default_image

2 years ago

August 17, 2022

पाकिस्तानसँग नेदरल्यान्ड्सको प्रतिस्पर्धात्मक हार

एजेन्सी– नेदरल्यान्ड्सले पहिलो ओडिआई खेलमा टेस्ट टोली पाकिस्तानसँग प्रतिस्पर्धात्मक १६ रनको हार बेहोरेको छ । नेदरल्यान्ड्सले पाकिस्तानविरुद्ध खेलमा कडा प्रतिस्पर्धा गरेपनि जित भने हात पार्न सकेन । जितको लागि ३ सय १५ रनको विजयी लक्ष्य पछ्याएको नेदरल्यान्ड्सले निर्धारित ५० ओभरमा ८ विकेट गुमाउँदै २ सय ९८ रन बनायो । नेदरल्यान्ड्सका कप्तान स्कट एडवार्ड्सले ६० बलमा […]

80 views

0 Bookmark

एजेन्सी– नेदरल्यान्ड्सले पहिलो ओडिआई खेलमा टेस्ट टोली पाकिस्तानसँग प्रतिस्पर्धात्मक १६ रनको हार बेहोरेको छ । नेदरल्यान्ड्सले पाकिस्तानविरुद्ध खेलमा कडा प्रतिस्पर्धा गरेपनि जित भने हात पार्न सकेन ।

जितको लागि ३ सय १५ रनको विजयी लक्ष्य पछ्याएको नेदरल्यान्ड्सले निर्धारित ५० ओभरमा ८ विकेट गुमाउँदै २ सय ९८ रन बनायो । नेदरल्यान्ड्सका कप्तान स्कट एडवार्ड्सले ६० बलमा ६ चौका र १ छक्कासहित सर्वाधिक ७१ रनमा अविजित रहे ।

ओपनर विक्रमजित सिंह ९८ बलमा ५ चौकासहित ६५ रनमा आउट भए । मध्यक्रमका ब्याटर टम कपरले ५४ बलमा ६ चौका र २ छक्कासहित ६४ रन जोडे । तीन खेलाडीले अर्धशतक हानेपछि विशाल लक्ष्य पछ्याएको नेदरल्यान्ड्स ऐतिहासिक जित नजिक पुगेर झिनो अन्तरले पराजित हुन पुगेको हो ।

म्याक्स ओडाउड एक, वेस्ली ब्रेसी दुई, बास डि लिडे १६ र लोगन भान विकले २८ रन बनाए । पाकिस्तानका डेब्यू खेल खेलेका तीव्र गतिका बलर नसिम शाहले १० ओभरमा ५१ रन खर्चेर ३ विकेट लिए । हरिस रौफले १० ओभरमा १ मेडनसहित ६७ रन खर्चेर ३ विकेट लिए । मोहम्मद वासिम र मोहम्मद नवाजले एक एक विकेट लिए ।

त्यसअघि रोटरडममा टस जितेर पहिला ब्याटिङ थालेको पाकिस्तानले निर्धारित ५० ओभरमा ६ विकेट गुमाउँदै ३ सय १४ रन बनायो । पाकिस्तानका ओपनर फखार जमानले १ सय ९ बलमा १२ चौका र १ छक्कासहित १ सय ९ रनको शतकीय इनिङ खेले । उनको यो ओडिआई करिअरको सातौ शतक हो ।

कप्तान बाबर आजम ८५ बलमा ६ चौका र १ छक्कासहित ७४ रनमा आउट भए । दोस्रो विकेटका लागि बाबर र जमानले १ सय ६८ रनको सानदार शतकीय साझेदारी गरेका थिए । तल्लोक्रममा सादब खान २८ बलमा ४ चौका र २ छक्कासहित ४८ रनमा अविजित रहे ।

ईमाम उल हक २, मोहम्मद रिजवान १४, खुशदील शाह २१ र मोहम्मद नवाज ४ रनमा आउट भए । सलमान अली अघा १६ बलमा ३ चौकासहित २७ रनमा अविजित रहे ।

नेदरल्यान्ड्सका लोगन भान बीक र बास डी लिडेले दुई दुई विकेट लिए । आइसिसी क्रिकेट विश्वकप सुपर लिगको लागि पाकिस्तान तीन ओडिआई खेलको सिरिजको लागि नेदरल्यान्ड्स पुगेको छ । दोस्रो खेल बिहीबार र तेस्रो खेल आइतबार हुनेछ ।

सुपर लिगका भारत बाहेक शीर्ष सात टोली सोझै विश्वकप खेल्नेछन् । बाँकी पाँच पुछारका टोलीले ग्लोबल विश्वकप छनोट खेल्नुपर्ने हुन्छ । सुपर लिगमा १२ टेस्ट टोली र नेदरल्यान्ड्स रहेका छन् ।

April 19, 2024

नेपाललाई हराउँदै यूएई प्रिमियर कपको फाइनलमा

मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]

April 19, 2024

बागमती प्रदेशको दोस्रो जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]

April 19, 2024

फाइनल पुग्न यूएईलाई नेपालको सामान्य लक्ष्य

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]

Success

Thank you for your time.