2 years ago
June 24, 2022
एजेन्सी – अष्ट्रेलियाले पाँचौं तथा अन्तिम ओडिआई खेलमा श्रीलंकामाथि ४ विकेटको संघर्षपूर्ण जित हात पारेको छ । योसँगै अष्ट्रेलियाले सिरिज २–३ ले गुमाएको छ । जितको लागि १ सय ६१ रनको विजयी लक्ष्य पछ्याएको अष्ट्रेलियाले ३९.३ ओभरमा ६ विकेट गुमाउँदै पूरा गर्यो । अष्ट्रेलिया जितमा विकेटकिपर एलेक्स केरी ६५ बलमा १ चौकासहित सर्वाधिक ४५ रनमा […]
एजेन्सी – अष्ट्रेलियाले पाँचौं तथा अन्तिम ओडिआई खेलमा श्रीलंकामाथि ४ विकेटको संघर्षपूर्ण जित हात पारेको छ । योसँगै अष्ट्रेलियाले सिरिज २–३ ले गुमाएको छ ।
जितको लागि १ सय ६१ रनको विजयी लक्ष्य पछ्याएको अष्ट्रेलियाले ३९.३ ओभरमा ६ विकेट गुमाउँदै पूरा गर्यो । अष्ट्रेलिया जितमा विकेटकिपर एलेक्स केरी ६५ बलमा १ चौकासहित सर्वाधिक ४५ रनमा अविजित रहे । ओपनर डेविड वार्नर १०, आरोन फिन्च डक, मिचेल मार्श २४, जोश इंग्सिल ५, मार्नस लाबुसेन ३१ र ग्लेन म्याक्सवेल १६ रनमा आउट भए ।
एक समय ५०–४ को कमजोर अवस्थामा पुगेको अष्ट्रेलियालाई पाँचौं विकेटका लागि लाबुसेन र केरीले ५१ रनको साझेदारी गरेका थिए । युवा अलराउन्डर क्यामरन ग्रिन २६ बलमा २ चौका र १ छक्कासहित २५ रनमा अविजित रहे । स्पिनर जेफ्री वान्डरसेलाई छक्का प्रहार गर्दै ग्रिनले खेल सकाए ।
श्रीलंका युवा बायाँ हाते स्पिनर दुनिथ वेलालेजले १० ओभरमा ४२ रन खर्चेर ३ विकेट लिए । महेश थिक्सनाले १० ओभरमा १ मेडनसहित २६ रन खर्चेर २ विकेट लिए ।
त्यसअघि आर प्रेमाडासा स्टेडियम कोलोम्बोमा टस जितेर पहिला ब्याटिङ थालेको श्रीलंका ४३.१ ओभरमा १ सय ६० रनमा अल आउट भयो । श्रीलंकाका तल्लोक्रमका चामिका करुणारत्नेले ७५ बलमा ८ चौका र २ छक्कासहित सर्वाधिक ७५ रनको योगदान दिए । धनुष्का गुणाथिलका ८, पाथुम निसंका दुई, कुशल मेन्डिस २६, दीनेश चान्डिमल ६,चरिथ असंलका १४ र कप्तान दसुन शनका १ रनमा आउट भए ।
अष्ट्रेलिया पहिलो खेलमा डकवर्थ लेविस पद्धतिको आधारमा दुई विकेटले विजयी भएको थियो । त्यसपछि दोस्रो खेलमा २६ रन, तेस्रो खेलमा ६ विकेट र चौथो खेलमा ४ रनले पराजित हुँदै ३० वर्षपछि अष्ट्रेलियाले श्रीलंकामा ओडिआई सिरिज गुमाएको थियो । तीन टि२० आई सिरिज भने अष्ट्रेलिायले २–१ ले जितेको थियो । अव दुई टेस्ट खेलको सिरिज हुनेछ । पहिलो टेस्ट २९ जुनदेखि गालेमा सुरुहुनेछ ।
April 29, 2024
एजेन्सी – इंडियन प्रिमियर लिग (आईपिएल) अन्तर्गत आईतबार भएको दोस्रो खेलमा चेन्नाई सुपर किंग्सले सहज जित दर्ता गरेको छ । चेन्नाईले सनराईजर्स हैदराबाद माथि ७८ रनको फराकिलो जित दर्ता गरेको हो । चेन्नाईले दिएको २१३ रनको विशाल लक्ष्य पछ्याएको हैदराबाद १८.५ ओभरमा १३४ रनमा समेटियो । हैदराबादका लागि एईडन मार्क्रमको ३२ रनको इनिङ नै सर्वाधिक […]
April 28, 2024
एजेन्सी – विल ज्याक्सको विष्फोटक शतकीय इनिङको मद्दतमा इंडियन प्रिमियर लिग अन्तर्गत आईतबार भएको पहिलो खेलमा रोयल च्यालेनजर्स बेंगलूरु (आरसिबि) ले सानदार जित दर्ता गरेको छ । आरसिबिले गुजरात टाईटन्स माथि ९ विकेटको फराकिलो जित दर्ता गरेको हो । गुजरातले दिएको २०१ रनको विशाल लक्ष्य आरसिबिले १६ ओभरमै १ विकेट मात्र गुमाएर भेटायो । आरसिबिका […]
April 28, 2024
काठमाडौँ (हाम्रो खेलकुद) – वेस्ट इन्डिज ‘ए’ टोलीविरुद्धको दोस्रो टि२० खेलमा नेपाली राष्ट्रिय क्रिकेट टोली पराजित भएको छ । पहिलो खेलमा ४ विकेटको हार बेहोरेको वेस्ट इन्डिजले नेपाललाई दोस्रो खेलमा १० रनले पराजित गर्दै शृंखलामा १-१ को बराबरी गरेको हो । पाहुना टोलीले दिएको १६१ रनको मध्यम लक्ष्य पछ्याएको नेपालले निर्धारित २० ओभरमा ९ विकेट […]