सुरज भण्डारी, टेक्सस (अमेरिका)

गैर आवासीय नेपाली संघ,राष्ट्रिय समन्वय परिषद् अमेरिका र साथी बाल्टिमोरको आयोजनामा सेप्टेम्बर ३ देखि सेप्टेम्बर ६ सम्म मेरिल्याण्ड राज्यको बाल्टिमोरमा रुप स्मृति तथा साथी कप क्रिकेट प्रतियोगिता हुने भएको छ ।

प्रतियोगितामा अमेरिकाको विभिन्न राज्य तथा शहरमा रहेका क्रिकेट क्लबहरुको सहभागिता रहनेछ । संघका सचिव अनुप खनालका अनुसार प्रतियोगितामा मेरिल्याण्ड ग्राब्स, ल्यान्काष्टर क्रिकेट क्लब,फार वेर्ष्टन क्रिकेट क्लब,बोस्टन अल स्टार्स,एभरेष्ट लायन क्रिकेट क्लब,साथी बाल्टिमोर क्रिकेट क्लब , रियुनियन क्रिकेट क्लब र बाल्टिमोर एथलेटिक क्लबको सहभागिता रहनेछ ।

सहभागि क्लबहरुलाई २ समूहमा विभाजन गरी प्रतियोगिता संचालन हुनेछ । राउन्ड रोविनका आधारमा हुने समूह चरणको खेलपछि शीर्ष २ टोली प्रतियोगिताको फाइनलमा पुग्नेछन् । टि २० प्रतियोगिताको विजेताले ३ हजार ५ सय र दोस्रो हुने टोलीले २ हजार अमेरिकी डलर प्राप्त गर्नेछन् ।

संघले भारोत्तोलनका पूर्व अन्तराष्ट्रिय पदक विजेता रुप कार्कीको स्मृतिमा प्रतियोगिता संचालन गर्न लागेको हो । संघले यस अघि नेपाली राष्ट्रिय क्रिकेट टोलीको सहभागिता सहितको एनआरएनए एनसिसी क्रिकेट प्रतियोगितामा मुख्य प्रायोजन गरेको थियो ।