पोखरा (हाम्रो खेलकुद) – गण्डकी प्रदेशले नवौं राष्ट्रिय खेलकुद अन्तर्गत महिला क्रिकेट प्रतियोगितामा नेपाल एपिएफ क्लबलाई २७ रनको झिनो लक्ष्य दिएको छ ।

पोखरा रंगशालामा टस जितेर पहिला ब्याटिङ थालेको गण्डकी १८.२ ओभरमा २६ रन आउट भयो । गण्डकीकी कप्तान सृष्टी जैशीले १४ बलमा १ चौकासहित सर्वाधिक पाँच रन बनाइन् । गण्डकीका कुनैपनि खेलाडीले पाँच माथि रन बनाउन सकेनन् ।
ओपनर विन्दु मगर १७ बलमा ३ रन जोड्दै रन आउट भइन् ।

त्यो समय गण्डकी ५ ओभरमा ९-१ थियो । त्यसपछि लगातार विकेट गुमायो । सुमन विष्टले ओपनर सुजिता थापालाई ३ रनमा बोल्ड गरिन् । उनले सर्वाधिक १७ बल खेलिन् ।

सीमना केसी सर्वाधिक २१ बल खेल्दै ३ रनमै आउट भइन् । विकेटकिपर ज्यात्स्निका मरासिनी र शिला क्षेत्री दुबै डक आउट भइन् । उनलाई इन्दु बर्माले आउट गरेकी थिइन् ।

सृजना पौडेल र कुसुम गोदार दुई दुई रनमा आउट भइन् । शारदा गुरुङ र श्रेया शर्मा डक आउट भइन् । एपिएफकी इन्दु बर्माले ३ ओभरमा १ मेडनसहित ४ रन खर्चेर २ विकेट लिइन् । सुमन विष्ट, नेरी थापा, निशा भट्ट र सीता रानामगर एक एक विकेट लिए ।