काठमाडौं (हाम्रो खेलकुद) – नेपाल पुलिस क्लबका बायाँ हाते स्पिनर ललितनारायण राजवंशीले घुँडाको शल्यक्रियापछि उत्कृष्ट पूनरागन गरेका छन् । नवौं राष्ट्रिय खेलकुद अन्तर्गत क्रिकेट प्रतियोगितामा नेपाल पुलिस क्लबबाट ललितले कर्णालीविरुद्ध १० महिनापछि टियु मैदानमा पूनरागमन गरे ।

गतवर्ष पुषमा ललितले बायाँ खुट्टाको घुँडाको शल्यक्रिया भएको थियो । १० महिनापछि मैदान फर्किएका ललितले पहिलो खेलमै कर्णाली प्रदेशविरुद्ध ४ ओभरमा २० रन खर्चेर ३ विकेट लिँदै प्लेयर अफ द म्याच चुनिदै सानदार पूनरागमन गरे ।

‘अव पहिला देखिनै गरेको हो । अभ्यासहरु गर्दा नर्भह हटाउन खोजेको थिएँ । पहिलो पटक खेल खेलेको हुँदा अली अली नर्भस लागि राखेको थियो । ग्राउन्डको कन्डिसन पनि त्यस्तै थियो । पहिलो ओभरपछि सहज लाग्यो’, ललितले भने ।

ललितले पहिलो ओभरको पहिलो बलमै कर्णालीका कप्तान रविन्द्रजंग शाहीलाई चौका खर्चिए । त्यसपछि पाँचौं विपिन रावललाई १७ रनमा दीलिप नाथबाट स्टम्पिङ गराउँदै पुलिसलाई पहिलो सफलता दिलाए । ललितले १६ औं ओभरमा लगातार दुई विकेट लिए ।

ओपनर रविन्द्रजंग शाही तेस्रो बलमा एज लागेर कट एण्ड बोल्ड आउट गरे । रविन्द्रजंग शाही ४१ बलमा २७ रनमा आउट भए । लगत्तै अर्को बलमा मनिष थापालाई एलवीडब्लू आउट गर्दै ललित ह्याट्रिक नजिक पुगेका थिए । निश्चिल रावलले ह्याट्रिक बल सामना गर्दै विकेटबाट बचाएका थिए ।

ललितले दोस्रो खेलमा लुम्बिनी प्रदेशविरुद्ध ४ ओभरमा २१ रन खर्चेर ३ विकेट लिँदै पुलिसलाई ७६ रनको सहज जित दिलाए । ललितले सौरभ खनाललाई २४ रन र कृष्ण कार्कीलाई ६ रनमा बोल्ड आउट गरे । सन्दीप रजालीलाई ४ रनमा आरिफ शेखबाट क्याच गराएका थिए । लुम्बिनीका प्रमुख तीन विकेट लिएका थिए ।

‘कठिन भन्दापनि पहिलो मलाई विश्वास थियो । चाँडैनै मैदान फर्किर पहिला जस्तो प्रदर्शन गर्छु भन्नेमा मलाई विश्वास थियो । शल्यक्रियापछि कठिन धेरै थियो । दुखाई धेरै थियो । पछि गएर खेल्दा के कस्तो हुन्छ होला भन्ने लाग्थ्यो’, आफ्नो पूनरागमन बारे भने ।

ललितलाई सिनियर टोलीको दाबेदार खेलाडी मानिन्छ । अझ बायाँ हाते खेलाडी लगातार परिवर्तन हुँदा उनको सम्भावना बढी देखिन्छ । ललितलाई नवौं, नेपाल टि२० लिग हुँदै नेपाली टोलीमा फर्किने अवसर छ ।

‘मलाई लाग्छ म तयार छु । त्यहिँ भएर पनि म नवौं राष्ट्रिय खेल्नु भनेको थिएँ । मलाई थाहा हुन्छ म कुन स्टेजमा छु । पूर्ण रुपमा रिकभर भएको छु कै छैन भनेर खेल्छु भनेको थिएँ । मलाई विश्वास छ म सक्छु भनेको थिएँ । म भित्रको विश्वासले धेरै महत्वपूर्ण भूमिका खेल्छ । आफूले विश्वास राखेपछि रिकभर हुन्छ’, उनले भने ।

आइतबार खेल सकि रहँदा उनलाई जनकपुर रोयल्सले नेपाल टि२० लिगमा ड्राफ्टबाट अनुबन्ध गरेको थियो । भर्खर नेपाल टि२० लिगमा जनकपुरमा अनुबन्ध हुँदा कस्तो लागेको छ भन्ने प्रश्नमा उनले भने, ‘यो हजुरले भर्खर भन्नु भयो । मलाई त थाहा छैन । हजुरले भनेपछि खुसी लाग्यो । आगमी नेपाल टि२० लिगमा पनि यसरी नै जिताउने प्रयास गर्नेछु’, ललितले खुसी हुँदै भने ।

१० महिनापछि पूनरागमन, पहिलो खेलमै प्लेयर अफ द म्याच र नेपाल टि२० लिगमा अनुबन्धको खबरपछि खुसी हुँदै ललितले भने, ‘भित्रबाट यो खुसी कसरी देखाउने हो मलाई थाहा भएन । तर म एकदमै खुसी छु ।’

ललितले यो समयमा मैदान र अभ्यास बढी मिस गरेको बताए । म ७ महिनापछि त अभ्यास गर्न थाले । तर मैदानमा आएर खेल खेल्न धेरै मिस गरेको थिए ।

‘अप्रेशन शरीरिमा मैले पहिलो पटक गरेको थिए । त्यसले गर्दा मलाई थाहा थिएन । यो त कसैलाई नहोस् । कसरी रिकभर गर्न सक्छु होला भन्ने । दुई तीन महिना सकेपछि अव राम्रो गर्न सक्छु भन्ने थियो । मसँग रियाब गर्न आउने खेलाडीलाई सम्झाउँथे’, उनले भने ।

पूनरागनपछि ललितको भिडियो हेर्नुहोस् :