2 years ago
September 7, 2022
काठमाडौं (हाम्रो खेलकुद) – युवा विकेटकिपर अर्जुन साउदले बिहीबारदेखि काठमाडौंमा सुरुहुने नवौं राष्ट्रिय खेलकुद अन्तर्गत पुरुष प्रतियोगिता त्रिभुवन आर्मी क्लबबाट खेल्ने भएका छन् ।
आर्मीले विनोद भण्डारीको कप्तानीमा टोली घोषणा गर्दा सुदूरपश्चिमका अर्जुन साउदलाई टोलीमा राखेको छ । अर्जुनले दुई साता अघि मात्र नेपाली क्रिकेट टोलीमा डेब्यू गरेका थिए । सुदूरपश्चिमबाट घरेलु क्रिकेट खेल्दै यू१९ हुँदै नेपाली क्रिकेट टोलीमा परेका थिए ।
अर्जुनले केन्यासँग टि२० आईमा डेब्यू गर्दै ३५ रन बनाएका थिए । त्यसपछि ६ र २९ रनमा आउट भए । केन्यासँग तीन एकदिवसिय अभ्यास खेलमा नेपाललाई क्लिनस्विपको जित दिलाउन अर्जुनले ६१, ५ र ५८ रनको इनिङ खेलेका थिए ।
त्यस्तै बागमती प्रदेशका आक्रामक ब्याटर सोनु तामाङले पनि आर्मीबाट खेल्ने भएका छन् ।
सोनु गतवर्ष आर्मीमा भएपनि बागमती प्रदेशले उनलाई अनुमती पत्र नपाएपछि खेल्न पाएका थिएनन् । त्यसैले आर्मीले पहिलो खेलमा १० खेलाडीमा सिमित हुनु परेको थियो । आर्मीमा विनोदसँगै कुशल मल्ल, रोहित पौडेल, सोमपाल कामी, अर्जुन साउद लगायतका खेलाडी छन् ।
यसअघि आर्मीले सोमपाल कामीलाई ओपनरको रुपमा खेलाएको थियो । यस पटक अर्जुनलाई ओपनर खेलाउनेछ । प्रतियोगिता भदौ २३ देखि ३१ सम्म हुनेछ । आर्मी समूह ए मा छ । समूह ए मा आर्मी, मधेश प्रदेश, लुम्बिनी, कर्णाली, गण्डकी र नेपाल पुलिस क्लब छन् ।
समूह बी मा एनआरएनए नेपाल, बागमती प्रदेश, सुदूरपश्चिम प्रदेश, प्रदेश नम्बर १ र नेपाल एपिएफ क्लब छन् । आर्मीले पहिलो खेल शुक्रबार मुलपानी मैदानमा कर्णालीसँग खेल्दै सुरुवात गर्नेछ ।
आर्मीको टोली :
विनोद भण्डारी (कप्तान तथा विकेटकिपर), रोहित पौडेल, भीम सार्की, राजेश पुलामी मगर, हरि चौहान, कुशल मल्ल, अर्जुन साउद, सोनु तामाङ, सोमपाल कामी, सुशान भारी, साहब आलम, जितेन्द्र मुखिया, रमेश भट्ट र आकाश चन्द ।
प्रशिक्षक : चन्द्र साउद
व्यवस्थापक : इन्द्र कमल मानन्दर ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]