default_image

1 week ago

May 10, 2024

आयरल्यान्डसँग पाकिस्तान स्तब्ध

771 views

0 Bookmark

एजेन्सी – आयरल्यान्डमा आज देखि सुरु भएको तीन खेलको टि-२० शृंखलाको पहिलो खेलमा घरेलु टोलीले पाकिस्तानलाई स्तब्ध बनाएको छ । कोल्नटार्फ क्रिकेट क्लब डब्लिनमा शुक्रबार भएको खेलमा आयरल्यान्डले पाकिस्तानलाई‌ ५ विकेटले हराएको हो ।

पाकिस्तानले दिएको १ सय ८३ रनको लक्ष्य आयरल्यान्डले १ बल बाँकी छँदा ५ विकेट गुमाएर भेट्टायो । १९औं ओभरमा सेट ब्याटर एन्ड्रयू बालबर्नी आउट भएपछि केही कठिन देखिएको अवस्थाबाट क्रिजमा आएका कर्टिस क्याम्फरले आयरल्यान्डलाई जित दिलाए । पहिलो बलमा नै चौका प्रहार गरेका उनले अन्तिम ओभरमा पनि ११ रन चाहिएको अवस्थामा अर्को २ चौका प्रहार गर्दै जित दिलाए ।

बालबर्नीले ५५ बलमा सर्वाधिक ७७ रन बनाए । ह्यारी टेक्टरले २७ बलमा ३६ रन जोड्दा जर्ज डकरेलले २४ रन बनाए । क्यामफर ७ बलमा १५ रन बनाउँदै नटआउट रहे ।

पाकिस्तानका लागि अब्बास अफ्रिदीले २ विकेट लिए ।शाहिन अफ्रिदीले, नसीम शाह र इमाद वासिमले १-१ विकेट लिए ।

त्यसअघि टस हारेर ब्याटिङ गरेको पाकिस्तानले २० ओभरमा ६ विकेटको क्षतिमा १ सय ८२ रन जोड्यो । पाकिस्तानका कप्तान बाबर आजमले ४३ बलमा सर्वाधिक ५७ रन बनाए । सैम अयुबले ४५ रन बनाए । इफ्तिकर अहमदले ३७ रन जोडे ।

आयरल्यान्डका लागि क्रेज योङले २ तथा मार्क एडेयर र ग्यारेथ डिलेनीले १-१ विकेट लिए ।

शृंखलाको दोस्रो खेल आइतबार हुनेछ ।

आयरल्यान्ड र पाकिस्तान आउँदो टि ट्वान्टी विश्वकपमा एकै समूहमा छन् । यी दुई टोली रहेको समूह ए मा भारत, क्यानडा र अमेरिका पनि छन् ।

May 20, 2024

सानदार जितसहित पुल्चोक शीर्ष स्थानमा

काठमाडौं (हाम्रो खेलकुद) – स्पोर्ट्स एकेडेमी साँगा माथि फराकिलो जित दर्ता गर्दै पुल्चोक स्पोर्ट्स क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्समा सोमबार भएको खेलमा पुल्चोकले साँगा माथि ५-१ को फराकिलो जित दर्ता गरेको हो । पुल्चोकका लागि सिरव लो तामाङले २ गोल गरे भने सागर थिङ, सुमन श्रेष्ठ […]

May 20, 2024

कोलकत्ता र राजस्थान बीचको खेलमा वर्ष बाधक

एजेन्सी – इंडियन प्रिमियर लिग (आईपिएल) सिजनको राउण्ड रोबिन चरण अन्तर्गतको अन्तिम खेलमा वर्षा बाधक बनेको छ । कोलकत्ता नाईट राइडर्स र राजस्थान रोयल्स बीचको खेल वर्षाका कारण एक बल पनि नखसिकन रद्द भएपछि राजस्थानले तेस्रो स्थानमा चित्त बुझाउनु पर्नेछ छ । कोलकत्ताले यस खेल अघि शीर्ष स्थानमा रही प्लेअफमा स्थान बनाइसकेको थियो । तर […]

May 19, 2024

एनसीसीएस भ्याली कप क्रिकेट यसै महिना

काठमाडौं (हाम्रो खेलकुद) – भक्तपुर जिल्ला क्रिकेट संघले एनसीसी आमन्त्रित उपत्यकाव्यापी टि ट्वान्टी क्रिकेट प्रतियोगिता आयोजना गर्ने भएको छ । महिला र पुरुषको छुट्टाछुट्टै प्रतिस्पर्धा हुनेछ । शैक्षिक संस्था एनसीसीएस समूहसँग मिलेर भक्तपुरले जेठ १२ देखि १९ गते सम्म आयोजना गर्ने प्रतियोगितामा पुरुषतर्फ ६ एकेडेमी र महिलातर्फ ३ जिल्लाले सहभागिता रहने आइतबार पत्रकार सम्मेलनमार्फत जानकारी […]

Success

Thank you for your time.