default_image

1 year ago

October 17, 2022

नेरीको घातक बलिङ र ज्योतिको उत्कृष्ट ब्याटिङमा एपिएफ फाइनलमा

पोखरा (हाम्रो खेलकुद) – स्पिनर नेरी थापाको घातक बलिङ र ज्योति पाण्डेको उत्कृष्ट ब्याटिङमा नेपाल एपिएफ क्लब नवौं राष्ट्रिय खेलकुद अन्तर्गत महिला क्रिकेट प्रतियोगिताको फाइनलमा पुगेको छ । एपिएफले पहिलो सेमिफाइनल खेलमा लुम्बिनी प्रदेशलाई ६७ रनले हराउँदै फाइनलमा स्थान बनाएको हो । जितको लागि १ सय ३० रनको विजयी लक्ष्य पछ्याएको लुम्बिनी १८.२ ओभरमा ६२ […]

74 views

0 Bookmark

पोखरा (हाम्रो खेलकुद) – स्पिनर नेरी थापाको घातक बलिङ र ज्योति पाण्डेको उत्कृष्ट ब्याटिङमा नेपाल एपिएफ क्लब नवौं राष्ट्रिय खेलकुद अन्तर्गत महिला क्रिकेट प्रतियोगिताको फाइनलमा पुगेको छ । एपिएफले पहिलो सेमिफाइनल खेलमा लुम्बिनी प्रदेशलाई ६७ रनले हराउँदै फाइनलमा स्थान बनाएको हो ।

जितको लागि १ सय ३० रनको विजयी लक्ष्य पछ्याएको लुम्बिनी १८.२ ओभरमा ६२ रनमा अल आउट भयो । लुम्बिनीको लागि सुस्मिता बजागाईंले २३ बलमा सर्वाधिक १२ रन बनाइन् ।

स्पिनर नेरी थापाले माछापुच्छ«े एन्डबाट बलिङ गर्दै आफ्नो पूर्व टोलीविरुद्ध घातक बलिङ गरिन् । नेरीले सातौं ओभरको पाँचौं बलमा ओपनर लक्ष्मी चौधरीलाई ५ रनमा ममता चौधरीबाट क्याच गराइन् । लक्ष्मीले १८ बल खेलकी थिइन् । मध्य गतिकी बलर इन्दु बर्माले आश्मा पुलामी मगरलाई ६ रनमा बोल्ड गरिन् ।

उनले २४ बल खेल्दै एक चौका प्रहार गरिन् । नेरीले मधु डिसीलाई ५ रनमा बोल्ड गरिन् । नेरीले जिज्ञाशा थापालाई शून्यमा क्याच गराउँदै चार विकेट पूरा गरिन् । कमला घर्तीमगर सीता रानामगरको बलमा शून्यमा बोल्ड भइन् ।

एपिएफकी नेरी थापाले ४ ओभरमा ७ रन खर्चेर ४ विकेट लिइन् । रेखा रावलले ४ ओभरमा ९ रन खर्चेर १ विकेट लिइन् । इन्दु बर्मा, सुमन विष्ट, सुष्मा श्रेष्ठ र सीता रानामगरले एक एक विकेट लिइन् ।

त्यसअघि पोखरा रंगशालामा टस हाररेर पहिला ब्याटिङको निम्तो पाएको एपिएफले निर्धारित २० ओभरमा ३ विकेट गुमाउँदै १ सय २९ रन बनाएको थियो । एपिएफको लागि ज्योति पाण्डेले ६१ बलमा ७ चौकासहित सर्वाधिक ६९ रनमा अविजित रहिन् ।

यो प्रदर्शन यस प्रतियोगिताकै उच्च हो । यसअघि नेपाल पुलिस क्लबकी सम्झना खड्काले प्रदेश १ विरुद्ध ६० रनको इनिङ खेलिन् । एपिएफले चौथो ओभरमा कप्तान सीता रानामगरलाई ११ रनमा गुमाएका थियो । मध्य गतिकी बलर मनिषा रानाको बलमा सीता एज लागेर विकेटकिपर लक्ष्मी चौधरीबाट क्याच भइन् ।

इन्दु बर्मा ११ रनमा स्टम्पिङ आउट भइन् । ममता चौधरी २२ बल खेल्दै कृतिका मरासिनीको बलमा १६ रनमा बोल्ड हुन पुगिन् । रोमा थापा १३ बल खेल्दै १२ रनमा अविजित रहिन् । लुम्बिनी प्रदेशकी कृतिका मरासिनीले ४ ओभरमा २० रन खर्चेर २ विकेट लिइन् । मनिषा रानाले ४ ओभरमा २५ रन खर्चेर १ विकेट लिइन् ।

दोस्रो सेमिफाइनल खेलमा आज नेपाल पुलिस क्लब र बागमती प्रदेशबीच प्रतिस्पर्धा हुनेछ । फाइनल र तेस्रो स्थानको लागि मंगलबार प्रस्तिस्पर्धा हुनेछ ।

April 15, 2024

ओमानको युएईविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कपमा घरेलु टोलीमा ओमानले लगातार तेस्रो जित दर्ता गरेको छ । लगातार तेस्रो जित हासिल गर्ने क्रममा ओमानले युएई माथि ९ विकेटको सानदार जित निकालेको हो । वर्षाका कारण १५ ओभर प्रति टोलीमा घटाइएको खेलमा युएईले दिएको १४३ रनको लक्ष्य ओमानले १२.४ ओभरमै १ विकेट मात्र गुमाएर […]

April 15, 2024

हङकङलाई हराउँदै नेपाल प्रिमियर कपको सेमिफाइनलमा

मस्कट (हाम्रो खेलकुद) – नेपाली राष्ट्रिय क्रिकेट टोलीले एसीसी प्रिमियर कप अन्तर्गत समूह ए को तेस्रो खेलमा हङकङलाई पराजित गर्दै सेमिफाइनलमा स्थान पक्का गरेको छ । अल अमेरत मैदानमा जितका लागि १ सय १५ रनको सामान्य लक्ष्य पछ्याएको नेपालले २ विकेट गुमाउँदै १३ औं ओभरमा लक्ष्य पूरा गर्यो । सुरुवाती जोडीले आक्रामक सुरुवात दिलाएपछि नेपालले […]

April 15, 2024

नेपाललाई हङकङको सामान्य लक्ष्य

मस्कट (हाम्रो खेलकुद) – नेपाली राष्ट्रिय क्रिकेट टोलीले एसीसी प्रिमियर कप अन्तर्गत समूह ए को तेस्रो खेलमा हङकङविरुद्ध जितका लागि १ सय १५ रनको सामान्य लक्ष्य पाएको छ । अल अमेरत मैदानमा टस जितेर हङकङलाई ब्याटिङको निम्तो दिएको नेपालले उत्कृष्ट बलिङ र फिल्डीङ प्रदर्शन गर्यो । वर्षाका कारण केही ढिलो सुरु भएको खेल १८ ओभरमा […]

Success

Thank you for your time.