2 years ago
August 14, 2022
काठमाडौं (हाम्रो खेलकुद) – दुई सातापछि यूएईमा एसिया कप टि२० प्रतियोगिता हुँदैछ । टि२० विश्वकपको लागि एसियन क्रिकेट कान्सिलले तयारी स्वरुप अगष्ट अन्तिममा एसिया कप गर्न लागेको हो । प्रतियोगिता श्रीलंकामा हुनुपर्ने भएपनि पछिल्लो समय त्यहाँको आर्थिक संकटले यूएई सरेको हो । एसिया कपमा समूह ए मा भारत, पाकिस्तान र छनोटबाट आउने एक टोली हुनेछन् […]
काठमाडौं (हाम्रो खेलकुद) – दुई सातापछि यूएईमा एसिया कप टि२० प्रतियोगिता हुँदैछ । टि२० विश्वकपको लागि एसियन क्रिकेट कान्सिलले तयारी स्वरुप अगष्ट अन्तिममा एसिया कप गर्न लागेको हो । प्रतियोगिता श्रीलंकामा हुनुपर्ने भएपनि पछिल्लो समय त्यहाँको आर्थिक संकटले यूएई सरेको हो ।
एसिया कपमा समूह ए मा भारत, पाकिस्तान र छनोटबाट आउने एक टोली हुनेछन् । समूह बी मा श्रीलंका, बंगलादेश र अफगानिस्तान छन् । शीर्ष दुई दुई टोलीले सुपर फोर लिग खेल्नेछन् । एसिया कप छनोटमा सिंगापुर, कुवेत, युएई र हङकङबीच प्रतिस्पर्धा हुनेछ । शीर्ष स्थानमा रहने टोलीले एसिया कप खेल्न पाउनेछ ।
नेपालले भने भारत र पाकिस्तानसँग खेल्ने स्वर्णिम अवसर दुई वर्ष अघि पहिलो चरणमा बिर्सनलायक प्रदर्शन गर्दै गुमाएको थियो । नेपालले २०२० को फेब्रुअरीमा थाईल्यान्डमा सम्पन्न एसिसी इस्टर्न रिजन टि२० प्रतियोगितामा खराब प्रदर्शन गरेको थियो । उक्त प्रतियोगितामा नेपाल, हङकङ, सिंगापुर, थाईल्यान्ड र मलेसिया थिए । तर नेपाल ४ खेलमा १ मा जित, २ मा हार र एक खेल नतिजा विहीन हुँदा चौथो स्थानमा रहेर बाहिरिएको थियो ।
शीर्ष दुई टोली सिंगापुर र हङकङ भने एसिया कप छनोटमा स्थान बनाएका थिए । उक्त समय नेपालले मलेसिया र हङकङसँग हारका साथ विश्व क्रिकेटका दुई ठूला देशसँग खेल्ने अवसर पहिलो चरणमै गुमाएको थियो ।
नेपाल पहिलो खेलमा मलेसियासँग २२ रनले पराजित भएको थियो । जितको लागि १ सय ५५ रनको विजयी लक्ष्य पछ्याउनेक्रममा नेपाल १९.५ ओभरमा १ सय ३२ रनमा अल आउट भएको थियो । नेपाल दोस्रो खेलमा हङकङसँग पराजित भएपछि एसिया कप छनोटको सम्भावना सकिएको थियो । उक्त खेलमा हङकङले प्रस्तुत गरेको १ सय ५५ रनको विजयी लक्ष्य पछ्याउनेक्रममा नेपाल १ सय ११ रनमा अल आउट भएको थियो ।
नेपालले थाईल्यान्डलाई ९ विकेटले हराएको थियो । उक्त खेलमा ६७ रनको लक्ष्य नेपालले ५.३ ओभरमा पूरा गरेको थियो । अन्तिम खेल वर्षाको कारण सिंगापुरसँग रद्द हुन पुगेको थियो । त्यसैले नेपालले एसिया कपको सम्भावना गुमाएको थियो ।
कसले खेल्ला भारत र पाकिस्तानसँग ?
एसिया कप छनोटमा वेस्टर्न रिजनबाट युएई र कुवेत आएका छन् । युएई च्याम्पियन र कुवेत उपविजेता हुँदै छनोट भएका थिए । कुवेत ३ खेलमा २ मा जित र १ मा हारका साथ दोस्रो स्थानमा थियो ।
ओमान भने समूह चरणमा कतारसँग ३४ रनले पराजित हुँदै सेमिफाइनल खेल्नबाट चुकेको थियो । समान चार अंक भएपनि नेटरनरेटका कारण बहराइन र कतार समूह ए बाट सेमिफाइनलमा पुगेका थिए ।
एसिया कप छनोट आगमी अगष्ट २० देखि ओमानमा सुरु हुनेछ । एसिया कप छनोटमा युएई, हङकङ, कुवेत र सिंगापुरबीच अगष्ट २० देखि २४ सम्म ओमानमा हुनेछ । शीर्ष स्थानमा रहने टोलीले एसिया कपमा भारत र पाकिस्तानसँग खेल्न पाउनेछ ।
युएई सवैभन्दा सर्वाधिक सम्भावना वोकेको टोली हो ।
युएई उच्च लयमा हुँदै टि२० विश्वकप २०२२ को लागि छनोट भएको छ । गत फेब्रुअरीमा ओमानमा सम्पन्न आइसिसी टि२० विश्वकप छनोट ए मा नेपाललाई ६८ रनले हराउँदै विश्वकपमा पुगेको थियो ।
त्यस प्रतियोगितामा युएईले समूह चरण र फाइनल दुवैमा आयरल्यान्डलाई हराएको थियो । चार देश सम्मिलित सिरिजमा गरि युएईले आयरल्यान्डमाथि लगातार तीन जित हासिल गरेको थियो । युएईले पछिल्लो समय लगातार उच्च प्रदर्शन गर्दै आएको छ । दोस्रो सम्भावना भएको देश हङकङ देखिन्छ ।
हङकङ र युएईबीच खेलको नतिजाले एसिया कपमा कसले खेल्ने बढी निर्भर हुने देखिन्छ । युएईलाई ओमानको मैदान र वातावरण बारेमा राम्रो ज्ञान छ । टि२० विश्व वरियतामा युएई १२ औं, सिंगापुर २३ औं, हङकङ २६ औं र कुवेत ३० औं स्थानमा छन् ।
April 29, 2024
काठमाडौं (हाम्रो खेलकुद) – लुम्बिनी प्रदेशले पहिलो वीर गणेशमान सिंह राष्ट्रिय टि-२० क्रिकेट प्रतियोगिताको उपाधि उचालेको छ । मूलपानी क्रिकेट मैदानमा सोमबार भएको फाइनल खेलमा कर्णाली प्रदेश माथि २१ रनको जित हासिल गर्दै उपाधि कब्जा गरेको हो । लुम्बिनीले दिएको ११७ रनको सामान्य लक्ष्य पछ्याएको कर्णाली १५.३ ओभरमा ८५ रनमै समेटियो । कर्णालीका लागि विपिन […]
April 29, 2024
एजेन्सी – इंडियन प्रिमियर लिग (आईपिएल) अन्तर्गत आईतबार भएको दोस्रो खेलमा चेन्नाई सुपर किंग्सले सहज जित दर्ता गरेको छ । चेन्नाईले सनराईजर्स हैदराबाद माथि ७८ रनको फराकिलो जित दर्ता गरेको हो । चेन्नाईले दिएको २१३ रनको विशाल लक्ष्य पछ्याएको हैदराबाद १८.५ ओभरमा १३४ रनमा समेटियो । हैदराबादका लागि एईडन मार्क्रमको ३२ रनको इनिङ नै सर्वाधिक […]
April 28, 2024
एजेन्सी – विल ज्याक्सको विष्फोटक शतकीय इनिङको मद्दतमा इंडियन प्रिमियर लिग अन्तर्गत आईतबार भएको पहिलो खेलमा रोयल च्यालेनजर्स बेंगलूरु (आरसिबि) ले सानदार जित दर्ता गरेको छ । आरसिबिले गुजरात टाईटन्स माथि ९ विकेटको फराकिलो जित दर्ता गरेको हो । गुजरातले दिएको २०१ रनको विशाल लक्ष्य आरसिबिले १६ ओभरमै १ विकेट मात्र गुमाएर भेटायो । आरसिबिका […]