागि पाँच रन चाहिँएको अवस्थामा एज लागेर कुहनेमान चरिथ असलंकाबाट क्याच भएसँगै श्रीलंकाले तीन दशकपछि घरेलु मैदानमा सिरिज एक खेल अगाडिनै जितेको हो ।

आरोन फिन्च डक, मिचेल मार्श २६, मार्नस लाबुसेन १४, एलेक्स केरी १९, ट्रविस हेड २७ र ग्लेन म्याक्सवेल १ रनमा आउट भए । तल्लोक्रमका क्यामरन ग्रिन १३, प्याट कमिन्स ३५ र कुहनेमान १५ रनमा आउट भए । अष्ट्रेलिया एक समय ३६ ओभरमा १९०÷५ को बलियो अवस्थामा हुँदा जितको लागि १४ ओभरमा ६९ रन मात्र चाहिँएको थियो ।

३७ औं ओभरको दोस्रो बलमा ग्लेन म्याक्सेवल स्पिनर महेश थेक्सनाको बलमा एलबीडब्लू आउट भए । अर्को ओभरमा धनन्जय डि सिल्भाको बलमा वार्नर स्टम्पिङ आउट भएपछि अष्ट्रेलिया समस्यामा परेको थियो । श्रीलंकाका चामिका करुणारत्तने, धनन्जय डि सिल्भा र जेफ्री वान्डरसेले २–२ विकेट लिए ।

त्यसअघि आर प्रेमाडासा स्टेडियम कोलोम्बोमा टस हारेर ब्याटिङको निम्तो पाएको श्रीलंका ४९ ओभरमा २ सय ५८ रनमा अल आउट भयो । श्रीलंकाका चरिथ असलंकाले १ सय ६ बलमा १० चौका र १ छक्कासहित १ सय १० रनको शतकीय इनिङ खेले । असलंकाको यो पहिलो अन्तर्राष्ट्रिय शतक हो ।

श्रीलंकाको सुरुवात भने राम्रो हुन सकेन । ओपनर निरोशन डिक्वेला १, पाथुम निस्संका १३ र कुशल मेन्डिस १४ रनमा आउट हुँदा श्रीलंका ९.५ ओभरमा ३४–३ को अवस्थामा पुगेको थियो । चौथो विकेटका लागि असलंका र धनन्जय डि सिल्भाले १ सय १ रनको शतकीय साझेदारी गर्दै इनिङ उकासेका थिए ।

सिल्भा ६१ बलमा ७ चौकासहित ६० रनमा आउट भए । दसुन शनका ४, दिनुथ विलालेगे १९, चामिका करुणरत्ने ७ र वानिन्दु हसरंगकाले १९ रन बनाए । अष्ट्रेलियाका मिचेल मार्श, प्याट कमिन्स र म्याथ्यु कुहनेमानले २-२ विकेट लिए ।

पहिलो खेलमा अष्ट्रेलिया डकवर्थ लेविस पद्धतिको आधारमा दुई विकेटले विजयी भएको थियो । श्रीलंका दोस्रो खेलमा डकवर्थ लेविस पद्धतिको आधारमा २६ रन र तेस्रो खेलमा ६ विकेटले विजयी भएको थियो । पाँचौं तथा अन्तिम खेल शुक्रबार हुनेछ ।

March 29, 2024

कमल प्लेइङ-११ मा खेल्दै, पवन बेन्चमा

काठमाडौं (हाम्रो खेलकुद) – तीव्र गतिका बलर कमलसिंह ऐरीले नेपाल ‘ए’ बाट आयरल्यान्ड वल्भ्सविरुद्ध शुक्रबार हुने टि२० खेलमार्फत पुनरागमन गर्ने भएका छन् । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले सुरुवाती इनिङमा ब्याटिङ गर्दैछ । कमलले लामो समय चोटका कारण बाहिर रहेर आज पुनरागमन गर्दैछन् […]

March 29, 2024

नेपाल ‘ए’ ले टस जित्यो

काठमाडौं (हाम्रो खेलकुद) – नेपाल ‘ए’ क्रिकेट टोलीले आयरल्यान्ड वल्भ्सविरुद्ध पहिलो टि२० खेलमा टस जितेको छ । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले पहिलो ब्याटिङ गर्दैछ । नेपालको टोली : विनोद भण्डारी (कप्तान), लोकेश बम, देव खनाल, किरण ठगुन्ना, आरिफ शेख, अर्जुन घर्ती, बसिर […]

March 29, 2024

नेपाल ‘ए’ र आयरल्यान्ड वल्भ्स खेल्दै

काठमाडौं (हाम्रो खेलकुद) – नेपाल ‘ए’ र आयरल्यान्ड वल्भ्सले टि२० सिरिजको पहिलो खेलमा शुक्रबार खेल्दैछन् । खेल नेपाली समय अनुसार दिउँसो १ बजे टियु अन्तर्राष्ट्रिय क्रिकेट मैदानमा हुनेछ । लगातार वर्षाका कारण मैदान भिजेपछि विहीबार हुने भनिएको पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने जानकारी दिएको […]

Success

Thank you for your time.