एजेन्सी – भारतले पहिलो टि२० आई खेलमा घरेलु टोली इंग्ल्यान्डविरुद्ध टस जितेर पहिला ब्याटिङ गर्ने भएको छ ।साउथह्याप्टनमा भारतका कप्तान रोहित शर्माले टस जितेर पहिला ब्याटिङ गर्ने निर्णय लिएका हुन् ।

भारतले तीव्र गतिका युवा बलर अर्शदीप सिंहलाई डेब्यू दिएको छ । अर्शदीप डेथ ओभर स्पेलिष्ट बलरको रुपमा चिनिन्छन् । उनले इन्डियन प्रिमियर लिग (आइपिएल) मा पन्जाब किंग्सबाट राम्रो प्रभाव जमाएका थिए । उनलाई रोहित शर्माले डेब्यू क्याप दिएका थिए ।

तीन टि२० आईको खेलमा दुबै टोली विजयी सुरुवात गर्ने सोचमा हुनेछन् । घरेलु टोली इंग्ल्यान्ड पछिल्लो समय टेस्ट क्रिकेटमै आक्रामक शैली अपनाएको छ । टि२० आई मा भने लगातार उत्कृष्ट प्रदर्शन गर्दै आएको छ ।

इंग्ल्यान्डका एक सर्वाधिक सफल कप्तान ओईन मोर्गनले सन्न्यास लिएपछि बटलरले पहिलो पटक इंग्ल्यान्डको नेतृत्व गर्नेछन् । बटलरको कप्तानीमा इंग्ल्यान्ड झनै आक्रामक बन्ने अनुमान गरिएको छ ।

पछिल्लो समय बटलर उच्च लयमा छन् । इंग्ल्यान्डले नेदरल्यान्ड्सविरुद्ध ओडिआई इतिहासकै सर्वाधिक ४ सय ९८ रन बनाउँदा बटलरले १ सय ६२ रनको विष्फोटक इनिङ खेलेका थिए । इन्डियन प्रिमियर लिग (आइपिएल) यो सिजनमा चार शतकका साथ बटलरले ८सय माथि रन बनाएका थिए । लगातार उच्च प्रदर्शन गर्दै आएका बटलरको लय रोक्न नै भारतलाई मुख्य चुनौती हुनेछ ।

इंग्ल्यान्डले पहिलो खेलमा जोनी बेयरस्टो र बेन स्टोक्सलाई भने विश्राम दिएको छ । भारतले विराट कोहली, जस्प्रित बुमराह, ऋषभ पन्त र मोहम्मद शामीलाई विश्राम दिएको छ ।

भारतको प्लेइङ ११ :
रोहित शर्मा, ईशान किशन, दीपक हुडा, सूर्यकुमार यादव, हार्दिक पान्ड्या, दीनेश कार्तिक९विकेटकिपर०, अक्षर पटेल, हर्षल पटेल, भुवनेश्वर कुमार, अर्शदीप सिंह र युजभेन्द्र चहल ।

इंग्ल्यान्डको प्लेइङ ११ :

जेसन रोयल, जस बटलर, डेविड मलान, मोईन अली, लियाम लिभिङस्टोन, ह्यारी ब्रुक, साम करन, क्रिस जोर्डन, टाइमल मिल्स, रोस टोपली र म्याथु पार्किसन

हेड टु हेड :

भारत र इंग्ल्यान्डबीच टि२० आईमा १९ खेल भएका छन् । भारत १० र इंग्ल्यान्ड ९ खेलमा विजयी भएको छ । पछिल्ला पाँच खेलमा भारत तीन खेलमा विजयी भएको छ ।