default_image

2 years ago

October 11, 2022

टि२० विश्वकपका ६ उत्कृष्ट क्षण

क्रिकेट अनिश्चितताको खेल हो । एक बल वा एक रनले पनि हार र जित निर्धारण हुन्छ । खेलको क्रममा कहिलेकाहीँ यस्ता घटना हुन्छन् जुन पत्याउन मुस्किल पर्छ । त्यस्ता क्षणले खेलमा झनै रोमान्चक थप्छ । त्यसैले अन्तिम बल र विकेट अघि क्रिकेटमा केहि भन्न सकिदैन । क्रिकेटमा थुप्रै अप्रत्याशित र अविष्मरणीय क्षण छन् । जसले […]

56 views

0 Bookmark

क्रिकेट अनिश्चितताको खेल हो । एक बल वा एक रनले पनि हार र जित निर्धारण हुन्छ । खेलको क्रममा कहिलेकाहीँ यस्ता घटना हुन्छन् जुन पत्याउन मुस्किल पर्छ । त्यस्ता क्षणले खेलमा झनै रोमान्चक थप्छ । त्यसैले अन्तिम बल र विकेट अघि क्रिकेटमा केहि भन्न सकिदैन ।

क्रिकेटमा थुप्रै अप्रत्याशित र अविष्मरणीय क्षण छन् । जसले त्यो क्षणलाई झल्को दिन्छन् । टि२० विश्वकप सवैभन्दा लोकप्रिय क्रिकेट विश्वकपमा पर्छ । टि२० विश्वकप इतिहासमा थुप्रै उत्कृष्ट क्षण छन् । जुन यसै पत्याउन कठिन पर्छ । टि२० विश्वकप क्रिकेट इतिहासका ६ उत्कृष्ट क्षण यस प्रकार छन् ।

६. युवराज सिंहको ६ बलमा ६ छक्का

भारतीय अलराउन्डर युवराज सिंह टि२० विश्वकपमा ६ बलमा ६ छक्का हान्ने पहिलो खेलाडी हुन् । सन् २००७ को विश्वकपमा युवराज सिंहले इंग्ल्यान्डविरुद्ध ६ बलमा ६ छक्का हानेका थिए ।

युवराजसिंहले १९ औं ओभरमा तीव्र गतिका बलर स्टुअर्ट ब्रोडलाई लगातार ६ छक्का हानेका थिए । त्यसअघि युवराज र इंग्ल्यान्डका खेलाडीबीच केहि भनाभन भएको थियो । त्यो आक्रोश युजराजले छक्कामा बदलेका थिए ।

उक्त खेलमा युवराजले १२ बलमै अर्धशतक पूरा गरेका थिए । टि२० क्रिकेटमा हालसम्म पनि सर्वाधिक छिटो अर्धशतकको कीर्तिमान युवराजकै नाममा छ । ६ बलमा ६ छक्का भन्दा युवराजको नाम सधैं याद आउने गर्दछ । विश्वकपको उत्कृष्ट क्षणमा पर्दछ ।

गौतम गम्भीर ५८, विरेन्द्र सहभाग ६८ र युवराजले ५८ रन बनाएपछि भारतले ४ विकेट गुमाउँदै २ सय १८ रन बनाएको थियो । उक्त लक्ष्य पछ्याएको इंग्ल्यान्डले ६ विकेट गुमाउँदै २ सय रन बनाएको थियो ।

५. बंगलादेश र भारतबीचको नाटकीय ओभर– २०१६

घरेलु टोली भारतले कमजोर ब्याटिङका साथ २० ओभरमा ७ विकेट गुमाउँदै १ सय ४६ रन बनाएको थियो । उक्त लक्ष्य पछ्याउनेक्रममा बंगलादेशलाई जितको लागि अन्तिम ६ बलमा ११ रन चाहिएको थियो । अन्तिम तीन बलमा दुई रन बनाउन नसक्दा टोली एक रनले पराजित भयो ।

हार्दिक पान्ड्याले पहिलो बल महमुदुल्लाह रियादलाई एक रन दिए । हार्दिकको अफ साइडको दोस्रो बलमा मुश्फिकुरले कभरमा चौका प्रहार गरे । लगत्तै दीलस्कुप सट खेल्ने क्रममा धोनीबाट मिस हुँदा चौका भएको थियो । त्यसपछि मुश्फिकुरले खेल जितेझैं सेलेब्रेसन गरेका थिए ।

बंगलादेशसँग टि२० खेलमा भारतको पहिलो हार हुने धेरैले अनुमान गरेका थिए । तीन बलमा दुई रन मात्र चाहिएको थियो । तर कप्तान महेन्द्रसिंह धोनी र हार्दिकले अप्रत्याशित जित दिलाए । स्लो सर्ट बलमा मुश्फिकुर डिप मिडविकेटमा शिखर धवनबाट क्याच आउट भए ।

फुलटस बललाई डिप मिडविकेटमा छक्का हान्ने धुनमा महमुदुल्लाह जडेजाबाट क्याच भएपछि अन्तिम बलमा दुई रन चाहिएको थियो । अन्तिम बलमा अफ साइडको स्लोअर बललाई शुवागत होमले छुन नसक्दा मुश्ताफिजुरलाई धोनीले रन आउट गराउँदै अविश्वसनिय जित दिलाए ।

४. भारतविरुद्ध अफ्रिदीको उत्कृष्ट बलिङ – २०२१

गतवर्ष टि२० विश्वकपमा पाकिस्तानले पहिलो पटक भारतलाई १० विकेटले हरायो । विश्वकप इतिहासमा भारतलाई पहिलो पटक हराउन युवा तीव्र गतिका बलर शाहिन शाह अफ्रिदीले सानदार बलिङ गरेका थिए ।

अफ्रिदीले चौथो बलमै योर्करमा रोहित शर्मालाई शून्यमा एलबीडब्लू आउट गर्दै ड्रिम सुरुवात दिलाए । तेस्रो ओभरको पहिलो बलमै लोकेश राहुललाई बोल्ड गर्दै अफ्रिदीले उत्कृष्ट सुरुवात दिलाए । अफ्रिदीको त्यो सुरुवातले भारत खेलभर दबाबमा रह्यो । अफ्रिदीले १९ औं ओभरमा कोहलीलाई ५७ रनमा क्याच गराए । भारत ७ विकेट गुमाउँदै १ सय ५१ रन बनायो ।

उक्त लक्ष्य पाकिस्तानले १७.५ ओभरमा कुनै विकेट नगुमाई पूरा गर्यो । विकेटकिपर मोहम्मद रिजवान ५५ बलमा ६ चौका र ३ छक्कासहित ७९ रनमा अविजित रहे । कप्तान बाबर आजम ५२ बलमा ६ चौका र २ छक्कासहित ६८ रनमा अविजित रहे । यो खेल टि२० विश्वकपको एक उत्कृष्ट क्षणमा पर्दछ ।

३. माइकल हसीको विष्फोटक इनिङ– २०१०

पाकिस्तानले २०१० को टि२० विश्वकपको दोस्रो सेमिफाइनलमा अष्ट्रेलियालाई फाइनलमा पुग्न १ सय ९२ रनको लक्ष्य दिएको थियो । त्यो समय उक्त लक्ष्य विशाल मानिन्थ्यो । अकमल दाजुभाई कामरन र उमरले क्रमश: ५० र ५६ रन बनाएपछि विशाल लक्ष्य दिएको थियो ।

अष्ट्रेलिया एक समय १२.३ ओभरमा १०५–५ को कमजोर अवस्थामा थियो । अन्तिम १८ बलमा ४८ रन चाहिँदा हातमा ४ विकेट थियो । तर माइकल हसीले विष्फोटक ब्याटिङ गर्दै अविश्वसनिय जित दिलाए ।

अष्ट्रेलियालाई अन्तिम ६ बलमा १८ रन चाहिएको थियो । सैद अज्मलले पहिलो बल हसीलाई डट राखे । त्यसपछि लगातार दुई छक्का हाने । त्यसपछि चौका र छक्का हान्दै एक बल अगावै जित पक्का गराए । सातौं नम्बरका ब्याटर हसीले २४ बलमा ३ चौका र ६ छक्कासहित ६० रनको विष्फोटक इनिङ खेल्दै फाइनलमा पुर्याएका थिए ।

२. भारत र पाकिस्तानको खेलमा बल आउट–२००७

विश्वकप, पाकिस्तान र भारतबीच खेल अनि टाई । अन्तिम बलमा एक रन बनाउन नसक्दा बराबरी खेल । यस्तो क्षण कमै भेटिन्छ । त्यसै पनि पाकिस्तान र भारतबीचको खेल विश्वमै सर्वाधिक महत्वका साथ हेर्ने गरिन्छ ।

२००७ को विश्वकपमा भारत र पाकिस्तानबीचको खेल टाई भयो । १ सय ४२ रनको विजयी लक्ष्य पछ्याएको पाकिस्तानले ७ विकेट गुमाउँदै १ सय ४१ रन बनाएको थियो । जितका लागि अन्तिम ६ बलमा १२ रन आवश्यक थियो । मिस्बाह उल हकले श्रीसान्थलाई दोस्रो र चौथो बलमा दुई चौका हानेपछि अन्तिम दुई बलमा जितको लागि एक रन चाहिएको थियो ।

मिस्बाह पाँचौं बल डट खादा अन्तिम बलमा रन आउट भएपछि खेल टाई भएको थियो । त्यो समय अहिले जस्तो सुपर ओभर हुने थिएन । बल आउट अर्थात स्टम्पमा हानेर नतिजा निकालिन्थ्यो । बल आउटमा धोनीले चलाखीपूर्ण निर्णय लिए । आफ्ना प्रमुख बलरलाई दिएनन् । विरेन्द्र सहवाग स्पिन गर्दै स्टम्प ताके । उता पाकिस्तानका स्पिनर यासिर अराफातले बल स्टम्प बाहिर फाले ।

हरभजन सिंहले पनि स्टम्पमा लगाए । पाकिस्तानका मध्य गतिका बलर उमर गुल स्टम्प ताक्न नकसेपछि भारतको जित पक्का बनेको थियो । रोविन उथप्पाले स्टम्प ताक्दै जितको सेलिब्रेसन गरे । उनले टोपी निकालेर झुक्दै गरेको सेलेब्रेसन विशेष थियो । अफ्रिदीले स्टम्पमा हान्न नसक्दा बल आउटमा भारतले ३–० ले खेल जितेको थियो । यसै विश्वकपको रोमान्चक फाइनलमा पाकिस्तानलाई ५ रनले हराउँदै भारतले उपाधि जितेको थियो ।

१. जितका लागि कार्लोस ब्रेथवेटको चार छक्का – २०१६

२०१६ को विश्वकप फाइनमा कार्लोस ब्रेथवेटले बेन स्टोक्सलाई लगातार चार छक्का हान्दै वेस्टइन्डिजलाई दोस्रो पटक विश्वकप जिताएका थिए । जितको लागि १ सय ५६ रनको लक्ष्य । अन्तिम ओभरमा १९ रन आवश्यक । कार्लोस ब्रेथवेट र मार्लोन सामुएल्स क्रिजमा थिए । मार्लोन ८५ रनमा क्रिजमा हुँदा व्रेथवेटले उनलाई स्ट्राइक दिने धेरैले अनुमान गरेका थिए ।

तर बेन स्टोक्सलाई ब्रेथवेटले लगातार चार छक्का हान्दै विश्वकप उपाधि जिताए । फाइनल, त्यो दबाब र लगातार चार छक्का विश्वकप इतिहासकै उत्कृष्ट एक क्षणमा पर्दछ । उक्त खेलमा जो रुटले ३६ बलमा ७ चौकासहित सर्वाधिक ५४ रन बनाएका थिए ।

ड्वेन व्राभो र कार्लोस व्रेथवेटले तीन तीन विकेट लिएका थिए । वेस्टइन्डिजका मार्लोनले ६६ बलमा ९ चौका र २ छक्कासहित सर्वाधिक ८५ रन बनाएका थिए । ब्रेथवेट १० बलमा १ चौका र ४ छक्कासहित ३४ रनमा नटआउट रहे ।

April 14, 2024

हङकङ साउदी अरबविरुद्ध स्तब्ध

मस्कट (हाम्रो खेलकुद) – ओमानमा जारी एसिसि प्रिमियर कपमा हङकङ साउदी अरेबिया विरुद्ध स्तब्ध भएको छ । समूह ए अन्तर्गत अल अमेरातमा भएको खेलमा हंगकंगलाई साउदीले ५५ रनको हार चखाएको हो । साउदीले दिएको २ सय ३ रनको विशाल लक्ष्य पछ्याएको हङकङ १८.५ ओभरमा १ सय ४७ रनमा समेटियो । हङकङका लागि कप्तान निजाकत खानले […]

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

Success

Thank you for your time.