default_image

2 years ago

September 23, 2022

पाकिस्तानमाथि इंग्ल्यान्डको सानदार जित

एजेन्सी – युवा ब्याटर ह्यारी ब्रुकको विष्फोटक ब्याटिङमा इंग्ल्यान्डले तेस्रो टि२० आई खेलमा पाकिस्तानमाथि ६३ रनको सानदार जित हात पारेको छ । योसँगै सात टि२० आई खेलको सिरिजमा इंग्ल्यान्डले २–१ को अग्रता लिएको छ । जितको लागि २ सय २२ रनको विशाल विजयी लक्ष्य पछ्याएको पाकिस्तानले निर्धारित २० ओभरमा ८ विकेट गुमाउँदै १ सय ५८ […]

81 views

0 Bookmark

एजेन्सी – युवा ब्याटर ह्यारी ब्रुकको विष्फोटक ब्याटिङमा इंग्ल्यान्डले तेस्रो टि२० आई खेलमा पाकिस्तानमाथि ६३ रनको सानदार जित हात पारेको छ । योसँगै सात टि२० आई खेलको सिरिजमा इंग्ल्यान्डले २–१ को अग्रता लिएको छ ।

जितको लागि २ सय २२ रनको विशाल विजयी लक्ष्य पछ्याएको पाकिस्तानले निर्धारित २० ओभरमा ८ विकेट गुमाउँदै १ सय ५८ रन बनायो । पाकिस्तानका शान मसुद ४० बलमा ३ चौका र ४ छक्कासहित सर्वाधिक ६६ रनमा अविजित रहे । उनको यो टि२० आई करिअरको पहिलो अर्धशतक हो । मसुद बाहेक अन्यको प्रदर्शन भने सम्झन लायक रहेन ।

पाकिस्तानको सुरुवात खराब रह्यो । चोटका कारण लामो समयपछि टोलीमा फर्किएका मार्कवुडको गति पाकिस्तानका ब्याटरले चाल पाउन सकेनन् । वुडको तेस्रो ओभरको चौथो बलमा ओपनर तथा कप्तान बाबर आजम थर्डम्यानमा ८ रनमा रिस टोप्लीबाट क्याच भएका थिए ।

हैदर अलीलाई वुडले ३ रनमा क्याच गराए । इफितखर अहमद साम करनको पाँचौं ओभरको तेस्रो बलमा ६ रनमा टोप्लीबाट क्याच आउट भए । रिस टोप्लीले मोहम्मद रिजवानलाई ८ रनमा बोल्ड गरेका थिए । २८-४ को दयनीय अवस्थामा पुगेको पाकिस्तानलाई पाँचौं विकेटका लागि खुशदील शाह र मसुदले ३८ बलमा ६२ रनको साझेदारी गरेका थिए ।

खुशदील शाहले २१ बलमा १ चौका र २ छक्कासहित २९ रन बनाए । इंग्ल्यान्डका मार्कवुडले ४ ओभरमा २५ रन खर्चेर ३ विकेट लिए । आदिल राशिदले ४ ओभरमा ३२ रन खर्चेर २ विकेट लिए । साम करन र रिस टोप्लीले एक एक विकेट लिए ।

त्यसअघि नेशनल स्टेडियम कराँचीमा टस हारेर पहिला ब्याटिङको निम्तो पाएको इंग्ल्यान्डले निर्धारित २० ओभरमा ३ विकेट गुमाउँदै २ सय २१ रन बनाएको थियो ।

इंग्ल्यान्डका २३ वर्षीय युवा ब्याटर ह्यारी ब्रुकले ३५ बलमा ८ चौका र ५ छक्कासहित सर्वाधिक ८१ रनमा अविजित रहे । ह्यारी ब्रुकले २४ बलमा अर्धशतक प्रहार गरेका थिए । उनको पहिलो अन्तर्राष्ट्रिय अर्धशतक समेत हो ।

त्यस्तै बेन डकेटले ४२ बलमा ८ चौका र १ छक्कासहित ७० रनमा अविजित रहे । उनको पनि यो पहिलो अर्धशतक हो । चौथो विकेटका लागि ब्रुक र डकेटले ६९ बलमा १ सय ३९ सानदार शतकीय अविजित साझेदारी गर्दै विशाल योगफलमा पुर्याए ।

डेब्यू खेल खेलेका ओपनर विल ज्याक्सले २२ बलमा ८ चौकासहित ४० रन जोड्दै उत्कृष्ट सुरुवात दिलाएका थिए । ओपनर फिलिप साल्ट ८ र डेविड मलान १४ रनमा आउट भए ।

पाकिस्तानका स्पिनर उस्मान कादिरले ४ ओभरमा ४८ रन खर्चेर २ विकेट लिए । पहिलो खेलमा इंग्ल्यान्ड ६ विकेट र दोस्रो खेलमा पाकिस्तान १० विकेटले विजयी भएका थिए । चौथो खेल आइतबार कराँचीमा हुनेछ ।

April 20, 2024

दिल्लीमाथि हैदरावादको सानदार जित

एजेन्सी – विष्फोटक ब्याटिङ प्रदर्शन सहित सनराईजर्स हैदरावादले इंडियन प्रिमियर लिग (आइपिएल) मा शनिबार दिल्ली क्यापिटल्स माथि फराकिलो जित दर्ता गरेको छ । हैदरावादले दिल्लीमाथि उसैको मैदानमा ६७ रनको सानदार जित निकालेको हो। टस हारेर पहिला ब्याटिङको निम्तो पाएको हैदरावादले उत्कृष्ट ब्याटिङ सहित २० ओभरमा ७ विकेट गुमाउँदै २ सय ६६ रनको विशाल योगफल खडा […]

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 20, 2024

दीपेन्द्रको ब्याटिङमा नेपालको प्रतिस्पर्धात्मक योगफल

मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले प्रतिस्पर्धात्मक योगफल खडा गरेको छ । पछिल्लो खेलमा खराब ब्याटिङ प्रदर्शन गरेको नेपालले आज निर्धारित २० ओभरमा ८ विकेट गुमाउँदै १३९ रन बनाएको हो ।  टस जितेर पहिला ब्याटिङ रोजेको नेपालका लागि दीपेन्द्र सिंह ऐरीले २९ बलमा ४ चौका र ३ […]

Success

Thank you for your time.