default_image

1 year ago

October 19, 2022

जोशेफको उत्कृष्ट बलिङमा वेस्टइन्डिजको सानदार जित

एजेन्सी – तीव्र गतिका बलर अल्जारी जोशेफको उत्कृष्ट बलिङमा वेस्टइन्डिजले आइसिसी टि२० विश्वकपमा जिम्बावेमाथि ३१ रनको सानदार जित हात पारेको छ । यो जितसँगै पहिलो खेलमा स्कटल्यान्डसँग पराजित भएको वेस्टइन्डिले सुपर १२ को सम्भावना कायमै राखेको छ । जितको लागि १ सय ५४ रनको विजयी लक्ष्य पछ्याएको जिम्बावे १८.२ ओभरमा १ सय २२ रनमा अल […]

63 views

0 Bookmark

एजेन्सी – तीव्र गतिका बलर अल्जारी जोशेफको उत्कृष्ट बलिङमा वेस्टइन्डिजले आइसिसी टि२० विश्वकपमा जिम्बावेमाथि ३१ रनको सानदार जित हात पारेको छ । यो जितसँगै पहिलो खेलमा स्कटल्यान्डसँग पराजित भएको वेस्टइन्डिले सुपर १२ को सम्भावना कायमै राखेको छ ।

जितको लागि १ सय ५४ रनको विजयी लक्ष्य पछ्याएको जिम्बावे १८.२ ओभरमा १ सय २२ रनमा अल आउट भयो । जिम्बावेका ल्यूक जोंगवेले २२ बलमा ३ चौका र १ छक्कासहित सर्वाधिक २९ रन बनाए । ओपनर वेस्ली मेधर्वेले १९ बलमा ३ चौका र १ छक्कासहित २९ रनमा आउट भए ।

रेजिस चकभा १३, सेन विलिम्स १ र सिकन्दर राजा १४ रनमा आउट भए । रयान बर्ल १७ र मिल्टन शुम्बा २ रनमा आउट भए । वेस्टइन्डिजका अल्जारी जोशेफले ४ ओभरमा १६ रन खर्चेर ४ विकेट लिए ।

जेसन होल्डरले ३.२ ओभरमा १२ रन खर्चेर ३ विकेट लिए । ओडेन स्मिथ, ओबेद म्याककोय र अकिल हुसैनले एक एक विकेट लिए ।

त्यसअघि होबार्टमा टस जितेर पहिला ब्याटिङ थालेको वेस्टइन्डिज २० ओभरमा ७ विकेट गुमाउँदै १ सय ५३ रन बनायो । वेस्टइन्डिजका जोहनसन चाल्र्सले ३६ बलमा ३ चौका र २ छक्कासहित सर्वाधिक ४५ रनमा आउट भए ।

रोभम्यान पावेलले २१ बलमा १ चौका र २ छक्कासहित २८ रनमा आउट भए । अकिल हुसैन २३, काइल मेयर्स १३, इविन लेविस १५, निकोलस पुरन ७ र जेसन होल्डर ४ रनमा आउट भए । एक समय ९.५ ओभरमा ७७–२ को अवस्थामा भएपनि मध्यक्रमका ब्याटर नचल्दा १०१–६ को दयनीय अवस्थामा पुगेको थियो ।

जिम्बावेका सिकन्दर राजाले ४ ओभरमा १९ रन खर्चेर ३ विकेट लिए । ब्लेसिङ मुर्जाबानीले ४ ओभरमा ३८ रन खर्चेर २ विकेट लिए जिम्बावेले पहिलो खेलमा आयरल्यान्डलाई ३१ रनले हराएको थियो ।

वेस्टइन्डिज नामिबियासँग ५५ रनले पराजित भएको थियो । जिम्बावेले अन्तिम खेल शुक्रबार नामिबियासँग खेल्नेछ । सुपर १२ मा पुग्न उक्त खेल जित्नुपर्ने हुन्छ । वेस्टइन्डिजले शुक्रबार नै आयरल्यान्डसँग खेल्नेछ । सुपर १२ मा पुग्न आयरल्यान्डलाई हराउनु पर्ने हुन्छ ।

अंक तालिका

समूह ए मा नेदरल्यान्ड्स २ खेलमा ४ अंकका साथ शीर्ष स्थानमा छ । नामिबिया २ खेलमा १ मा जित र १ मा हार सहित २ अंक जोड्दै दोस्रो स्थानमा छ । श्रीलंका २ खेलमा १ मा जित र १ मा हार सहित तेस्रो स्थानमा छ । युएई पुछारमा छ ।

समूह बी मा स्कटल्यान्ड १ खेलमा १ मा जित र १ मा हार सहित शीर्ष स्थानमा छ । जिम्बावे १ खेलमा २ अंक सहित दोस्रो स्थानमा छ । वेस्टइन्डिज २ खेलमा १ मा जित र १ मा हार सहित तेस्रो स्थानमा छ । आयरल्यान्ड २ खेलमा १ मा जित र १ मा हार सहित पुछारमा छ ।

April 15, 2024

आफ्नै कीर्तिमान सुधार्दै हैदराबाद विजयी

एजेन्सी – इन्डियन प्रिमियर लिग (आईपीएल) जारी संस्करणमा नै इतिहासको सर्वाधिक योगफल बनाएर सनराइजर्स हैदराबादले कीर्तिमान सुधारेको छ । मार्च २७ मा मुम्बई इन्डियन्स विरुद्ध २ सय ७७ रन बनाएको हैदराबादले आज रोयल च्यालेन्जर्स बेंगलुरु विरुद्ध २ सय ८७ रन बनाउन सफल भयो । यो संस्करण अघि रोयल च्यालेन्जर्स बंगलुरुले सन् २०१३ मा बनाएको २ […]

April 15, 2024

कुवेतको दोस्रो जित 

मस्कट (हाम्रो खेलकुद) – ओमानमा जारी एसीसी प्रिमियर कपमा कुवेतले दोस्रो जित दर्ता गरेको छ । पहिलो खेलमा युएई विरुद्ध हार बेहोरेको कुवेतले लगातार दोस्रो जित दर्ता गर्ने क्रममा बहराइन माथि २६ रनको जित निकालेको हो । वर्षाका कारण १५ ओभरमा घटाइएको खेलमा १६२ रनको विशाल लक्ष्य पछ्याएको बहराइनले ६ विकेट गुमाउँदै १३५ रन मात्र […]

April 15, 2024

ओमानको युएईविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कपमा घरेलु टोलीमा ओमानले लगातार तेस्रो जित दर्ता गरेको छ । लगातार तेस्रो जित हासिल गर्ने क्रममा ओमानले युएई माथि ९ विकेटको सानदार जित निकालेको हो । वर्षाका कारण १५ ओभर प्रति टोलीमा घटाइएको खेलमा युएईले दिएको १४३ रनको लक्ष्य ओमानले १२.४ ओभरमै १ विकेट मात्र गुमाएर […]

Success

Thank you for your time.