नेपाल यू १९ एसिया कपबाट बाहिरियो

काठमाडौं (हाम्रो खेलकुद)– श्रीलंकामा जारी एसिसी यू १९ एसिया कपको समूह चरणबाट बाहिरिएको छ । लगातार दुई खेलमा हार बेहोरेपछि नेपाल समूह चरणको अन्तिम खेलअघि नै प्रतियोगिताबाट बाहिरिएको हो । श्रीलंकासँग पहिलो खेलमा १ रनको झिनो अन्तरको हार बेहोरेको नेपाल शुक्रबार भारतसँग ६ विकेटले पराजित भएको थियो ।

श्रीलंकासँग २ सय २८ रनको लक्ष्य पछउँदा नेपाल १ सय २६ रनमा अलआउट भएको थियो । अर्को खेलमा नेपालले भारतसँग १ सय ७२ रनको योगफललाई जोगान सकेन । समूहको अर्को टोली मलेसियामा पनि लगातार दुई हारपछि प्रतियोगिताबाट बाहिरिएको छ । मलेसिया भारतसँग २ सय ३५ रन र श्रीलंकासँग ८ विकेटले पराजित भएको थियो ।

नेपाल र मलेसियाबीच आइतबार प्रतिस्पर्धा हुनेछ । समूह एबाट अन्तिम खेलअघि नै भारत र श्रीलंका सेमिफाइनल पुगिसकेका छन् । भारत र श्रीलंकाले सुरुआती दुवै खेल जितेका थिए । नेपाल र मलेसिया अंक विहिन छन् ।
अर्को समूहमा बंगलादेश, पाकिस्तान, अफगानिस्तान र सिंगापुर छन् ।

[नेपाल र भारतबीच शुक्रबार भएको खेलको फोटोहरु]