default_image

2 years ago

September 8, 2022

१ हजार २१ दिनपछि कोहलीको कीर्तिमानी शतक

एजेन्सी – भारतीय क्रिकेट टोलीका ओपनर विराट कोहलीको १ हजार २१ दिनपछि आफ्नो पहिलो अन्तर्राष्ट्रिय शतक प्रहार गरेका छन् । कोहलीले तीन वर्षदेखिको खडेरीलाई तोड्दै टि२० एसिया कप २०२२ को सुपर फोर खेलमा अफगानिस्तानविरुद्ध सानदार कीर्तिमानी शतक हानेका छन् । कोहलीको शतकमा भारतले दुबई इन्टरनेशल क्रिकेट स्टेडियममा टस हारेर पहिला ब्याटिङ गर्दै निर्धारित २० ओभरमा […]

119 views

0 Bookmark

एजेन्सी – भारतीय क्रिकेट टोलीका ओपनर विराट कोहलीको १ हजार २१ दिनपछि आफ्नो पहिलो अन्तर्राष्ट्रिय शतक प्रहार गरेका छन् । कोहलीले तीन वर्षदेखिको खडेरीलाई तोड्दै टि२० एसिया कप २०२२ को सुपर फोर खेलमा अफगानिस्तानविरुद्ध सानदार कीर्तिमानी शतक हानेका छन् ।

कोहलीको शतकमा भारतले दुबई इन्टरनेशल क्रिकेट स्टेडियममा टस हारेर पहिला ब्याटिङ गर्दै निर्धारित २० ओभरमा २ विकेट गुमाउँदै २ सय १२ रन बनायो । विराट कोहली ६१ बलमा १२ चौका र ६ छक्कासहित १ सय २२ रनको सानदार अविजित शतकीय इनिङ खेले ।

कोहलीको यो टि२० आई करिअरको पहिलो शतक हो । भारतबाट टि२० आईमा एक खेलमा बनेको यो ब्यक्तिगत उच्च स्कोर समेत हो । यसअघि रोहित शर्माले २०१७ मा श्रीलंकाविरुद्ध १ सय १८ रनको शतकीय इनिङ खेलेका थिए । जुन भारतको टि२० आईमा उच्च योगफल रहँदै आएको थियो । गत जुलाईमा सूर्यकुमार यादवले इंग्ल्यान्डविरुद्ध १ सय १७ रनको शतकीय इनिङ खेलेका थिए ।

यो कोहलीको अन्तर्राष्ट्रिय करिअरको ७१ औं शतक हो । कोहलीले १९ औं ओभरको दोस्रो बलमा फरिद अहमदलाई छक्का हान्दै १ हजार २१ दिनपछि आफ्नो पहिलो अन्तर्राष्ट्रिय शतक पूरा गरेका थिए । कोहलीले ५३ बलमा आफ्नो टि२० आई करिअरको शतक पूरा गरेका थिए ।

जारी एसिया कपमा कोहलीले यसअघि हङकङ र पाकिस्तानविरुद्ध लगातार दुई अर्धशतक हानेका थिए । एसिया कप अघि भने खराब लयको कारण भारतले कोहलीलाई एक महिना विश्राम दिएको थियो ।

पछिल्लो समय कोहलीको चर्को आलोचना हुँदै आएको थियो । एक समय त कोहलीलाई टि२० विश्वकपबाट हटाउनु पर्ने माग समेत उठ्दै आएको थियो । तर कप्तान रोहित शर्माले साथ दिँदै आलोचकलाई कडा जवाफ दिँदै निरन्तरता दिएका थिए । तर एसिया कपबाट सानदार पूनरागमन गरेका छन् ।

कोहलीले पछिल्लो पटक शतक टेस्टमा सन् २०१९ नोभेम्बर २२ मा कोलकातामा बंगलादेशविरुद्ध १ सय ३६ रनको शतकीय इनिङ खेलेका थिए । त्यसपछि कोहलीले कुनैपनि शैलीमा शतक हान्न सकेका थिएनन् ।

कप्तान लोकेश राहुल ४१ बलमा ६ चौका र २ छक्कासहित ६२ रनमा आउट भए । रोहित शर्मालाई विश्राम दिँदा राहुलले भारतको कप्तानी गरेका छन् । पहिलो विकेटका लागि राहुल र कोहलीले १२.४ ओभरमा १ सय १९ रनको शतकीय साझेदारी गर्दै उत्कृष्ट सुरुवात दिलाएका थिए । भारत एसिया कपको फाइनल यात्राबाट भने बाहिरि सकेको छ ।

April 15, 2024

मुम्बईमाथि चेन्नईको जित

एजेन्सी – चेन्नई सुपर किंग्सले इन्डियन प्रिमियर लिग (आइपिएल) मा आइतबार मुम्बई इन्डियन्समाथि सानदार जित निकालेको छ । चेन्नईले मुम्बईलाई २० रनले हराएको हो । २ सय ७ रनको लक्ष्यको पछ्याएको मुम्बईले नटआउट रोहित शर्माको शतकका बावजुद २० ओभरमा ६ विकेटको क्षतिमा १ सय ८६ रन मात्र बनाउन सक्यो । रोहित र इशान शर्माले पहिलो […]

April 14, 2024

हङकङ साउदी अरबविरुद्ध स्तब्ध

मस्कट (हाम्रो खेलकुद) – ओमानमा जारी एसिसि प्रिमियर कपमा हङकङ साउदी अरेबिया विरुद्ध स्तब्ध भएको छ । समूह ए अन्तर्गत अल अमेरातमा भएको खेलमा हंगकंगलाई साउदीले ५५ रनको हार चखाएको हो । साउदीले दिएको २ सय ३ रनको विशाल लक्ष्य पछ्याएको हङकङ १८.५ ओभरमा १ सय ४७ रनमा समेटियो । हङकङका लागि कप्तान निजाकत खानले […]

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

Success

Thank you for your time.