2 years ago
September 7, 2022
एजेन्सी – पाकिस्तानका कप्तान बाबर आजम टि२० एसिया कप २०२२ को सुपर फोरमा अफगानिस्तानविरुद्ध गोल्डेन डक आउट भएका छन् ।
तीव्र गतिका बलर फजलहक फारुकीले पहिलो ओभरको दोस्रो बलमै बाबर आजमलाई एलबीडब्लू आउट गर्दै पेभेलिएन फर्काए । जितको लागि १ सय ३० रनको विजयी लक्ष्य पछ्याएको पाकिस्तानले पहिलो ओभरमा एक विकेट गुमाउँदै ६ रन बनाएको छ ।
पाकिस्तानका मोहम्मद रिजवान १ र फखार जमान ५ रनमा क्रिजमा छन् । त्यसअघि शारजाहमा टस हारेर पहिला ब्याटिङ थालेको अफगानिस्तानले निर्धारित २० ओभरमा ६ विकेट गुमाउँदै १ सय २९ रन बनायो । अफगानिस्तानका कप्तान मोहम्मद नाबी पनि गोल्डेन डक आउट भएका थिए । नाबीलाई नसिम शाहले बोल्ड गरेका थिए ।
अफगानिस्तानका इब्राहिम जद्रानले ३७ बलमा २ चौका र १ छक्कासहित सर्वाधिक ३५ रन बनाए । पहिलो विकेटका लागि हज्रातुल्लाह जजाई र रहमानुल्लाह गुरबाजले ३.५ ओभरमा ३६ रनको साझेदारी गर्दै राम्रो सुरुवात दिलाएका थिए । हरिस रौफले गुरबाजलाई १७ रनमा बोल्ड गर्दै पहिलो सफलता दिलाए ।
उनले ११ बलमा २ छक्का हाने । अर्को ओमरमा जजाईलाई मोहम्मद हसनैनले २१ रनमा बोल्ड गरे । जजाईले १७ बलमा ४ चौका प्रहार गरे । त्यसपछि अफगानिस्तान खेलमा फर्किन सकेन ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]