default_image

2 years ago

October 13, 2022

राहुल र आश्विनको उत्कृष्ट प्रदर्शनको बाबजुद भारत पराजित

एजेन्सी – ओपनर लोकेश राहुल र स्पिनर रविचन्द्रन आश्विनको उत्कृष्ट प्रदर्शनको बाबजुदमा भारत अभ्यास खेलमा वेस्टर्न अष्ट्रेलिया–११ सँग ३६ रनले पराजित भयो । जितको १ सय ६९ रनको विजयी लक्ष्य पछ्याएको भारतले निर्धारित २० ओभरमा ८ विकेट गुमाउँदै १ सय ३२ रन बनायो । भारतका लोकेश राहुलले ५५ बलमा ९ चौका र २ छक्कासहित सर्वाधिक […]

77 views

0 Bookmark

एजेन्सी – ओपनर लोकेश राहुल र स्पिनर रविचन्द्रन आश्विनको उत्कृष्ट प्रदर्शनको बाबजुदमा भारत अभ्यास खेलमा वेस्टर्न अष्ट्रेलिया–११ सँग ३६ रनले पराजित भयो ।

जितको १ सय ६९ रनको विजयी लक्ष्य पछ्याएको भारतले निर्धारित २० ओभरमा ८ विकेट गुमाउँदै १ सय ३२ रन बनायो । भारतका लोकेश राहुलले ५५ बलमा ९ चौका र २ छक्कासहित सर्वाधिक ७४ रन बनाए ।

राहुल बाहेक अन्य ब्याटर नचल्दा विश्वकप अघि अभ्यास खेलमा भारत पराजित हुन पुगेको हो । ओपनर ऋषभ पन्त ९, दीपक हुडा ६, हार्दिक पान्ड्या १७, दीनेश कार्तिक १० र हर्षल पटेल २ रनमा आउट भए ।

वेस्टर्न अष्ट्रेलियाका लान्स मोरिसले ४ ओभरमा १ मेडनसहित २३ रन खर्चेर २ विकेट लिए । हामिश म्याकेन्जीले ४ ओभरमा २७ रन खर्चेर २ विकेट लिए । म्याथ्यु केलीले ४ ओभरमा २६ रन खर्चेर २ विकेट लिए । जेसन बेहरनर्डोफ र एन्ड्रयू टाईले एक एक विकेट लिए ।

त्यसअघि पर्थमा टस हारेर पहिला ब्याटिङ थालेको अष्ट्रेलिया–११ ले निर्धारित २० ओभरमा ८ विकेट गुमाउँदै १ सय ६८ रन बनाएको थियो । ओपनर निक होब्सनले ४१ बलमा ५ चौका र ४ छक्कासहित सर्वाधिक ६४ रनमा आउट भए ।

डार्सी शर्टले ३८ बलमा ४ चौका र २ छक्कासहित ५२ रनमा आउट भए । अन्य ब्याटरले भने राम्रो गर्न सकेनन् । म्याथ्यु केलीले ११ बलमा १ चौका र १ छक्कासहित १५ रनमा अविजित रहे । भारतका रविचन्द्रन आश्विनले ४ ओभरमा ३२ रन खर्चेर ३ विकेट लिए ।

हर्षल पटेलले ४ ओभरमा २७ रन खर्चेर २ विकेट लिए । अर्शदीप सिंहले ३ ओभरमा २५ रन खर्चेर १ विकेट लिए । भारतले आर्मअप खेल १७ अक्टोबरमा अष्ट्रेलिया र १९ अक्टोबरमा न्युजिल्यान्डसँग खेल्नेछ । भारतले २३ अक्टोबरमा पाकिस्तानसँग खेल्दै सुरुवात गर्नेछ ।

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

April 14, 2024

टि ट्वान्टी विश्वकप– अमेरिकामा जर्सी प्रि अर्डर गर्न सकिने

टेक्सस (हाम्रो खेलकुद) – अमेरिका र वेष्ट इन्डिजमा संयुक्त रुपमा हुने आइसीसी टि ट्वान्टी विश्वकपका लागि नेपाल क्रिकेट संघ (क्यान) ले केहि दिन गत साता काठमाडौंमा नेपाली टोलीले लगाउने जर्सी सार्वजनिक गरेको थियो । जुनको १ देखि २९ सम्म हुने टि ट्वान्टीमा नेपाली टोलीले लगाउने जर्सीको अमेरिकी विक्रि अधिकार केल्मी नेपालले एक्जोबी यूएसएलाई दिएको छ […]

Success

Thank you for your time.