काठमाडौं (हाम्रो खेलकुद) – लगातार वर्षाको कारण नेपाल र घरेलु टोली क्यानाडाबीचको पहिलो एकदिवसिय अभ्यास खेल प्रभावित बनेको छ । निर्धारित समय अनुसार नेपालको राती ८ : ४५ मा क्यानाडाको किंग सिटीमा रहेको मेपल लीफ क्रिकेट मैदानमा खेल सुरु हुनुपर्ने हो । तर मैदानमा पाँच घण्टा देखि वर्षा जारी छ । पिच कभरले ढाकिएको छ ।

केहि समय वर्षा रोकिएपनि पुन जारी भएको छ । खेलको कट अफ टाइम नेपालको झण्डै २ बजे रहेको छ । अवको एक घण्टामा वर्षा रोकिएमा २०-२० ओभरको सम्भावना देखिन्छ । तर पनि लगातार वर्षा भएमा र राती २ बजे अघि सम्म सुरु नभएमा भने खेल रद्ध हुनेछ ।

नेपाल क्यानाडासँगको दुबै अभ्यास खेलमा सानदार जितका साथ आइसिसी विश्वकप लिग–२ त्रिकोणात्मक ओडिआई सिरिज खेल्न स्कटल्यान्ड जाने सोचमा हुनेछ । नेपालले सुरुवाती दुई अभ्यास खेलमा ओन्टारियो क्रिकेट क्लबलाई ६९ रन र ५५ रनले हराएको थियो ।

क्यानानडो बातावरण र स्कटल्यान्डको मिल्दोजुल्दो छ । त्यसैले नेपाली ब्याटरलाई त्यहाँको वातावरणमा झिज्दै राम्रो प्रदर्शन गर्नुपर्ने हुन्छ । क्यानाडाको कप्तानी साद बिन जाफरले गर्नेछन् । रयान खान पठान उपकप्तानको रुपमा छन् । क्यानाडाले पछिल्लो समय अन्तर्राष्ट्रिय क्रिकेटमा संघर्ष गरेको छ ।

घरेलु मैदानको फाइदा उठाउँदै क्यानाडा उच्च प्रदर्शन गर्न चाहन्छ । क्यानाडाले नेपालसँग खेल्ने टोलीमा नयाँ खेलाडीलाई मौका दिएको छ ।