default_image

2 years ago

September 23, 2022

बाबर र रिजवानको विश्व कीर्तिमान

एजेन्सी – पाकिस्तानका कप्तान बाबर आजम र विकेटकिपर मोहम्मद रिजवानले दोस्रो टि२० आई खेलमा इंग्ल्यान्डलाई १० विकेटले हराउँदै नयाँ विश्व कीर्तिमान बनाएका छन् । बिहीबार राती पाकिस्तानले २ सय रनको विशाल लक्ष्य १९.३ ओभरमा कुनै विकेट नगुमाई पूरा गर्यो । बाबरले डेविड विल्लीलाई विजयी चौका हानेका थिए । बाबर र रिजवानबीच पहिलो विकेटका लागि २ […]

93 views

0 Bookmark

एजेन्सी – पाकिस्तानका कप्तान बाबर आजम र विकेटकिपर मोहम्मद रिजवानले दोस्रो टि२० आई खेलमा इंग्ल्यान्डलाई १० विकेटले हराउँदै नयाँ विश्व कीर्तिमान बनाएका छन् । बिहीबार राती पाकिस्तानले २ सय रनको विशाल लक्ष्य १९.३ ओभरमा कुनै विकेट नगुमाई पूरा गर्यो ।

बाबरले डेविड विल्लीलाई विजयी चौका हानेका थिए । बाबर र रिजवानबीच पहिलो विकेटका लागि २ सय ३ रनको अविजित साझेदारी भएको थियो । टि२० क्रिकेट इतिहासमा लक्ष्य पछ्याउँदा २ सय रनको साझेदारी कुनैपनि विकेटका लागि भएको सर्वाधिक ठूलो हो ।

बाबर र मोहम्मद रिजवानले यसअघि आफ्नै कीर्तिमान तोडेका हुन् । गतवर्ष दक्षिण अफ्रिकालाई हराउन बाबर र रिजवानले पहिलो विकेटका लागि १ सय ९७ रनको साझेदारी गरेका थिए । जुन कुनैपनि टि२० खेलमा लक्ष्य पछ्याउँदा गरेको सर्वाधिक ठूलो साझेदारी थियो । दक्षिण अफ्रिकाले दिएको २ सय ४ रनको विशाल लक्ष्य पाकिस्तानले १८ ओभरमै पूरा गरेको थियो । बाबरले टि२० आई करिअरको पहिलो शतक हान्नेक्रममा १ सय २२ रन जोडेका थिए ।

टि२० आई क्रिकेटमा हालसम्म ६ पटक २ सयमाथिको साझेदारी भएको छ । सबै पहिलो विकेटका लागि छन् । सर्वाधिक ठूलो साझेदारी अफगानिस्तानका हज्रतुल्लाह जजाई र उस्मान घानीले २०१९ मा पहिलो विकेटका लागि आयरल्यान्डविरुद्ध २ सय ३६ रनको साझेदारी गरेका थिए । पाकिस्तानबाट टि२० आईमा सर्वाधिक ठूलो साझेदारी हो ।

त्यस्तै पाकिस्तानको विश्व कीर्तिमानी जित हो । यो टि२० आई क्रिकेट इतिहासमा कुनै पनि विकेट नगुमाई पूरा गरेको यो सर्वाधिक ठूलो लक्ष्य हो । यसअघि १० विकेटको रुपमा सर्वाधिक ठूलो लक्ष्य न्युजिल्यान्डले २०१६ मा पाकिस्तानविरुद्ध १ सय ६९ रन पूरा गरेको थियो । पाकिस्तानको यो टि२० आईमा दोसो १० विकेटको जित हो । पाकिस्तानले गतवर्ष टि२० विश्वकपमा भारतलाई १० विकेटले हराएको थियो ।

पाकिस्तानका कप्तान बाबर ६६ बलमा ११ चौका र ५ छक्कासहित १ सय १० रनमा अविजित रहे । बाबरको टि२० आई करिअरको दोस्रो शतक हो । मोहम्मद रिजवान ५१ बलमा ५ चौका र ४ छक्कासहित ८८ रनमा अविजित रहे ।

त्यसअघि नेशनल स्टेडियम कराँचीमा टस जितेर पहिला ब्याटिङ थालेको इंग्ल्यान्डले निर्धारित २० ओभरमा ५ विकेट गुमाउँदै १ सय ९९ रन बनाएको थियो । इंग्ल्यान्डका कार्यवाहक कप्तान मोईन अली २३ बलमा ४ चौका र ४ छक्कासहित सर्वाधिक ५५ रनमा अविजित रहे ।

बायाँ हाते मध्यक्रमका ब्याटर बेन डकेटले २२ बलमा ७ चौकासहित ४३ रन जोडे । पाकिस्तानका शाहनवाज दाहनीले ४ ओभरमा ३७ रन खर्चेर २ विकेट लिए । हरिस रौफले ४ ओभरमा ३० रन खर्चेर २ विकेट लिए ।

७ टि२० आई खेलको सिरिज १–१ को बराबरीमा छ । पहिलो खेलमा इंग्ल्यान्ड ६ विकेटले विजयी भएको थियो । तेस्रो खेल शुक्रबार हुनेछ।

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

April 14, 2024

टि ट्वान्टी विश्वकप– अमेरिकामा जर्सी प्रि अर्डर गर्न सकिने

टेक्सस (हाम्रो खेलकुद) – अमेरिका र वेष्ट इन्डिजमा संयुक्त रुपमा हुने आइसीसी टि ट्वान्टी विश्वकपका लागि नेपाल क्रिकेट संघ (क्यान) ले केहि दिन गत साता काठमाडौंमा नेपाली टोलीले लगाउने जर्सी सार्वजनिक गरेको थियो । जुनको १ देखि २९ सम्म हुने टि ट्वान्टीमा नेपाली टोलीले लगाउने जर्सीको अमेरिकी विक्रि अधिकार केल्मी नेपालले एक्जोबी यूएसएलाई दिएको छ […]

Success

Thank you for your time.