काठमाडौं (हाम्रो खेलकुद) – विश्व क्रिकेटकै उत्कृष्ट मध्यका तीव्र गतिका अस्ट्रेलियन बलर ब्रेट ली नेपाल आइपुगेका छन् । नेपाल टि २० लिगको दुतका रुपमा उनी नेपाल आइपुगेको बुझिएको छ ।

क्यानका जनरल म्यानेजर वृत्तान्त खनालले आफ्नो व्यक्तिगत सामाजिक संजालमा लीलाई त्रिभुवन अन्तर्राष्ट्रिय विमानस्थलमा स्वागत गरेको तस्विर सार्वजनिक गरिसकेका छन् । तर यो समाचार तयार पार्दासम्म क्यानले यसबारे कुनै अधिकारिक जानकारी दिएको छैन । ली आउनेबारे यसअघि नै चर्चा रहेपनि संचारमाध्यमले सोध्दा क्यानले एकैपटक घोषणा गर्ने बताएको थियो ।

ली आउने कार्यक्रम आम समर्थकहरुलाई पनि चासोको विषय रहने अनुमानका साथ उनको आगमनबारे सोध्दा क्यानले कुनै जवाफ दिएको थिएन । तर जनरल म्यानेजरले भने आफ्नो फेसबुकमा एक समर्थकको रुपमा सपना पूरा भएको लेखेका छन् । उनले क्यानलाई पनि धन्यवाद दिएका छन् ।

ली नेपाल टि२० को दुतको रुपमा नेपाल आएको बुझिएको छ । यसबारे क्यानले केहि दिनमा नै कार्यक्रम गर्ने तयारी गरेको छ । क्यान आफैंले निकै गोप्य राख्ने भन्दै संचारमाध्यमलाई पनि एकैपटक औपचारिक घोषणामा सार्वजनिक गर्न आग्रह गरेको विषयलाई कर्मचारीले व्यक्तिगत रुपमा प्रयोग गर्नुले भने क्यानभित्र समन्वय अभाव कमी रहेको प्रष्ट देखिन्छ ।