सुदूरपश्चिमलाई मधेशको प्रतिस्पर्धात्मक लक्ष्य

पोखरा (हाम्रो खेलकुद) – मधेश प्रदेशले नवौं राष्ट्रिय खेलकुद अन्तर्गत महिला क्रिकेट प्रतियोगितामा सुदूरपश्चिम प्रदेशलाई ९२ रनको प्रतिस्पर्धात्मक लक्ष्य दिएको छ ।

पोखरा रंगशालामा टस जितेर पहिला ब्याटिङ थालेको मधेशले २० ओभरमा ९ विकेट गुमाउँदै ९१ रन बनायो । मधेशकी साना प्रविनले ४९ बलमा ३ चौकासहित सर्वाधिक ३५ रन बनाइन् । प्रविन बाहेक अन्यले राम्रो प्रदर्शन गर्न सकेनन् ।

ओपनर अनुराधा चौधरी शून्यमा आउट भइन् । गोमा आले २६ बलमा १ चौकासहित १० रनमा आउट भइन् । सरस्वती कुमारी, सन्तोषी चौधरी र पुष्पा फुँयाल एक एक रनमा आउट भइन् ।