2 years ago
October 17, 2022
पोखरा (हाम्रो खेलकुद) – राष्ट्रिय महिला क्रिकेट टोलीका मुख्य प्रशिक्षक जगत टमाटाले राष्ट्रिय खेलकुद परिषद् (राखेप) को क्रिकेटतर्फको प्रमुख प्रशिक्षकबाट विदा लिएका छन् । २०५१ सालमा राखेपको क्रिकेट प्रशिक्षकबाट सुरु गरेका टमाटा पछिल्लो एक दशक मुख्य प्रशिक्षक पदमा थिए ।
टमाटाले आफूले क्रिकेटबाट नभएर राखेपबाट मात्रै विदा लिएको बताएका छन् । ‘पहिला यहिँबाट मैले खेल्न सुरु गरेको थियो । अहिले यहीँ आएर राखेपबाट बिदा भएको छु । यसले खुशी पनि भएको छु । अलिकति भावुक पनि । यो मेरो यात्रा लामो छ । सबैभन्दा बढी मलाई सहयोग परिवार, साथीभाई, क्यान र राखेपलाई धन्यावाद दिन चाहन्छु । मेरो बहिनीले पनि धेरै सहयोग गर्यो’, टमाटाले भने ।
टमाटाले उमेर हदबन्दीको कारण अनिवार्य अवकाश पाएका हुन् । ५८ वर्षीय टमाटा पछिल्लो एक दशक देखि राखेपमा क्रिकेटतर्फ मुख्य प्रशिक्षक थिए । राखेप अन्तर्गत क्रिकेटमा प्रशिक्षकको रुपमा उनले २८ वर्ष बिताए । त्यो यात्रालाई बिदा गरेका हुन् । राखेपबाट विदा भएपनि टमाटाले अन्य प्रशिक्षकमा भने निरन्तरता दिनेछन् । उनको बिदाइमा आइतबार नवौं राष्ट्रिय खेलकुदको समूह चरणको खेलपछि बिदाइ कार्यक्रम आयोजना गरिएको थियो ।
हाल टमाटा महिला राष्ट्रिय टोलीका मुख्य प्रशिक्षक हुन् । टमाटाले आगमी दिनमा क्रिकेटमै रहने बताएका छन् । उनले पछि क्यान नेतृत्वमा पनि आउने इच्छा राखेको बताए ।
आइतबार पोखरा रंगशालामा एक कार्यक्रम मार्फत अवकाश लिएका हुन् । नवौं राष्ट्रिय खेलकुद अन्तर्गत महिलातर्फ क्रिकेट प्रतियोगितामा मधेश प्रदेश र बागमती प्रदेशबीचको खेलपछि उनको विदाई गरिएको थियो । विदाई कार्यक्रममा, बागमती, मधेश र पुलिसका खेलाडी, अम्पायर, प्रशिक्षक र अम्पायरहरुको उपस्थीति थियो ।
नेपाललाई दुई पटक यू–१९ विश्वकप (२०१२/२०१६) र २०१८ मा एकदिवसिय मान्यता दिलाएका मुख्य प्रशिक्षक टमाटाले ३० वर्षीय करिअर राखेपबाट विदा लिएका हुन् । टमाटाले सन् १९७६ सालदेखि क्रिकेट खेल्न सुरु गरेका थिए । नेपालले पहिलो पटक १९९६ मा अन्तर्राष्ट्रिय प्रतियोगितामा डेब्यू गर्दा टमाटा टोलीका सदस्य थिए । त्यो भन्दा पहिला भने उनले हक्की खेलेका थिए ।
May 17, 2024
काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्ध लगातार दोस्रो जित दर्ता गरेको छ । पार्क हिल मैदानमा भएको दोस्रो खेलमा नेपाल ४९ रनले विजयी भएको हो । नेपालले दिएको १८० रनको लक्ष्य पछ्याएको घरेलु टोली १८.४ ओभरमा १३० रनमा समेटियो । नेपालको जितमा कुशल […]
May 17, 2024
काठमाडौं (हाम्रो खेलकुद) – आईसिसी टि-२० विश्वकप अघि नेपालले खेल्ने आधिकारिक वार्म-अप खेलको तालिका सार्वजनिक भएको छ । नेपालले दुई एसोसिएट राष्ट्र अमेरिका र क्यानडा विरुद्ध वार्म अप खेल खेल्ने भएको हो । नेपालले दुवै खेल टेक्सास स्थित ग्रान्ड प्रेरी क्रिकेट स्टेडियममा खेल्नेछ । नेपालले २७ मेमा क्यानडा विरुद्ध खेल्नेछ भने ३० मेमा अमेरिकाको सामना […]
May 16, 2024
एजेन्सी – सनराईजर्स हैदराबाद जारी इंडियन प्रिमियर लिग (आईपिएल) को प्लेअफमा पुग्ने तेस्रो टोली बनेको छ । गुजरात टाईटन्स विरुद्धको बिहीबारको खेल वर्षाका कारण टस नै नभई रद्द भएपछि हैदराबाद प्लेअफमा पुग्ने पक्का भएको हो । तेस्रो स्थानमा रहेको हैदराबाद १३ खेलमा १५ अंक भएको छ । दोस्रो स्थानमा रहेको राजस्थान रोयल्सको १३ खेलमा १६ […]