default_image

2 years ago

October 17, 2022

पहिलो सहभागितामै पुलिस फाइनलमा

पोखरा (हाम्रो खेलकुद) – नेपाल पुलिस क्लबले पहिलो सहभागितामै नवौं राष्ट्रिय खेलकुद अन्तर्गत महिला क्रिकेट प्रतियोगिता दोस्रो सेमिफाइनल खेलमा बागमती प्रदेशलाई ३६ रनले हराउँदै फाइनलमा स्थान बनाएको छ । डेब्यू प्रतियोगिता खेलेको पुलिसले स्वर्णको लागि मंगलबार नेपाल एपिएफ क्लबसँग खेल्नेछ । जितको लागि १ सय २४ रनको बलियो विजयी लक्ष्य पछ्याएको बागमतीले २० ओभरमा ८ […]

40 views

0 Bookmark

पोखरा (हाम्रो खेलकुद) – नेपाल पुलिस क्लबले पहिलो सहभागितामै नवौं राष्ट्रिय खेलकुद अन्तर्गत महिला क्रिकेट प्रतियोगिता दोस्रो सेमिफाइनल खेलमा बागमती प्रदेशलाई ३६ रनले हराउँदै फाइनलमा स्थान बनाएको छ । डेब्यू प्रतियोगिता खेलेको पुलिसले स्वर्णको लागि मंगलबार नेपाल एपिएफ क्लबसँग खेल्नेछ ।

जितको लागि १ सय २४ रनको बलियो विजयी लक्ष्य पछ्याएको बागमतीले २० ओभरमा ८ विकेट गुमाउँदै ८७ रन बनायो । बागमतीको लागि सुमन खतिवडाले २३ बलमा ३ चौकासहित सर्वाधिक २३ रन बनाइन् । कप्तान अश्मिना कर्माचार्यले ३५ बलमा १८ रन बनाइन् ।

एक समय बागमती ५.३ ओभरमा २३-४ को कमजोर अवस्थामा पुगेको थियो । पाँचौं विकेटका लागि अस्मिना र सुमनले ३१ रनको साझेदारी गर्दै आशा कायमै राखेका थिए । सुमन कप्तान रुविना क्षेत्रीको बलमा स्वीप खेल्ने धुनमा मिस हुँदै बोल्ड भएपछि जितको सम्भावना टाढिएको थियो ।

ओपनर अस्मिता खरेल ३, कन्चन श्रेष्ठ शून्य र अनिशा मोजाकोटी ४ रनमा आउट भइन् । विन्दा कटुवाल ५ बलमा एक चौकासहित ५ रनमा रन आउट भइन् । आरती विडारीले १५ बलमा १ चौकासहित १५, विपिशा शाहीले ४ र सोनी पाख्रिनले एक रन बनाइन् ।

पुलिसको कविता कुँवरले ४ ओभरमा ६ रन खर्चेर ३ विकेट लिइन् । तीव्र गतीकी बलर ईश्वरी विष्टले ४ ओभरमा २० रन खर्चेर २ विकेट लिइन् । कप्तान रुविना र संगिता राईले एक एक विकेट लिए ।

त्यसअघि पोखरा रंगशालामा टस हारेर पहिला ब्याटिङ थालेको पुलिसले निर्धारित २० ओभरमा ४ विकेट गुमाउँदै १ सय २३ रन बनायो । पुलिसकी ओपनर काजल श्रेष्ठले ५१ बलमा ५ चौकासहित सर्वाधिक ४६ रनमा आउट भइन् ।

अर्की ओपनर कविता कुँवर ३५ बलमा २ चौका र १ छक्कासहित २६ रनमा आउट भइन् । पहिलो विकेटका लागि कविता र काजलले १२।४ ओभरमा ७० रनको साझेदारी गर्दै राम्रो सुरुवात दिलाएका थिए ।

कविता स्पिनर खुशी डंगोलले कवितालाई बोल्ड गर्दै पहिलो सफलता दिलाइन् । लगत्तै अर्को बलमा सम्झन खड्का रन आउट भइन् । अप्सरी बेगम ११ बल खेल्दै ६ रनमा आउट भएकी थिइन् ।

काजल सुमन खतिवडाको बलमा ठूलो सट खेल्ने धुनमा एज लागेर विकेटकिपर कन्चन श्रेष्ठबाट क्याच आउट भएपछि अर्धशतकबाट चुकेकी थिइन् ।

कविता जोशी ९ बलमा १ छक्कासहित १५ रनमा अविजित रहिन् । कप्तान रुविना क्षेत्री १४ बलमा २ चौकासहित १७ रनमा अविजित रहिन् । बागमतीको लागि खुशी डंगोल, सुमन खतिवडा र अश्मिना कर्माचार्यले एक एक विकेट लिइन् ।

पुलिसले स्वर्णको लागि मंगलबार नेपाल एपिएफ क्लबसँग प्रतिस्पर्धा गर्नेछ । तेस्रो स्थानको लागि बागमती र लुम्बिनीबीच प्रतिस्पर्धा हुनेछ । एपिएफले पहिलो सेमिफाइनल खेलमा लुम्बिनी प्रदेशलाई ६७ रनले हराएको थियो ।

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 20, 2024

दीपेन्द्रको ब्याटिङमा नेपालको प्रतिस्पर्धात्मक योगफल

मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले प्रतिस्पर्धात्मक योगफल खडा गरेको छ । पछिल्लो खेलमा खराब ब्याटिङ प्रदर्शन गरेको नेपालले आज निर्धारित २० ओभरमा ८ विकेट गुमाउँदै १३९ रन बनाएको हो ।  टस जितेर पहिला ब्याटिङ रोजेको नेपालका लागि दीपेन्द्र सिंह ऐरीले २९ बलमा ४ चौका र ३ […]

April 20, 2024

लुम्बिनी तेस्रो जितसहित शीर्षस्थानमा कायम

काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा शनिबार लुम्बिनी प्रदेशले कोशी प्रदेशलाई ५० रनले हराएको छ। लुम्बिनीको यो तेस्रो जित हो र ६ अंक सहित अंक तालिकाको शीर्षस्थानमा रहेको छ। लुम्बिनीको जितमा कप्तान देव खनालले ४५ रन बनाए। जितको लागि १ सय ३९ रनको मध्यम लक्ष्य पछाएको कोशी प्रदेश १९.४ ओभरमा मात्र […]

Success

Thank you for your time.