एजेन्सी – भारतीय टेस्ट क्रिकेट टोलीका प्रमुख ब्याटर चेतेश्वर पुजराले आफ्नो लिष्ट ए ले करिअरको उत्कृष्ट प्रदर्शन गरेका छन् । पुजाराले इंग्ल्यान्डको राष्ट्रिय एकदिवसिय प्रतियोगिता रोयल लन्डन कप वान डे कपमा सक्सेसबाट सर्रेविरुद्ध पुजाराले लिष्ट ए करिअरको उच्च प्रदर्शन गरेका हुन् ।

काउन्ट्री ग्राउन्ड होभमा टस हारेर पहिला ब्याटिङ थालेको सक्सेसले निर्धारित ५० ओभरमा ६ विकेट गुमाउँदै ३ सय ७८ रन बनायो । कप्तान चेतेश्वर पुजाराले १ सय ३१ बलमा २० चौका र ५ छक्कासहित १ सय ७४ रनको उत्कृष्ट शतकीय इनिङ खेले ।

पुजाराको यो लिष्ट ए करिअरको १३ औं र उत्कृष्ट शतक हो । लिष्ट ए मा उनको यसअघि उच्च प्रदर्शन १ सय ५८ रन अविजित थियो ।

पुजाराको यो लगातार दोस्रो शतक हो । यसअघि वारविक्शायरविरुद्ध १ सय ७ रनको शतकीय इनिङ खेलेका थिए । टम क्लार्क १ सय ६ बलमा १३ चौकासहित १ सय ४ रनमा आउट भए । सुरुवात ३.२ ओभरमा ९–२ को कमजोर अवस्थामा पुगेको थियो ।

तेस्रो विकेटका लागि टम क्लार्क र पुजाराले २ सय ५ रनको सानदार दोहोरो शतकीय साझेदारी गरेका थिए । पछिल्लो समय भारतका केहि खेलाडीले इंग्ल्यान्डको घरेलु क्रिकेट प्रतियोगिता खेल्दै आएका छन् । तीव्र गतिका बलर उमेश यादवले मिडलसेक्सबाट उच्च प्रदर्शन गर्दै आएका छन् ।