काठमाडौं (हाम्रो खेलकुद)– श्रीलंकामा जारी एसिसी यू १९ कपको पहिलो खेलमा झिनो अन्तरले पराजित भएको नेपाली युवा टोलीले आज भारतको सामना गर्दैछ । नेपाली समय अनुसार बिहान १०ः१५ मा खेल सुरु हुनेछ ।
श्रीलंकाविरुद्धको पहिलो खेलमा बिहीबार २ सय २८ रनको लक्ष्य पछ्याउने क्रममा नेपाल मात्र १ रनले पराजित भएको थियो । उता दाबेदार मध्येको भारतले मलेसियालाई २ सय ४५ रनले हराएको थियो । पहिलो खेलको हारपछि प्रतियोगिताको सेमिफाइनल पुग्ने सम्भावनाका लागि नेपालले भारतलाई हराउनु पर्ने हुन्छ । समूह एमा नेपाल र मलेसियाबीचको खेल भने आइतबार हुनेछ ।
