default_image

1 year ago

October 16, 2022

इन्दुको अलराउन्ड प्रदर्शनमा एपिएफ अपराजित रहँदै सेमिफाइनलमा

पोखरा (हाम्रो खेलकुद) – इन्दु वर्माको अलराउन्ड प्रदर्शनमा नेपाल एपिएफ क्लब नवौं राष्ट्रिय खेलकुद अन्तर्गत महिला क्रिकेट प्रतियोगितामा अपराजित रहँदै समूह ए बाट सेमिफाइनलमा पुगेको छ । एपिएफले सुदूरपश्चिम प्रदेशलाई ५ विकेटले हराउँदै समूह विजेता बनेको हो । जितको लागि ९३ रनको विजयी लक्ष्य पछ्याएको एपिएफले १६ ओभरमा ५ विकेट गुमाउँदै पूरा गर्यो । एपिएफको […]

110 views

0 Bookmark

पोखरा (हाम्रो खेलकुद) – इन्दु वर्माको अलराउन्ड प्रदर्शनमा नेपाल एपिएफ क्लब नवौं राष्ट्रिय खेलकुद अन्तर्गत महिला क्रिकेट प्रतियोगितामा अपराजित रहँदै समूह ए बाट सेमिफाइनलमा पुगेको छ । एपिएफले सुदूरपश्चिम प्रदेशलाई ५ विकेटले हराउँदै समूह विजेता बनेको हो ।

जितको लागि ९३ रनको विजयी लक्ष्य पछ्याएको एपिएफले १६ ओभरमा ५ विकेट गुमाउँदै पूरा गर्यो । एपिएफको जितमा इन्दु बर्माले ४३ बलमा ५ चौकासहित सर्वाधिक ४५ रन बनाइन् । इन्दु अनु कडायतको बलमा ठूलो सट खेल्ने धुनमा कट एण्ड बोल्ड भएपछि अर्धशतक बनाउन चुकेकी थिइन् ।

ज्योति पाण्डे र रोमा थापाले ११–११ रन बनाइन् । सीता रानामगर ४, ममता चौधरी ७ र मन्जु बोगटीले २ रन बनाइन् । सुदूरपश्चिमको मनिषा चौधरी, अनु कडायत, डली भट्ट र स्नेहा महराले १–१ विकेट लिइन् ।

त्यसअघि पोखरा रंगशालामा टस जितेर पहिला ब्याटिङ थालेको सुदूरपश्चिमले निर्धारित २० ओभरमा ३ विकेट गुमाउँदै ९२ रन बनाएको थियो । सुदूरको लागि ऋतुले ४६ बलमा २ चौकासहित सर्वाधिक ३५ रनमा अविजित रहिन् ।

ओपनर विन्दु रावल १८ बल खेल्दै ८ रनमा बाल्ड भइन् । उनी स्पिनर नेरी थापाको बलमा बोल्ड भइन् । दोस्रो विकेटका लागि रवि पोद्धार र ऋतुले २९ रनको साझेदारी गरेका थिए । मध्य गतिकी बलर सुष्मा श्रेष्ठको बलमा बोल्ड हुनुअघि उनले ३५ बलमा ३ चौकासहित २३ रन बनाइन् ।

स्नेहा महरा २० बलमा १ चौकासहित १८ रनमा इन्दु बर्माको बलमा बोल्ड भइन् । तेस्रो विकेटका लागि महरा र ऋतुले सर्वाधिक ४१ रनको साझेदारी गरेकी थिइन् । डली भट्ट एक रनमा अविजित रहिन् । एपिएफकी नेरी थापा, इन्दु बर्मा र सुष्मा श्रेष्ठले एक एक विकेट लिइन् ।

समूह ए बाट एपिएफ सेमिफाइनलमा पुगि सकेको छ । समूह बी बाट नेपाल पुलिस क्लब विजेता र लुम्बिनी प्रदेश उप–विजेता हुँदै सेमिफाइनलमा पुगेका छन् । एपिएफले सेमिफाइनलमा सोमबार लुम्बिनीसँग खेल्नेछ । आजको दोस्रो खेलमा बागमती प्रदेश र मधेश प्रदेशबीच प्रतिस्पर्धा हुँदैछ । जसको विजेता समिफाइनलमा पुग्नेछ ।

अंक तालिका

नेपाल एपिएफ क्लब ४ खेलमा ४ अंकका साथ शीर्ष स्थानमा रह्यो । बागमती ३ खेलमा २ मा जित र १ मा हारसहित ४ अंक जोड्दै दोस्रो स्थानमा छ । मधेश ३ खेलमा २ मा जित र १ मा हारसहित ४ अंकका साथ तेस्रो स्थानमा छ ।

आजको दोस्रो खेलमा मधेश प्रदेश र बागमतीबीच प्रतिस्पर्धा हुनेछ । विजयी टोली सेमिफाइनलमा पुग्नेछ । सुदूरपश्चिम ४ खेलमा १ मा जित र ३ मा हारका साथ चौथो स्थानमा छ । गण्डकी भने चारै खेलमा पराजित हुँदै जित विहीनका साथ बाहिरियो ।

समूह बी बाट नेपाल पुलिस क्लब विजेता र लुम्बिनी उपविजेता हुँदै । समूह बी मा नेपाल पुलिस क्लब ३ खेलमा ६ अंकका साथ शीर्ष स्थानमा रह्यो ।

लुम्बनी ३ खेलमा १ मा जित, १ मा हार र १ खेलमा अंक बाड्दै ३ अंक जोड्दै दोस्रो स्थानमा रह्यो । प्रदेश १ ले ३ खेलमा १ मा जित, १ मा हार र १ खेलमा अंक बाँड्दै ३ अंक भएपनि नेटरनरेटको कारण बाहिरियो ।

लुम्बिनीको नेटरनरेट ०.१७५ र प्रदेश १ को माइनस १.१७५० छ। प्रदेश १ र लुम्बिनीबीचको खेल वर्षाको कारण रद्द भएको थियो । जारी प्रतियोगितामा रद्द हुने यो मात्र एक खेल हो । कर्णाली तीनै खेलमा पराजित हुँदै बाहिरियो ।

April 15, 2024

मुम्बईमाथि चेन्नईको जित

एजेन्सी – चेन्नई सुपर किंग्सले इन्डियन प्रिमियर लिग (आइपिएल) मा आइतबार मुम्बई इन्डियन्समाथि सानदार जित निकालेको छ । चेन्नईले मुम्बईलाई २० रनले हराएको हो । २ सय ७ रनको लक्ष्यको पछ्याएको मुम्बईले नटआउट रोहित शर्माको शतकका बावजुद २० ओभरमा ६ विकेटको क्षतिमा १ सय ८६ रन मात्र बनाउन सक्यो । रोहित र इशान शर्माले पहिलो […]

April 14, 2024

हङकङ साउदी अरबविरुद्ध स्तब्ध

मस्कट (हाम्रो खेलकुद) – ओमानमा जारी एसिसि प्रिमियर कपमा हङकङ साउदी अरेबिया विरुद्ध स्तब्ध भएको छ । समूह ए अन्तर्गत अल अमेरातमा भएको खेलमा हंगकंगलाई साउदीले ५५ रनको हार चखाएको हो । साउदीले दिएको २ सय ३ रनको विशाल लक्ष्य पछ्याएको हङकङ १८.५ ओभरमा १ सय ४७ रनमा समेटियो । हङकङका लागि कप्तान निजाकत खानले […]

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

Success

Thank you for your time.