2 years ago
October 13, 2022
पोखरा (हाम्रो खेलकुद) – नेपाल एपिएफ क्लबले नवौं राष्ट्रिय खेलकुद अन्तर्गत महिला क्रिकेट प्रतियोगितामा घरेलु टोली गण्डकीलाई ९ विकेटले पराजित गरेको छ । लगातार दोस्रो जितसँगै एपिएफ सेमिफाइनल नजिक पुगेको छ । जितको लागि २७ रनको विजयी लक्ष्य पछ्याएको एपिएफले २.२ ओभरमा १ विकेट गुमाउँदै पूरा गर्यो । एपिएफको जितमा इन्दु बर्मा ३ बलमा २ […]
पोखरा (हाम्रो खेलकुद) – नेपाल एपिएफ क्लबले नवौं राष्ट्रिय खेलकुद अन्तर्गत महिला क्रिकेट प्रतियोगितामा घरेलु टोली गण्डकीलाई ९ विकेटले पराजित गरेको छ । लगातार दोस्रो जितसँगै एपिएफ सेमिफाइनल नजिक पुगेको छ ।
जितको लागि २७ रनको विजयी लक्ष्य पछ्याएको एपिएफले २.२ ओभरमा १ विकेट गुमाउँदै पूरा गर्यो । एपिएफको जितमा इन्दु बर्मा ३ बलमा २ चौकासति ९ रनमा अविजित रहिन् ।
सीता रानामगर ५ बलमा २ चौकासहित सर्वाधिक १२ रनमा अविजित रहिन् । ज्योति पाण्डे ६ बलमा २ रनमा आउट भइन् । गण्डकी कप्तान सृष्टि जैशीले एक विकेट लिइन् ।
त्यसअघि पोखरा रंगशालामा टस जितेर पहिला ब्याटिङ थालेको गण्डकी १८.२ ओभरमा २६ रन आउट भएको थियो । गण्डकीकी कप्तान सृष्टी जैशीले १४ बलमा १ चौकासहित सर्वाधिक पाँच रन बनाइन् । गण्डकीका कुनैपनि खेलाडीले पाँच माथि रन बनाउन सकेनन् ।
ओपनर विन्दु मगर १७ बलमा ३ रन जोड्दै रन आउट भइन् । त्यो समय गण्डकी ५ ओभरमा ९-१ थियो । त्यसपछि लगातार विकेट गुमायो । सुमन विष्टले ओपनर सुजिता थापालाई ३ रनमा बोल्ड गरिन् । उनले सर्वाधिक १७ बल खेलिन् ।
सीमना केसी सर्वाधिक २१ बल खेल्दै ३ रनमै आउट भइन् । विकेटकिपर ज्यात्स्निका मरासिनी र शिला क्षेत्री दुबै डक आउट भइन् । उनलाई इन्दु बर्माले आउट गरेकी थिइन् ।
सृजना पौडेल र कुसुम गोदार दुई दुई रनमा आउट भइन् । शारदा गुरुङ र श्रेया शर्मा डक आउट भइन् । एपिएफकी इन्दु बर्माले ३ ओभरमा १ मेडनसहित ४ रन खर्चेर २ विकेट लिइन् । सुमन विष्ट, नेरी थापा, निशा भट्ट र सीता रानामगर एक एक विकेट लिए ।
एपिएफले पहिलो खेलमा बागमती प्रदेशलाई ४ विकेटले पराजित गरेको थियो । एपिएफ समूह ए मा २ खेलमा ४ अंकका साथ शीर्ष स्थानमा छ ।
एपिएफले तेस्रो खेलमा शनिबार मधेश प्रदेशसँग खेल्नेछ । गण्डकी प्रदेश तीन खेल्दै हारका साथ बाहिरिएको छ । गण्डकीले शनिबार बागमतीसँग खेल्नेछ ।
April 19, 2024
एजेन्सी – लखनउ सुपर जाइन्टले इन्डियन प्रिमियर लिग (आइपिएल) मा शुक्रबार चेन्नई सुपर किंग्सलाई ८ विकेटले हराएको छ । १ सय ७७ रनको विजय लक्ष्यसहित उत्रेको लखनउले कप्तान केएल राहुल र क्विन्टन डि ककको अर्धशतकसँगै १९ ओभरमा २ विकेटको क्षेतिमा १ सय ८० रन जोडेर जित निकालेको छ । डि कक र केएल राहुले पहिलो […]
April 19, 2024
एजेन्सी – नेपाली क्रिकेट टोलीले एसीसी इमर्जिङ टिम्स एसिया कपमा छनोट हुनका लागि शनिबार हङकङसँग प्रतिस्पर्धा गर्ने भएको छ । एसीसी प्रिमियर कपको दोस्रो सेमिफाइनलमा घरेलु टोली ओमानसँग शुक्रबार ५ विकेटले पराजित भएपछि हङकङको नेपालसँगको भेट पक्का भएको हो । फाइनल पुगेको ओमानले भने एसिया कपमा पुग्नको लागि आइतबार संयुक्त अरब इमिरेट्स (युएई)को सामना गर्नेछ […]
April 19, 2024
एजेन्सी – संयुक्त अरब इमिरेट्स (युएई) ले एसीसी प्रिमियर कपको उपाधिका घरेलु टोली ओमानको सामना गर्ने भएको छ । दोस्रो सेमिफाइनलमा शुक्रबार हङकङलाई ५ विकेटले हराउँदै ओमानले युएईसँगको फाइनल भेट पक्का गरेको हो । त्यसअघि नेपाललाई ६ विकेटले हराउँदै युएई फाइनलमा पुगेको थियो । हङकङविरुद्ध १ सय ३१ रनको लक्ष्य पछ्याएको ओमानले ४ बल बाँकी […]