default_image

2 years ago

September 2, 2022

हङकङलाई ३८ रनमा अल आउट गर्दै पाकिस्तान सुपर फोरमा

एजेन्सी – पाकिस्तानले सानदार बलिङ प्रदर्शन गर्दै हङकङलाई ३८ रनमा अल आउट गर्दै १ सय ५५ रनको फराकिलो अन्तरले हराउँदै टि२० एसिया कप २०२२ को सुपर फोरमा स्थान बनाएको छ । योसँगै टि२० एसिया कप २०२२ को सुपर फोरमा पुग्ने चार टोलीको निर्धारण लागेको छ । जितको लागि १ सय ९४ रनको विशाल विजयी लक्ष्य […]

104 views

0 Bookmark

एजेन्सी – पाकिस्तानले सानदार बलिङ प्रदर्शन गर्दै हङकङलाई ३८ रनमा अल आउट गर्दै १ सय ५५ रनको फराकिलो अन्तरले हराउँदै टि२० एसिया कप २०२२ को सुपर फोरमा स्थान बनाएको छ । योसँगै टि२० एसिया कप २०२२ को सुपर फोरमा पुग्ने चार टोलीको निर्धारण लागेको छ ।

जितको लागि १ सय ९४ रनको विशाल विजयी लक्ष्य पछ्याएको हङकङ १०.४ ओभरमा ३८ रनमा अल आउट भयो । हङकङका कप्तान निजाकत खानले १३ बलमा १ चौकासहित सर्वाधिक ८ रन बनाए । किन्चित शाहले १० बलमा १ चौकासहित ६ रन बनाए । प्रमुख ब्याटर बाबर हयात शून्यमा आउट भए ।

हङकङको यो टि२० आईमा यो सबैभन्दा कम योगफल हो । यसअघि २०१४ को टि२० विश्वकपमा नेपालसँग ६९ रनमा भएको अल आउट सबैभन्दा कम योगफल रहँदै आएको थियो । त्यस्तै पाकिस्तानको यो टि२० आईमा सर्वाधिक ठूलो अन्तरको जित हो । यसअघि पाकिस्तानले टि२० आईमा सर्वाधिक ठूलो जित वेस्टइन्डिजविरुद्ध २०१८ मा १ सय ४३ रन थियो ।

पाकिस्तानका स्पिनर शादब खानले २.४ ओभरमा ८ रन खर्चेर ४ विकेट लिए । मोहम्मद नवाजले २ ओभरमा ५ रन खर्चेर ३ विकेट लिए । तीव्र गतिका बलर नसिम शाहले २ ओभरमा ७ रन खर्चेर २ विकेट लिए ।

त्यसअघि शारजाह क्रिकेट स्टेडियमा टस हारेर पहिला ब्याटिङ थालेको पाकिस्तानले निर्धारित २० ओभरमा २ विकेट गुमाउँदै १ सय ९३ रन बनाएको थियो । पाकिस्तानका ओपनर मोहम्मद रिजवानले ५७ बलमा ६ चौका र १ छक्कासहित सर्वाधिक ७८ रनमा अविजित रहे ।

खुशदील शाह १५ बलमा ५ छक्कासहित ३५ रनमा अविजित रहे । अन्तिम ओभरमा तीव्र गतिका बलर एजाज खानलाई खुशदील शाहले चारछक्कासहित कुल २९ रन जोड्दै पाकिस्तानलाई विशाल योगफलमा पुयाए ।

खानले पहिलो र दोस्रो बल लगातार डट राखे । त्यसपछि भने उनी सम्हालिन सकेनन् । उनले तेस्रो बलमा छक्का, चौथो बलमा वाइडसहित पाँच रन खर्चिए ।

त्यसपछि लगातार तीन छक्का खर्चिदै अन्तिम चार बलमा कुल २९ रन दिए । तेस्रो विकेटका लागि खुशदील र रिजवानले २३ बलमा ६४ रनको साझेदारी गरेका थिए ।

दोस्रो विकेटका लागि जमान र रिजवानले ८१ बलमा १ सय १६ रनको शतकीय साझेदारी गरेका थिए । जमान ४१ बलमा ३ चौका र २ छक्कासहित ५३ रनमा आउट भए । कप्तान बाबर आजम स्पिनर एहसान खानको तेस्रो ओभरको पाँचौं बलमा ९ रनमा कटएण्ड बोल्ड आउट भए ।

हङकङका एहसान खानले ४ ओभरमा २८ रन खर्चेर २ विकेट लिए । समूह ए बाट भारत दुबै खेलमा जितका साथ सुपर फोरमा स्थान बनाएको छ । पाकिस्तान दोस्रो स्थानमा रहँदै सुपर फोरमा स्थान बनायो ।

समूह बी बाट अफगानिस्तान शीर्ष र श्रीलंका दोस्रो स्थानमा रहँदै सुपर फोरमा स्थान बनाएका थिए । सुपर फोरमा यी चार टोलीबीच एकअर्कामा प्रतिस्पर्धा हुनेछ । हरेक टोलीले एक अर्काबीच खेलेपछि शीर्ष दुई टोली फाइनल पुग्नेछन् ।

April 19, 2024

नेपाललाई हराउँदै यूएई प्रिमियर कपको फाइनलमा

मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]

April 19, 2024

बागमती प्रदेशको दोस्रो जित

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]

April 19, 2024

फाइनल पुग्न यूएईलाई नेपालको सामान्य लक्ष्य

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]

Success

Thank you for your time.