default_image

1 year ago

October 18, 2022

सुमनको विष्फोटक ब्याटिङमा बागमतीलाई कास्य

पोखरा (हाम्रो खेलकुद) – मध्यक्रमकी ब्याटर सुमन खतिवडाको विष्फोटक ब्याटिङमा बागमती प्रदेशले नवौं राष्ट्रिय खेलकुद अन्तर्गत महिलातर्फ कास्य पदक जितेको छ । मंगलबार बागमतीले तेस्रो स्थानको लागि भएको खेलमा लुम्बिनी प्रदेशलाई ७ विकेटले हराउँदै कास्य जितेको हो । जितको लागि ८८ रनको विजयी लक्ष्य पछ्याएको विजयी लक्ष्य पछ्याएको बागमतीले १६.१ ओभरमा ३ विकेट गुमाउँदै पूरा […]

171 views

0 Bookmark

पोखरा (हाम्रो खेलकुद) – मध्यक्रमकी ब्याटर सुमन खतिवडाको विष्फोटक ब्याटिङमा बागमती प्रदेशले नवौं राष्ट्रिय खेलकुद अन्तर्गत महिलातर्फ कास्य पदक जितेको छ ।

मंगलबार बागमतीले तेस्रो स्थानको लागि भएको खेलमा लुम्बिनी प्रदेशलाई ७ विकेटले हराउँदै कास्य जितेको हो । जितको लागि ८८ रनको विजयी लक्ष्य पछ्याएको विजयी लक्ष्य पछ्याएको बागमतीले १६.१ ओभरमा ३ विकेट गुमाउँदै पूरा गर्यो ।

बागमतीको लागि सुमन खतिवडाले २१ बलमा ६ चौका र १ छक्कासहित ४१ रनको आक्रामक इनिङ खेलिन् । सुमनले सुस्मिता भुषाललाई डिपमिडविकेटमा सानदार विजयी छक्काका साथ खेल सकाइन् ।

ओपनर अस्मिता खरेल ३२ बलमा २ चौकासहित २० रनमा आउट भइन् । ओपनर हेलिसा गुरुङलाई सुस्मिता भुषालले एक रनमा बोल्ड गरिन् । कन्चन श्रेष्ठ २० बलमा १० रनमा आउट भइन् ।


अनिशा मजाकोटी २१ बलमा १ चौकासहित १० रनमा अविजित रहिन् । चौथो विकेटका अनिशा र सुमनले ४८ रनको अविजित साझेदारी गरेका थिए । लुम्बिनी प्रदेशकी कृतिका मरासिनीले ४ ओभरमा ९ रन खर्चेर २ विकेट लिइन् । सुस्मिता भुषालले एक विकेट लिइन् ।

त्यसअघि पोखरा रंगशालामा टस हारेर पहिला ब्याटिङको निम्तो पाएको लुम्बिनी प्रदेशले निर्धारित २० ओभरमा ९ विकेट गुमाउँदै ८७ रन बनाएको थियो । लुम्बिनीको लागि कप्तान सरस्वती घर्तीमगरले ३६ बलमा ३ चौकासहित सर्वाधिक ३० रन बनायो । स्पिनर खुशी डंगोलको बलमा सरस्वती कट एण्ड बोल्ड भइन् ।

तीव्र गतिकी बलर सोनी पाख्रिनले दुबै ओपनर लक्ष्मी चौधरीलाई २ र आश्मा पुलामी मगरलाई ८ रनमा आउट गर्दै राम्रो सुरुवात दिलाइन् । नेपालको यू–१९ टोलीबाट खेली सकेकी आश्माले १६ बलमा १ चौका प्रहार गरिन् । त्यसपछि मध्य गतिकी बलर विपिशा शाहीले लुम्बिनीको मध्यक्रम थप धरासय बनाइन् ।

विपिशाले रन्जु श्रेष्ठलाई ५ रनमा क्याच गराइन् । उनले १४ बल खेलेकी थिइन् । विपिशाले मधु डिसीलाई ४ र सुश्मिता बजागाईंलाई ७ रनमा बोल्ड गरिन् । विपिशाले कमला घर्तीमगरलाई शून्यमा एलबीडब्लू आउट गरिन् । १८ औं ओभरमा खुशी डंगोलले तीन विकेट लिँदै विकेट मेडन राखिन् ।

अन्तिम ओभरमा सुस्मिता भुषालले एक चौकासहित कुल महत्वपूर्ण १३ रन जोडिन् । सुस्मिताले ७ बलमा १ चौकासहित १२ रनमा अविजित रहिन् । जिज्ञ्याशा थापा १९ बल खेल्दै ६ रन जोडिन् ।

विपिशा शाहीले ४ ओभरमा २३ रन खर्चेर ४ विकेट लिइन् । सोनी पाख्रिनले ४ ओभरमा १० रन खर्चेर २ विकेट लिइन् । स्पिनर खुशी डंगोलले ४ ओभरमा १ मेडनसहित १७ रन खर्चेर ३ विकेट लिइन् । स्वर्णको लागि केहि बेलमा नेपाल पुलिस क्लब र नेपाल एपिएफ क्लबबीच प्रतिस्पर्धा हुनेछ ।

April 15, 2024

मुम्बईमाथि चेन्नईको जित

एजेन्सी – चेन्नई सुपर किंग्सले इन्डियन प्रिमियर लिग (आइपिएल) मा आइतबार मुम्बई इन्डियन्समाथि सानदार जित निकालेको छ । चेन्नईले मुम्बईलाई २० रनले हराएको हो । २ सय ७ रनको लक्ष्यको पछ्याएको मुम्बईले नटआउट रोहित शर्माको शतकका बावजुद २० ओभरमा ६ विकेटको क्षतिमा १ सय ८६ रन मात्र बनाउन सक्यो । रोहित र इशान शर्माले पहिलो […]

April 14, 2024

हङकङ साउदी अरबविरुद्ध स्तब्ध

मस्कट (हाम्रो खेलकुद) – ओमानमा जारी एसिसि प्रिमियर कपमा हङकङ साउदी अरेबिया विरुद्ध स्तब्ध भएको छ । समूह ए अन्तर्गत अल अमेरातमा भएको खेलमा हंगकंगलाई साउदीले ५५ रनको हार चखाएको हो । साउदीले दिएको २ सय ३ रनको विशाल लक्ष्य पछ्याएको हङकङ १८.५ ओभरमा १ सय ४७ रनमा समेटियो । हङकङका लागि कप्तान निजाकत खानले […]

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

Success

Thank you for your time.