एजेन्सी – आइसिसी टि२० विश्वकप २०२२ को उपाधिको प्रमुख दाबेदार घरेलु टोली अष्ट्रेलियाले युवा विष्फोटक अलराउन्डर क्यामरन ग्रिनलाई टोलीमा बोलाएको छ ।

अष्ट्रेलियाले विकेटकिपर जोश इंग्लिस घाइते भएपछि उनको स्थानमा २३ वर्षीय ग्रीनलाई विश्वकपमा बोलाएको जनाकारी दिएको छ । ग्रीन विष्फोटक ब्याटिङ र तीव्र गतिको बलिङको लागि चिनिन्छन् ।

टेस्टमा सानदार प्रदर्शन गर्दै आएका उनले टि२० आई खेलमा विश्वको शक्तीशाली भारतविरुद्ध सानदार प्रदर्शन गर्दै विश्वकपमा आफ्नो दाबेदारी मजबुत बनाएका छन् ।

तीव्र गतिमा बलिङ गर्ने उनी विष्फोटक ब्याटिङका लागि चिनिन्छन् । भारतविरुद्ध अघिल्लो महिना ग्रीनले २ सय ९ रनको विशाल लक्ष्य पछ्याउनेक्रममा ३० बलमा ८ चौका र ४ छक्का हान्दै जित सहज दिलाएका थिए । तेस्रो खेलमा भारतविरुद्ध १९ बलमै अर्धशतक हानेका थिए ।

ग्रीनले तेस्रो खेलमा २१ बलमा ७ चौका र ३ छक्कासहित ५२ रनको इनिङ खेलेका थिए । पहिलो खेलमा पनि भारतविरुद्ध आक्रामक ब्याटिङका साथ जित दिलाएका थिए । ग्रीन कहाँ खेल्ने निश्चित भने छैन । ओपनरमा आरोन फिन्च र डेविड वार्नर छन् । ग्रीनलाई ओपनिङ गराउँदै इंग्ल्यान्डविरुद्ध फिन्चले तल्लोक्रममा ब्याटिङ गरेका थिए ।

अष्ट्रेलिया सुपर १२ को समूह ए मा छ । सुपर १२ को समूह ए मा अष्ट्रेलिया, इंग्ल्यान्ड, न्युजिल्यान्ड, अफगानिस्तान र पहिलो चरणको समूह ए को विजेता र समूह बी को उपविजेता रहनेछन् । अष्ट्रेलियाले शनिबार न्युजिल्यान्डसँग खेल्दै सुरुवात गर्नेछ ।

अष्ट्रेलियाको टि२० विश्वकप टोली :

एश्टन अगर, प्याट कमिन्स (उपकप्तान), टिम डेविड, आरोन फिन्च (कप्तान), जोश हेजलवुड, क्यामरन ग्रीन, मिचेल मार्श, ग्लेन म्याक्सवेल, केन रिचडर््सन, स्टिभ स्मिथ, मिचेल स्टार्क, मार्कस स्टाइनिस, म्याथ्यु वेड, डेविड वार्नर र एडम जाम्पा ।