default_image

2 years ago

June 27, 2022

टेक्टरको उत्कृष्ट ब्याटिङका बाबजुद आयरल्यान्ड भारतसँग पराजित

एजेन्सी – मध्यक्रमका ब्याटर ह्यारी टेक्टरको उत्कृष्ट ब्याटिङका बाबजुद आयरल्यान्ड पहिलो टि२० आई खेलमा भारतसँग ७ विकेटले पराजित भएको छ । योसँगै भ्रमण टोली भारतले दुई टि२० आई खेलको सिरिजमा १–० को अग्रता लिएको छ । जितको लागि १ सय ९ रनको विजयी लक्ष्य पछ्याएको भारतले ९.३ ओभरमा ३ विकेट गुमाउँदै पूरा गर्यो । भारतका […]

52 views

0 Bookmark

एजेन्सी – मध्यक्रमका ब्याटर ह्यारी टेक्टरको उत्कृष्ट ब्याटिङका बाबजुद आयरल्यान्ड पहिलो टि२० आई खेलमा भारतसँग ७ विकेटले पराजित भएको छ । योसँगै भ्रमण टोली भारतले दुई टि२० आई खेलको सिरिजमा १–० को अग्रता लिएको छ ।

जितको लागि १ सय ९ रनको विजयी लक्ष्य पछ्याएको भारतले ९.३ ओभरमा ३ विकेट गुमाउँदै पूरा गर्यो । भारतका ओपनर दिपक हुडाले २९ बलमा ६ चौका र २ छक्कासहित सर्वाधिक ४७ रनको योगदान दिए । डेब्यू कप्तानी गरेका कप्तानी हार्दिक पान्ड्याले १२ बलमा १ चौका र ३ छक्कासहित २४ रनमा आउट भए ।

ओपनर ईशान किशन ११ बलमा ३ चौका र २ छक्कासहित २६, सूर्यकुमार यादव गोल्डेन डक र दीनेश कार्तिकले ५ रन बनाए । आयरल्यान्डका क्रेग योंगले २ ओभरमा १८ रन खर्चेर २ विकेट लिए । जोश लिटिलले २.२ ओभरमा ३९ रन खर्चेर १ विकेट लिए ।

त्यसअघि द भ्यालेज डुब्लिनमा टस हारेर ब्याटिङ थालेको आयरल्यान्डले निर्धारित १२ ओभरमा ४ विकेट गुमाउँदै १ सय ८ रन बनाएको थियो । वर्षाको कारण खेल १२ ओभरमा झारिएको थियो । आयरल्यान्डका २२ वर्षीय युवा ब्याटर ह्यारी टेक्टरले ३३ बलमा ६ चौका र ३ छक्कासहित ६४ रनमा अविजित रहेपनि टोलीको हार टार्न सकेनन् ।

टेक्टर बाहेक अन्य ब्याटरले राम्रो प्रदर्शन गर्न सकेनन् । पउल स्टर्लिङ ४, कप्तानी एन्ड्री बलबर्नी डक, ग्यारेथ डेलानी ८ र विकेटकिपर लोर्कन टेकरले १८ रनमा आउट भए ।

भारतका स्पिनर युजभेन्द्र चहल ३ ओभरमा ११ रन खर्चेर १ विकेट लिँदै प्लेयर अफ द म्याच भए । भुवनेश्वर कुमार, हार्दिक पान्ड्या र आवेश खानले १-१ विकेट लिए । डेब्यू खेल खेलेका उमरान मकिलले १ ओभरमा १४ रन खर्चिए । भारतको पहिलो रोजाईको टेस्ट टोली इंग्ल्यान्डमा छ । दोस्रो तथा अन्तिम खेल मंगलबार हुनेछ ।

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

March 27, 2024

चेन्नाईको लगातार दोस्रो जित

एजेन्सी – इंडियन प्रिमियर लिग (आईपिएल) को १७औं संस्करणमा साविक विजेता चेन्नाई सुपर किंग्सले लगातार दोस्रो जित दर्ता गरेको छ । दोस्रो जित दर्ता गर्ने क्रममा चेन्नाईले गुजरात टाईटन्स माथि ६३ रनको फराकिलो जित दर्ता गरेको हो । २०७ रनको विशाल लक्ष्य पछ्याएको गुजरातले निर्धारित २० ओभरमा ८ विकेट गुमाएर १४३ रन मात्र बनाउन सक्यो […]

Success

Thank you for your time.