2 years ago
September 8, 2022
काठमाडौं (हाम्रो खेलकुद) – राष्ट्रिय क्रिकेट टोलीका कप्तान सन्दीप लामिछानेविरुद्ध लागेको आरोपका बारेमा अन्तर्राष्ट्रिय क्रिकेट परिषद् (आइसिसी) ले गम्भिर चासो राखेको छ । नेपाल क्रिकेट संघ (क्यान) का कार्यवहाक महासचिव प्रशान्त विक्रम मल्लले आइसिसीका शीर्ष अधिकारीले नै बारम्बार सन्दीपविरुद्धको उजुरीको विषयमा चासो लिएको बताएका छन् ।
‘आइसिसीको टप अथोरिटीबाट बारम्बार बुझ्ने काम भएको छ । मैले यहाँको अवस्थाको बारेमा जानकारी दिएको छु । उहाँहरुले के भएको हो भन्ने बुझ्न चाहनुभएको थियोे,’ कीर्तिपुरस्थित त्रिवि मैदानमा बिहीबार सुरु भएको नवौ राष्ट्रिय खेलकुदअन्तर्गत क्रिकेटको उद्घाटनका दौरान मल्ले भने भने,‘ मैले यहाँको अवस्था जानकारी दिएको छु । यो मुद्दामा के हुन्छ भन्ने उहाँहरुले चासो राख्नुभएको हो । नाबालिग किशोरीलाई बलत्कार गरेको भन्ने जाहेरी परेको बताए । उहाँहरु पनि यसमा सिरिसय हुनुहन्छ ।’
भदौ ५ गते राती एक होटल मा आफू माथि पटक पटक बलत्कार गरेको भन्दै १७ वर्षे किशोरले मंगलबार किटानी जाहेरी दिएको उल्लेख गर्दै नेपाल प्रहरीले अनुसन्धान अघि बढाएको जनाएको थियो । सन्दीप सिपिएल खेल्ने क्रममा वेस्ट इन्डिजमा छन् ।
के भन्छन् सन्दीप ?
क्यानका कार्यवहाक सचिव मल्लले बुधबार राती सन्दीपसँग सम्पर्क भएको बताएका छन् । ‘क्यानकोतर्फबाट मैले नै उनलाई सम्पर्क गरेको थिए । तिमीविरुद्ध उजुरी परेको छ । युवतीले बलत्कारको आरोप लगाएकी छन् भने । मैले थाहा पाएको छु भने । मेरो संलग्नता छैन भन्ने उनको भनाई थियो,’ मल्लले अगाडि भने, तिम्रोविरुद्ध मुद्दा नै परिसक्यो भने । यसमा क्यानले कानुनी उपचारका लागि सहयोग गर्नुपर्यो भन्ने उनको आग्रह थियो । प्रतिष्ठित वकिल हाएर गर्दिनुपर्यो भन्ने उनको कुरा थियो ।’
मल्लले आफूले अब सन्दीपलाई फर्कनुपर्ने होला भनेको पनि बताएका छन् । मल्लले भने ‘उनले सिपिएल भ्याएर मात्र फर्कन्छु भने ।’ अनि तिम्रो टिमलाई यहाँको विषयमा थाहा छ भनेर पनि आफूले जिज्ञासा राखेको मल्लेले बताए । मल्लले थपे ‘सन्दीपले टिमले पनि थाहा पाएको र उनीहरुले त्यस्तो केहि समस्या छैन भनेको सुनाए ।’
के भन्छ क्यान ?
सन्दीपका विषयमा नेपाल प्रहरीले औपचारिक रुपमा केहि नभनेको पनि कार्यवहाक सचिव मल्ले बताए । हाम्रो खेलाडी हो । अपराध गरेको छ भने ढाकछोप र बचाउ गरिन्न,’ मल्लले भने,‘ अपराधी हो भने पनि राज्यको कानुन अनुसार उपचार खोज्ने उसको अधिकार हो । हामी अभिभावक हौं । उसको लागि क्यानले वकिल खोज्दिने सहजीकरण गर्छ । बाँकी वकिलले गर्ने काम हो ।’
प्रहरीले सन्दीपविरुद्ध मुद्दा दर्ता गरिनसकेकोले क्यानले कुनै कदम नचालेको पनि मल्लले प्रष्ट पारे । ‘पुलिसमा जोहरी परेको छ। अनुसन्धान गरिरहेको छ । पुलिसले मुद्दा दर्ता गरेको छैन । त्यसकै आधारमा बर्खास्त गर्दा भोली केस अघि बढाएन र फेक रैछ भने त्यो हतारको निर्णय हुनेछ,’ उनले भने,‘ त्यसैले हामी पर्ख र हेरको अवस्थामा छौं । हामी पुलिसको समन्वयमा छौं । हिजो गएर भेट्यौं । उहाँहरुले पनि प्रारम्भिक अनुसन्धान भइरहेको छ भन्नुभयो । कानुनी प्रक्रिया जसरी अघि बढ्छ त्यसरी नै क्यान अघि बढ्छ ।’
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]