default_image

2 years ago

October 15, 2022

टि२० विश्वकपमा सर्वाधिक रन बनाउन सक्ने पाँच खेलाडी

एजेन्सी – क्रिकेटमा समर्थकलाई बलिङ भन्दा ब्याटिङ बढी मनपर्छ । विकेट भन्दा चौका र छक्कामा समर्थकले धेरै आनन्द लिनसक्छन् । आइतबारदेखि अष्ट्रेलियामा टि२० विश्वकप सुरु हुँदैछ । सबै टोलीले आफ्नो अन्तिम टोली घोषणा गरेका छन् । विश्वस्टार ब्याटर आफ्नो उच्च प्रदर्शनमा विश्वकप उपाधि जिताउन चाहन्छन् । युवा खेलाडी विश्वकपमा सानदार प्रदर्शन गर्दै थप स्टार बन्नुको […]

52 views

0 Bookmark

एजेन्सी – क्रिकेटमा समर्थकलाई बलिङ भन्दा ब्याटिङ बढी मनपर्छ । विकेट भन्दा चौका र छक्कामा समर्थकले धेरै आनन्द लिनसक्छन् । आइतबारदेखि अष्ट्रेलियामा टि२० विश्वकप सुरु हुँदैछ । सबै टोलीले आफ्नो अन्तिम टोली घोषणा गरेका छन् ।

विश्वस्टार ब्याटर आफ्नो उच्च प्रदर्शनमा विश्वकप उपाधि जिताउन चाहन्छन् । युवा खेलाडी विश्वकपमा सानदार प्रदर्शन गर्दै थप स्टार बन्नुको साथै टोलीलाई जित दिलाउन चाहन्छन् । उत्कृष्ट प्रदर्शनको लागि कुनैपनि खेलाडीको लयले ठूलो महत्वपूर्ण भूमिका राख्छ ।

क्रिकेट इतिहासमा हेर्ने हो भने सर्वाधिक रन बनाउने ब्याटर शीर्ष तीनका हाबी हुँदै आएका छन् । शीर्ष तीन ब्याटरले सर्वाधिक बल खेल्ने अवसर पाउँदा रन बनाउने अवसर पाउँछन् । अन्तर्राष्ट्रिय क्रिकेटमा विश्वका सबै स्टार ब्याटरको लय हेर्दा टि२० विश्वकप २०२२ मा सर्वाधिक रन बनाउन सक्ने पाँच ब्याटर यस प्रकार देखिन्छन् ।

५.विराट कोहली (भारत)

भारतीय क्रिकेट टोलीका ब्याटर विराट कोहली विश्व क्रिकेटका एक उत्कृष्ट ब्याटर हुन् । पछिल्लो समय विराट कोहली राम्रो लयमा छन् । कोहलीले अघिल्लो महिना एसिया कपमा अफगानिस्तानविरुद्ध १ सय २२ रनको शतकीय इनिङ खेलेका थिए ।

कोहलीले तेस्रो नम्बरमा ब्याटिङ गर्दै ठूलो इनिङ खेल्न सक्ने खुबी भएका हुन् । कोहली टि२० विश्वकपमा २०१४ र २०१६ को संस्करणमा सर्वाधिक रन बनाउने ब्याटर हुन् । कोहलीले बंगलादेशमा भएको २०१४ को विश्वकपमा ३ सय १९ र २०१६ मा घरेलु मैदानमा ३ सय ५३ रन बनाएका थिए ।

कोहलीले १ सय ९ टि२० आई खेलमा १ शतक र ३३ अर्धशतकसहित कुल ३ हजार ७ सय १२ रन बनाएका छन् । पछिल्लो समय लयमा हुँदा कोहली सर्वाधिक रन बनाउन सक्ने ब्याटरको दाबेदार देखिन्छन् ।

४.डेविड वार्नर (अष्ट्रेलिया)

गतवर्ष अष्ट्रेलियालाई टि२० विश्वकप उपाधि जिताउन ओपनर डेविड वार्नरले सानदार प्रदर्शन गरेका थिए । विश्व क्रिकेटकै एक उत्कृष्ट ओपनर डेविड वार्नरले घरेलु मैदानको फाइदा उठाउँदै सानदार प्रदर्शन गर्न सक्छन् ।

बायाँ हाते वार्नर आक्रामक इनिङका साथ ठूलो इनिङका लागि चिनिन्छन् । टि२० क्रिकेट इतिहासकै एक सर्वाधिक सफल वार्नरले ९५ टि२० आई खेलमा १ शतक र २४ अर्धशतकसहित २ हजार ८ सय ५० रन बनाएका छन् ।

वार्नरले इंग्ल्यान्डको पहिलो खेलमा यसै साता ४४ बलमा ७३ रन बनाएका थिए । वार्नर आक्रामक साथै ठूलो इनिङ खेल्ने गर्दछन् ।

३५ वर्षीय अनुभवी ओपनर वार्नर आफ्नो अनुभवको फाइदा उठाउँदै लगातार दोस्रो विश्वकप जित्ने सोचमा हुनेछन् । वार्नर दबाब र ठूला प्रतियोगिता खेलाडी हुन् ।

उनी टिकेको खण्डमा जुनसुकै टोलीविरुद्ध सहज जित दिलाउन सक्छन् । गतवर्ष विश्वकपमा सर्वोत्कृष्ट खेलाडी चुनिएका वार्नर घरेलु मैदान र समर्थकमा अझ खुलेर सानदार प्रदर्शन गर्न सक्छन् ।

३. बाबर आजम (पाकिस्तान)

पाकिस्तानका कप्तान बाबर आजम वर्तमान समयका सर्वाधिक भरपर्दा ब्याटर हुन् । पाकिस्तानका प्रमुख ब्याटर बाबरको प्रदर्शनमा धेरै निर्भर हुनेछ । उनी हतपत विकेट नै गुमाउँदैनन् । अर्कोतर्फ उनी क्लासले भरिपूर्ण छन् । कप्तानी जिम्मेवारी र क्लासको फाइदा उठाउँदै विश्वकपमा थप सानदार प्रदर्शन गर्न सक्छन् ।

गतवर्ष पाकिस्तानलाई सेमिफाइनल सम्म पुर्याउन बाबरले उच्च प्रदर्शन गरेका थिए । २०१६ देखि पाकिस्तानबाट खेल्दै उनले अन्तर्राष्ट्रिय क्रिकेटमा लगातार उच्च प्रदर्शन गर्दै आएका छन् । इंग्ल्यान्डसँगको सात टि२० आईमा सिरिज मार्फत बाबरले लय फर्काएका छन् । दोस्रो खेलमा शतक हान्दै पुनः लयमा फर्किएका हुन् ।

पछिल्ला १२ इनिङमा बाबरले क्रमश : ३१, ११०, ८, ३६, ९, ८७, ४, २२, ७९, २१, ५५ र १५ छ । बाबरले ९२ टि२० आई खेलमा २ शतक र २९ अर्धशतकसहित कुल ३ हजार २ सय ३१ रन बनाएका छन् । बाबरले गतवर्ष विश्वकपमा ३ सय ३ रन बनाउँदै शीर्ष स्थानमा थिए ।

२. जस बटलर (इंग्ल्यान्ड)

इंग्ल्यान्डका ओपनर जस बटलर यस विश्वकपमा कप्तानी इनिङ खेल्ने सोचमा छन् । गतवर्ष विश्वकपमा सानदार प्रदर्शन गरेपनि उपाधि जिताउन सकेनन् ।

तर यस पटक बटलर थप उच्च प्रदर्शन गर्ने सोचमा हुनेछन् । चोटपछि फर्किएका बटलर उच्च लयमा छन् । उत्कृष्ट बलिङ आक्रामण भएको अष्ट्रेलियाविरुद्ध बटलरले क्रमश : ६८, १७ र ६५ रन बनाउँदै राम्रो संकेत दिएका छन् । गतवर्ष विश्वकपमा श्रीलंकाविरुद्ध खेलेको १ सय १ रनको शतकीय इनिङ उत्कृष्ट प्रदर्शन थियो ।

आइपिएल २०२२ मा बटलरले ४ शतक र ४ अर्धशतकसहित कुल ८ सय ६३ रन बनाएका थिए । बटलर परिस्थीति अनुसार ब्याटिङ गर्ने गर्दछन् । सुरुदेखि अन्तिम सम्म खेल्ने गुण भएका बटलर ठूलो इनिङ खेल्दै विशाल योगफलमा पुर्याउन सक्छन् ।

१. मोहम्मद रिजवान (पाकिस्तान)

पाकिस्तानका ओपनर मोहम्मद रिजवान सर्वाधिक भरपर्दा र लगातार उत्कृष्ट प्रदर्शन गर्दै आएका छन् । उनको विकेट लिन विश्वका कुनैपनि बलरलाई कठिन पर्छ । रिजवान एक्लै पाकिस्तानलाई जित नजिक पुर्याउन सक्छन् ।

पाकिस्तान बाबर र रिजवानमा निर्भर हुँदा थप जिम्मेवारीका साथ खेल्नेछन् । विश्वका नम्बर वान् ब्याटर रिजवानको
लय र प्रदर्शन लोभलाग्दो छ । रिजावनले पछिल्ला ३० इनिङमा १४ अर्धशतक प्रहार गरेका छन् ।

रिजवान आक्रामक ब्याटिङ गर्दै खेललाई मोड्न सक्छन् । गतवर्ष विश्वकपमा रिजवानले ६ खेलमा २ सय ८१ रन बनाएका थिए । उनको लय र प्रदर्शन हेर्दा विश्वकपमा सर्वाधिक रन बनाउन सक्ने ब्याटर देखिन्छन् ।

April 20, 2024

दिल्लीमाथि हैदरावादको सानदार जित

एजेन्सी – विष्फोटक ब्याटिङ प्रदर्शन सहित सनराईजर्स हैदरावादले इंडियन प्रिमियर लिग (आइपिएल) मा शनिबार दिल्ली क्यापिटल्स माथि फराकिलो जित दर्ता गरेको छ । हैदरावादले दिल्लीमाथि उसैको मैदानमा ६७ रनको सानदार जित निकालेको हो। टस हारेर पहिला ब्याटिङको निम्तो पाएको हैदरावादले उत्कृष्ट ब्याटिङ सहित २० ओभरमा ७ विकेट गुमाउँदै २ सय ६६ रनको विशाल योगफल खडा […]

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 20, 2024

दीपेन्द्रको ब्याटिङमा नेपालको प्रतिस्पर्धात्मक योगफल

मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले प्रतिस्पर्धात्मक योगफल खडा गरेको छ । पछिल्लो खेलमा खराब ब्याटिङ प्रदर्शन गरेको नेपालले आज निर्धारित २० ओभरमा ८ विकेट गुमाउँदै १३९ रन बनाएको हो ।  टस जितेर पहिला ब्याटिङ रोजेको नेपालका लागि दीपेन्द्र सिंह ऐरीले २९ बलमा ४ चौका र ३ […]

Success

Thank you for your time.